باي باي 48 ساعة

[بحلم ببكره]

انا مش فاهمه ليه العدوانيه دي عليهم يا جماعه

انا كنت متبعاهم والناس كانوا دايما بتكلموا علي مصلحه البلد
ولما البنت دي لعت علي الهوا واتكلمت كانت بتقسم بالله
وهم كانوا قاعدين يقلوالها مش مصدقين
وبعدين هم مش جهه تحقيق عشان يتأكدوا هي كده ولا لا

بس مش معقوله كل اللي بيوافقكوا الرأي تحبوه وكل اللي يتعارض نديله علي دماغه
مع ان في رأيي هم كانوا وسطيين في كل حاجه
كانوا حياديين بيعرضوا الرأي والرأي الآخر

بصراحه انا مش عارفه ايه العدووانيه دي كلها
ممكنا اكون انا غلط
بس في تربيتي اني ما اتطاولش ابدا علي حد اكبر مني ولو كان مخطئ
لان طباع الانسان مش المفروض انها تتغير لانه بيتعامل مع شخص حلو ولا وحش
المهم يا ريت اللي مش كان متابعهم ميعلقش
لان ده بيصغره

دكتورة

كلامك جميل ومظنش إني تطاولت في الكلام علي حد

لكن في نقطة

أنا قلت مش متابع البرنامج لكن مقلتش السبب

السبب إني لما اتفرجت عليه أكتر من مرة اتخنقت منه من أسلوب تناوله للمواضيع بشكل يدفع لرؤية معينة

وهدي مثالين في أحداث الثورة يوضوحوا كلامي وشفتهم قدرا..

1- استضافتهم للشيخ محمد حسان..

الراجل كان بيتكلم كلام جميل ومرتب ومنطقي جدا .. وكلامه لم يتطرق بأي حال من الأحوال لمسألة الناس تكمل مظاهرات ولا لأ..
ومع ذلك سيد وهو بيتكلم أكتر من مرة متعمد يقول الناس تهدأ في الميدان .. بس الشيخ محمد منطقش الكلمة دي.. ويقول له نجيب بكره صوتيات وتروح تخطب فيهم خطبة الجمعة يمكن الناس تهدأ وتبطل..
لو أنا مش مركز هيوصل لي من كلامه إن دا رأي الشيخ محمد


2- لما استضافوا أسماء محفوظ ليلة المليونية... إيه دخل الحوار اللي بتتكلموا فيه في نقطة أسماء جميلة ولا لأ .. وجاله عريس ولا لأ .. هتقولوا بيهزر .. ماشي.. بس بعدها علي طول يقترح عليها إن بكره نجيب 10 شباب من التحرير ونعمل حوار علي الهواء مع أكبر مسئول في البلد ولو وصلنا لنتيجة نوقف التظاهر ولو موصلناش تكملوا .. بس نوقف المظاهرات لحين الحوار ما يتم ..

وصلت يا دكتورة

بالتالي أنا مش بتكلم عن ناس عادية

أنا بتكلم عن إعلام بيضلل الناس

كلامهم التخاريف دي أثرت في المتظاهرين وشوهت صورتهم قدام الشعب كله وقدام أهاليهم

في ناس في البلد عندنا اتهمتني شخصيا بأني بوزع فلوس علي الناس عشان تروح المظاهرات

وإهنا في إحدي عيادات ميدان التحرير صديق لي جاله اتصال من واحدة قريبته بتقول له نفس الكلمة..

يبقي إزاي تستغربي رد فعل الناس

[Dr_Cinderellaaaaa]

الخبر صحيح 100% ..البرنامج اتوقف و أنا فرحانة فيهم بصراحة
كنت متابعة البرنامج دائما طول فترة الثورة مش من حبى فيه ولا حاجة بس كنت بشوفه زى ما بتفرج على التليفزيون المصرى عشان أعرف الناس دى بتتكلم فى ايه...قمة الاستفزاز..و كأن المشاهدين ناس ما بتفهمش_اسفة على التعبير_ لما شفت الخلقة اللى بعد تنحى الرئيس كنت متغاظة مووووووووووت والله ..كلام تانى خااااااالص غير اللى كانو بيقولوه فى الكام حلقة اللى فاتوا
والبرنامج لم يكن محايد أبدا زى ما الدكتورة بتقول أبدا أبدا أبدا..كان أكتر برنامج معارض للثورة والناس اللى بتتصل بتقول كلام ما يدخلش العقل زى اللى كان بيقول (ذوى اللحى مسيطرين على الميدان و ان الضرب اللى حصل يوم الأربعاء كان من داخل صفوف الشباب.........وغيره و غيره

عذرا على الاطالة

[dr/sooma]

مش باي باي ولا حاجه
البرنامج متوقفش بدليل انه شغال دلوقتي مباااااااااشر عالمحور

[Dr_r.m.m]

طبعا محصلش اذا كان انا لسة شيفاه الوقتى حالا

[~AnaLgEs!A~]

لســـــــــة شيفاهم حالا ع المحور و مباااشر

مش اى حاجة كدة نشوفها ننقلها

و الغريب الناس اللى بتأكد ان الخبر صحيح 100%

[محمد_على_سلام]

شغالين على المحور يا جماعة ولا اتوقفوا ولا حاجة بس قالبين طريقة كلامهم 180 درجة

[Dr_Cinderellaaaaa]

لســـــــــة شيفاهم حالا ع المحور و مباااشر

مش اى حاجة كدة نشوفها ننقلها

و الغريب الناس اللى بتأكد ان الخبر صحيح 100%

انا لسه فاتحة حالا لقيت البرنامج شغاااااال
لأ و أنا بتكلم بقلب جاااااااااامد أوى وبقول انه أكيد 100%
كنت بتكلم على أساس كلام مقدم البرنامج نفسه
يلا عديها بأه يا دوك

[ضياء القلب]

ده مقطع من حوار محمود سعد وعبد اللطيف المناوى اثناء مداخله انس الفقى
http://www.youtube.com/watch?feature...&v=1AjfPc7wzFU

[sammoha]

البرنامج ماتوقفش وهما مانطردوش ودا طبعا لانهم فبركو الحكايه وقالو انهم مالهمش دعوه بحكاية البنت دى وقالو انها جت وقالت ان عندها معلومات مهمه ولثقتهم الكبيره فيها لانها صحفيه محترمه ومعروفه بالنسبه لهم زى ما هناء السمرى ماقالت ما حدش شكك ف كلامها وصدقوها وطلعوها ع الهوا وجه المسؤل عن اعداد البرنامج وقال انها كانت جايبه ورق ومستندات وبيطلع الورق دا ادام الناس وماحدش شايف ايه اللى مكتوب اصلا وكمان قال ان الحاله اللى البلد كانت فيها والرعب اللى كانو فيه ماكنش فاضى يدور وراها مش فاضى كان يسيب شغله ويعد بدل مايقدم معلومات غلط والحكايه مش عند البنت دى وبس لا دا غير استقبالهم لاتصالات من ناس كوووووووووووووووولهم ضد الثوره ف لمح البصر مابقاش فى واحد مصرى مؤيد للثوره ف البلد

[ريحانة الجنة]

د/محمد البلتاجى
القيادى بجماعة الاخوان
حاليا فى برنامج48ساعة
مباشر مع هناء السمرى