ان شاء الله تكوني تزوجت ومبروك مقدماًالمشاركة الأصلية كتبت بواسطة ذكرى
شكرا جزيلا على الرد
دا كده كويس اوى هكون اتجوزت
حبيت بس اعرفك ان حتي لو لسة مش كنت عقدت قرانك وقت كتابة الرغبات واتوزعتي في اي مكان
ممكن لو كتبت كتابك في فترة التظلمات وقدمتي وثيقة الزواج وطلبتي نقلك لمكان قريب هتتنقلي فوراً
وبصراحة هي دي الحالة الوحيدة في التظلمات اللي بيوافقوا علي تعديل التكليف فيها وغالباً بيرفضوا كل الظروف التانية حتي لو كانت صحية أو عائلية حقيقية.
وبالتوفيق.
-----
العفو يا د/مريمشكرا جدا دكتورة اميمة علي الموضوع ده
بس كنت عايزة اعرف ايه ميزة مستشفيات الجامعة عشان يخلوها للاوائل
بصراحة سؤالك صعب لأنه ممكن يتجاوب عليه من منطلق المثالية ومن منطلق الواقعية.
من منطلق الواقعية: مستشفيات وزارة الصحة والوحدات حالياً أفضل من الانتداب للجامعة من حيث:
*المرتب: زي ما ذكرت ان طول ما أنت منتدبة لمدة 6 شهور أو سنة أو أكتر في مستشفيات الجامعة مش بتقبضي غير أساسي المرتب اللي هو 240 جنيه في حين ان زمايلك اللي في الصحة بيقيضوا حوافز كمان وممكن المرتب يصل من 600 إلي 1000
*الاجازات والراحات: غالباً في 90% من الأماكن في الصحة بتروحي يومين في الأسبوع بس وده بيعطيك الفرصة انك تشتغلي برايفت في صيدلية أو شركة أدوية .
ولو مثلاً مستقبلاً ربنا رزقك بأطفال وعايزة تقللي عدد أيام وساعات العمل فده غير متاح في مستشفيات الجامعةإلا بصعوبة شديدة جداً لكن أنت في الصحة بتروحي يومين بس فمش محتاجة تعملي اجازات أساساً.
*السماح بالتسجيل في الدراسات العليا :زي ما قلت ان الوقت الفاضي الكتير اللي عندك لو بتشتغلي في الصحة بيساعدك مثلاً لو عاوزة تحضري محاضرات لو مسجلة في دراسات عليا .في حين ان مستشفيات الجامعة بترفض أصلاً السماح لك بالتحضير للدراسات العليا ومفيش أجازات تفرغ فبنضطر نسجل من غير ما نبلغ رؤساء العمل وممكن يضيع مننا محاضرات كتير لو مواعيدها بدري عشان مش عارفين نحضر لأننا ببساطة بنشتغل 6 أيام في الأسبوع.
المشكلة دي ممكن تتغلبوا عليها بأنكوا تشتالوا نوباتجيات كتير وتاخدوا مقابلها أيام راحة عشان تعرفوا تحضروا.
من منطلق المثالية :
مستشفيات الجامعة أفضل من حيث:
*انها موجودة في مكان قريب يعني مش هتضطري تسافري مثلاً لوحدة صحية في أقاصي الريف وتتبهدلي في المواصلات والموضوع نسبي يعني ده ميزة للي مقيم في المنصورة لكن مش ميزة للي أساساً من مكان بعيد عن هنا.
*انها أماكن أنظف بكتير من كل مستشفيات الصحة وأكثر نظاماً واحتراماً في التعامل.
*انك لو اتثبتي بعد الانتداب مرتبك بيزيد برضه وكان الأول أعلي بكتير من الصحة لكن الوقتي بعد تطبيق حوافز معينة في الصحة بقت المرتبات متقاربة جداً.
*لو اتثبتي بيقي لك نظام تأمين صحي جيد.
*الناس اللي انت بتشتغلي معاهم : يعني لو في وحدة صحية غالباً هتلاقي مفيش حد بيشجعك علي انك تكملي دراسات عليا مثلاً وهتكرهي نفسك من الشغل الميت بمعني انك بتصرفي 10 تذاكر مثلاً بس كل يوم وهتقضي بقية اليوم في الحديث عن أمور لا علاقة لها بمهنتك و ممكن تلاقي لعب كتير في العهدة بعكس الجامعة مراقبة جيداً وبنظام كمبيوتر وشغل كتير وناس هتشجعك انك تكملي في مجال العلم.
السبب انها متاحة للمجموع الأعلي :
انها كنت ميزة سااااااااااااااابقاً
بسبب مميزات المكان والمرتب اللي كانت متاحة من زمان يعني مثلاً سنة 2001 أ و2002 لغاية يمكن 2006 كان تعيين الصيادلة هناك مباشرة ونهائي مش انتداب زي النظام اليل اتطبق من أو سنة 2007و بالتالي كانت ميزة من حيث انها في مكان محترم ومرتب عالي جداً عن الصحة ومكان أنظف .
لكن زي ما قلت ده سابقاً الوقتي الوضع اختلف و لو هنفكر بشكل عملي يبقي الصحة لها مميزات أكتر لو هتقدري تتحملي عيوبها.
ملحوطة أخيرة : الموضوع مش قاصر علي الأوائل ....أنت ممكن بعد 6 شهور تجيبي موافقة أي مستشفي جامعي وموافقة جهة عملك الأصلية انهم مش محتاجينك وتعملي انتداب للمستشفي الجامعي المحتاج لصيادلة.
وعلي فكرة سواء صحة أو جامعة فشغلنا اداري زي ما قلت عبارة عن تحضير دواء مكتوب وكتابة الاستعمال عليه وجرد الصيدلية والحفاظ علي العهدة ولا علاقة له ببكالريوس العلوم الصيدلية إلا نادراً جداً لو مريض سألك عن معلومة صيدلانية أو طبية مثلاً .
بس وياريت أكون جاوبتك علي سؤالك.
رد مع اقتباس
.gif "Fop (7)")
يادي الحيرة طيب نعمل ايه يا د/زوزو .gif "Fop (39)")
