الجديد بعد خلع الرئيس

[juman]

الشعوب العربية كلها طايرة من الفرحة كانهم خلعوا هما كمان. بس حد يقولى الخلع حلال ولا حرام

[أمــ هـنـد ــة الله]

سويسرا تجمد رصيد الرئيس المخلوع حسنى مبارك فى البنوك

احـسن يستـاهل وعقبـال كـل اللى نهبـو

[N00R EL _SHAMS]

اكيد اليومين دول لحد مالبلد تتظبط تانى
وتقريبا الدراسة مش هتبدأ الا لما البلد تستقر والدورى المصرى يستأنف تانى

يارب تتاجل شويه كمان

عشان خاطر اخويا بس..عشان فرحته تكمل

[dr_orchida]

لا تجميد رصيد مبارك سمعتها فعلا فالاخبار
وهو يعتبر مخلوع لانه مشي علشان الشعب مش عايزه و عامل المنظر ده من 1/25 D:
بس البلطجية مش هتنتشر أبدااااا ده حكم جيش يا جماعة يعني اتوقع جداااااا حظر تجوال قريبااااا واي نملة هتعدي هتتضرب بالنااااااااار فأكيد البلطجية هيحافظوا علي حياتهم شوية D:

[Dr/HULK]

سبحان الله الثورة المصرية انتهت بيوم واحد قبل بدأ مظاهرات الجزائريين غدا

سبحان الله

من المواقف الطريفة خبر سمعته عن ليبيا وهو امر من القذافى باعتقال اى ليبى يتصفح الفيس بوك

واضح انه بقى شبح الحكام

وتم تأكيد خبر تجميد حسابت الرئيس

[*Jessy*]

اكيد اليومين دول لحد مالبلد تتظبط تانى
وتقريبا الدراسة مش هتبدأ الا لما البلد تستقر والدورى المصرى يستأنف تانى



خبر اكيد ده
انا بقالى 10 ايام مفرحتش

لو ده بجد هتبقى اول افراحى
انا كل بتمناه انهم يصادروا امواله وبعد كده الشعب يعفو عنه ونسيبه يعيش فى البلد

عشان يعرف اننا احسن منه وان ربنا هيرجعلنا حقنا

الشعب يعفو عنه

انا سمعت ان فيه ناس عاوزه تحاكمه وعاوزاه ينعدم كمان
-----

احـسن يستـاهل وعقبـال كـل اللى نهبـو

حلو العلم ده يا هند
-----

سبحان الله الثورة المصرية انتهت بيوم واحد قبل بدأ مظاهرات الجزائريين غدا

سبحان الله

من المواقف الطريفة خبر سمعته عن ليبيا وهو امر من القذافى باعتقال اى ليبى يتصفح الفيس بوك

واضح انه بقى شبح الحكام

وتم تأكيد خبر تجميد حسابت الرئيس

فعلا القذافي عمل كده بجد

وهيعمله بساعات معينه واللي هيزود هيدفع غرامه وهيكون مراقب الفيس بوك

وسمعت ان بتاع الجزائر نزل الجيش وامرهم بضرب النار لاي متظاهر

ده يدل اننا بلد ديمقراطي وسبونا بمزاجنا اهو وكانوا كمان هيحققوا مطالبنا ... ومتأكده ان البلد الفتره اللي جايه كانت هتبقي أحسن من الفتره اللي هتعدي علينا حاليا دي بعد خلع مبارك .... وربنا يخلف ظني

[Dr/HULK]

فاروق حسني يؤكد أن ثروته لا تتجاوز المليون دولار

نفى فاروق حسني وزير الثقافة السابق ما تردد من عن حجم ثروته، وقال ''أنها لا تتجاوز المليون دولار'' وقال أن كلها موضوعه كوقف خاص لتجهيز المنزل الذى يعيش فيه حاليا بالمنيب ليصبح متحفا قوميا كأقل هدية يقدمها للشعب المصري العظيم، موضحا أنه أعلن عن قرار تبرعه بالمنزل وبكل ثروته على شاشات الفضائيات وللإعلان لصالح مصر قبل انطلاق ثورة الشباب العظيمة يوم 25 يناير.
وأعرب حسني عن أمله أن ينتهى الوضع الذى تمر به مصر على خير، خاصة وأن التأخير فى عودة الاستقرار للوطن ينتقص من اقتصادنا يوميا ويستنفذ موارد الدولة ويضر بالمصالح القومية، داعيا الى أهمية التفكير فى مستقبل مصر بعد تحقيق المطالب المشروعة لشباب 25 يناير العظيم، الذى طوى صفحة من تاريخ مصر ليفتح صفحة جديدة، إضافة الى استجابة مؤسسة الرئاسة لمطالب هذه الثورة المجيدة .
وأضاف حسني ان لوحاته تباع فى صالات المزادات العالمية وتحقق مبالغ كبيرة وأكد فاروق حسنى وزير الثقافة السابق، إنه على استعداد تام لتقديم إقرار ذمته المالية أمام النائب العام فى حالة التحقيق معه فى البلاغ المقدم ضده باسم 12 من المثقفين، وان إقرار ذمته المالية جاهز تماما، مشددا على أن لوحاته تباع بثمن كبير ولا علاقة لبيع اللوحات بأي من الشركات الخاصة، وأنه قبل توليه الحقيبة الوزارية كان يمتلك جزء من شركات وقام ببيع حصته فيها وهى أساس معظم ثروته .

