.. استفتاء امتحان الكيمياء العضويه ..

[محمد سمير]

ربنا يسترها فى الى فات والى جاى بصراحه انا اكتر حاجه حرقت دمى الشفوى كنت مع دكتوره اكسترنال ويلا خير ان شاء الله ربنا يعوضنا خير

ما كنتش اعرف ان دعواتى مهمه اوى كده

اصلى نسيت ادعى

ان شاء الله المره الجايه هدعى عشان تخرجوا مبسوطين

[Sarah Mohsen]

بسم الله الرحمن الرحيم

انا مقدرش اقول الامتحان كان حلو او وحش او سهل او صعب

لأن العامل الوحيد هنا مكانش الامتحان فيه حاجات تانيه كتير بتأثر غير وضع الامتحان

يعني انا شايفه ان اغلب اسئلة الامتحان كانت عاديه جدا ومباشره مفيش غير سؤال دكتور حسن الكبير اللي عليه ست درجات ده هو اللي كان غريب شوية ويمكن فيه شوية اسئلة تانيه بسيطه مش متذكراها

اما بقي العوامل التانيه اللي بقول عليها دي هي
1- الوقت : ومقصدش وقت الامتحان انا اقصد الوقت اللي قبل الامتحان منلحقش نذاكر المنهج كله ونراجعه
حتي اللي مذاكر من اول السنه كان بيذاكر وقت التلات ايام كأنها اول مرة لسه
وكمان خلي ليله الامتحان مراجعه وراجع عالمنهج تاني وفي الاخر راح نسي برضوه

2- النسيان زي ما قولت فوق ودي مش مشكلة الدكاترة طبعا هما بيحطوا امتحان يقيسوا تحصيل الطلبة بس مش عارفه ليه مهما ذاكرنا برضوه بندخل اللجنه ننسي بالذات في العضوية

3- العضوية نفسها اساسا كلها معادلات وتفاعلات واسامي علماء
المنهج كله كده اصلا يعني مطلوب مننا نحفظ يجي 200 تفاعل ولما نحط ايه علي ايه بيدي ايه والكاتليست بيكون ايه واسم التفاعل ايه لو كان باسم عالم
الحاجات دي كلها ممكن ببساطه شديده تدخل في بعضها ومع توتر الامتحان تبقي شايف سؤال انت عارفه وعارف حل المعادله بس مش قادر تفتكر

عشان كده لو هنتكلم عن الامتحان انا هقول ان الامتحان من حيث طريقة وضعه كان كويس واسئلته عاديه مذاكر وفاكر تحل

لكن طبعا محدش بيراعي العوامل التانيه دي اللي كلها علي دماغ الطلبة لوحدهم

[ضياء القلب]

عندك حق يادكتوره فى كل كلمه قولتيها
انا نفسى افهم حاجه واحده بس
ايه سبب التغيير المفاجىء فى نظام الامتحان اناصراحه عمرى ماحسيت ان امتحان العضويه بالذات وقته بيكفى
ويوم لما يتغير النظام قولنا يمكن يكون احسن بس للاسف اللى بيحصل لينا ماظنش انه فى مصلحتنا اصعب حاجه انى ابقى عارفه الاجابه ومش لاحقه اكتبها انا اهون عليا مليون مره انه يجيلى سؤال معرفوش خالص

ياريت بجد حد يراعينا ويراعى ان احنا مش بين يوم وليله هنتكيف مع نظام زى اللى الامتحانات بتيجى بيه