ولسه ياما الأيام هتكشف لنا

[muna7assan]

في حقوق العباد والناس

مفيش حاجة اسمها اللي فات مات .. كل واحد لازم ياخ حقه

تمام ., كل القضايا بتسقط بالتقاضم ما عدا المتعلقه بحقوق الانسان زى سلامه الجسد والسمعه والحاجات دى

ولو كان فعلا مريض ففى بردو ناس تحته لازم الناس دى تاخد حقها منهم .

[*Jessy*]

لا حول ولا قوه الا بالله ... حرام يعني فيه حد يعذب حد بالطريقه دي الناس دي ضمايرها راحت فين

ايه خلاص مابقوش بيخافوا ربنا .....

بس كل مظلوم وان شاء الله ربنا هيرجعله حقه ...

بس انا عاوزه اعرف هما ليه كانوا بعد قرار الافراج بيرجعوهم تاني ويحبسوهم ؟؟؟ ... ايه بيحبوه يعذبوا في خلق الله ولا ايه ..

[Ahmed Nada]

في حقوق العباد والناس

مفيش حاجة اسمها اللي فات مات .. كل واحد لازم ياخ حقه

الراجل دا افتري علي ناس كتير

ولو سامحناه ومأخدناش حق الناس دي منه .. يبقي اللي بعده مش هيخاف

انا معاك يا دكتور في الجزئية دي
بس انا اللي اقصده اننا مش احنا اللي هناحاسبه في حكومة و محاكم ونيابه هتعمل كده
انا اقصد ان الموضوع ملهوش لازمة نتكلم فيه لان ده مش اختصاصنا
احنا اختصاصنا انيون وكاتيون هههه
انا اقصد اننا نتكلم في اللي يفيد مصر المرحلة اللي جاية
تقبل مروري

[فجر الآمال]

حسبى الله ونعم الوكيل
فعلاً الناس دى لازم ما تعديش من غير حساب ،، ولازم الحقوق ترجع لاصحابها
يا جماعة احنا ربنا أكرمنا وانعم علينا بالثورة دى
الحمد لله
احنا من أقل من شهر ما كناش نحلم باننا نوصل للى احنا فيه

...
لكن الوقتى .. لازم نبص لقدام .. لبكرة
لازم نصلح ،، ونطوّر .. نبدأ بنفسنا وأهلنا واصحابنا
نصلح علاقتنا بالله .. ونحافظ على دينا ،، نجتهد ف الدراسة .. ونتفوّق فيها .. نكون صورة مشرفه لبلدنا
بلاش بعد الثورة العظيمة دى ،، نقف نقلب ف أوراق الماضى
طبعاً كل المخطئين هيتحاسبوا .. وعقابهم عسير ..
لكن احنا لازم نكمل المشوار .. نكمل عمار بلدنا .. مش نضيع الانجاز العظيم اللى الثورة حققته
وكل واحد فينا من الوقتى يبدأ بنفسه ،،

[بحلم ببكره]

يا جماعة مش معني إننا نكشف عن المصايب اللي كانت بتحصل في العهد القديم إننا بننام في الماشي ومش ناويين نبص لقدام

لأ طبعا..

لكن مينفعش ننسلخ عن الماضي خصوصا غن لسه مبقاش ماضي

دا لسه أول امبارح

يبقي ننساه إزاي..

كمان في ناس لسه مخدوعة في الراجل عشان كدا لازم الصورة تتكشف

وبكره الأيام تكشف أكتر

[فجر الآمال]

أكـــيد طبعـــاً