هههههههههههههههههههههههههههه

كله ركبه بتخبط على باب الجيران

كل اللى سرقوه بيرجع تانى

دى نكتة مش خبر دا كفاية لوحة الخشخاش اللى اتسرقت

[Mahmoud_Seif]

متفائل ان شاء الله بكل اللي جاي ومصر بخير ان شاء الله

[Dr/HULK]

قرر المستشار الدكتور عبد المجيد محمود النائب العام اليوم منع كل من الدكتور احمد نظيف رئيس مجلس الوزراء السابق، وانس الفقى وزير الاعلام، وحبيب العادلى وزير الداخلية السابق، من مغادرة البلاد فى ضوء البلاغات المقدمة ضدهم وضد بعض المسئولين الحاليين والسابقين .
وأوضح مصدر قضائى بأن النائب العام المستشار عبد المجيد محمود قرر التحفظ على أموال حبيب العادلى وزير الداخلية وأفراد أسرته ومنع التصرف فيها لما ورد فى بلاغات عن تحويل ما يزيد على 4 ملايين جنيه الى حسابه الشخصى من أحد شركات المقاولات، مشيرا إلى أنه جارى تحديد جلسة أمام محكمة جنايات القاهرة للنظر في
تأييد قرار التحفظ.
وأشار المصدر إلى أنه بناء على تصديق جمهورية مصر العربية على اتفاقية الأمم المتحدة لمكافحة الفساد التي تنص أحكامها على حق طلب المساعدة القانونية من الدول الأطراف في الاتفاقية باتخاذ الإجراءات التحفظية، واسترداد الموجودات والأموال المتحصلة من جرائم الفساد إلى بلدانها الأصلية .
وعلى ضوء ذلك، قام النائب العام بمخاطبة وزير الخارجية ليطلب بالطرق الدبلوماسية من عدد من الدول الأوروبية تجميد الحسابات والأرصدة الخاصة بكل من: - أحمد المغربي وزير الإسكان السابق - رشيد محمد رشيد وزير التجارة والصناعة السابق - زهير جرانه وزير السياحة السابق - وحبيب العادلي وزير الداخلية السابق - ورجل الأعمال أحمد عز أمين التنظيم السابق بالحزب الوطني، وذلك لحين اتخاذ باقي إجراءات طلبات المساعدة القضائية لاستعادة تلك الأموال.
وصرح المصدر القضائي بأن بعض البلاغات التي وردت إلى النيابة العامة قد تم إرسالها إلى إدارة الكسب غير المشروع بوزارة العدل لفحصها واتخاذ الإجراءات القانونية اللازمة فيما تضمنته هذه البلاغات من وقائع تتضمن تضخم في ثروات المبلغ ضدهم بطرق غير مشروعة.
كما أكد المصدر أن النيابة العامة تواصل التحقيق فيما تتلقاه من بلاغات، وتتابع ما يستلزم تدعيم كل بلاغ منها بالمستندات الكافية ، ومواصلة تكليف الأجهزة الرقابية لفحصها والتحري عن مدى صحتها، وأنه في حالة توافر أدلة على قيام أية جرائم، فإن النيابة العامة تسرع في اتخاذ الإجراءات المنصوص عليها في قانون الإجراءات الجنائية، وتحرص على أن يتم عملها تحت ظل من الشرعية القانونية.
وكانت مصادر عسكرية قد أكدت، السبت، وضع أنس الفقي وزير الإعلام رهن الإقامة الجبرية بمنزله، بحسب ما نقلته فضائية الحياة.
يذكر أن محكمة جنايات أمن الدولة العليا طوارىء بشمال القاهرة قد أيدت القرار الصادر عن مكتب النائب العام المستشار عبد المجيد محمود بمنع 4 وزراء سابقين ورجل الأعمال أحمد عز و5 مسئولين حكوميين آخرين بمنعهم من السفر وتجميد حساباتهم البنكية.

خبر جامد احلى حاجة
نظيف ده المفروض يضربوه فى ميدان الشهداء
والعادلى كفاية عليه نجيب اهالى اللى ظلمهم كل واحد يضربه على قفاه

ويبقى راجل لو استحمل

وكويس جدا ان المجلس العسكرى ابقى على الفريق احمد شفيق لانه بيضمن ان البلد هتمشى بصورة شبه طبيعية والراجل حتى فكره كويس وكلامه من غير تكبر

-----

صحيح هو عاطف عبيد اللى بيمتلك البنك العربى المتحد
واللى باع الدخيلة لاحمد عز
بعيد عن القايمة ليه؟؟؟؟

وكمان يوسف والى ده المفروض نأكله المبيدات اللى دخلها البلد

ان شاء الله التحقيقات تجيبهم لان الوزارة دى قتلت الناس

[dr.monalizaa]

من المواقف الطريفة خبر سمعته عن ليبيا وهو امر من القذافى باعتقال اى ليبى يتصفح الفيس بوك

انا لو منه أفجر أي ميدان عندي في ليبيا



العادلي ده مفيش عقاب على الارض كفاية عليه .. يتحبس ونسيبه لربنا