حكم الإدارية العليا بتأييد طرد الحرس الجامعى

[Dr/HULK]

أنا اللي مضايقني بقى إن الناس قامت علشان الطالبه بتاعة الزقازيق .

المشكلة انى لو انا مثلا اللى كنت انضربت مكنش حد هيصورنى ولا حد كان هيعملى حاجة

. طب احنا لما نمشي حرس الجامعه خلاص !! طيب ماهم طايحين في الناس بره .. وكام واحد مات وآخرهم خالد سعيد اللى اتنسى خلاص ومحدش عارف ايه اللى حصل ؟؟

ماهو ده الجديد

هما هيخرجوهم من جوا عشان يستنونا يره

وشوف بقى كمية العصافير اللى هتبقى فى كل كلية

الداخلية ايديها مش قصيرة دا تقريبا اللى الناس هتشوفه ممكن يخليهم يطالبوا بعودتهم تانى

[متفائل]

أحكيلكم حكايه .. بداية الحرس في الجامعه ..

زمان اتحاد الطلاب كان له 3 مستويات .. المستوى الأول وهو اتحاد طلاب الكليات .. والتاني هو اتحاد طلاب الجامعه اللى بيخرج من الكليات .. والتالت اتحاد طلاب الجمهوريه اللى بيخرج من الجامعات ..

أمين اتحاد الجمهوريه ده كان بيبقى جنب رئيس الجمهوريه في بعض اللقاءات الدولية .. وكان بيحضر اجتماعات رئاسة الوزراء .. وكان أيامها أي حد بيدخل الاتحاد عادي ..

كل الكلام ده كان في بداية عصر السادات .. وفي يوم جت جيهان السادات المنصورة في زيارة وكانت عاوز تدخل الجامعه جم طلبة الاتحاد وقفلوا الجامعه .. قفلوا بوابة الجلاء لأن دي هى كانت البوابه الرئيسيه أيامها .. ورفضوا دخولها ..
تاني يوم على طول اتسمى الشارع اللي فيه البوابه دي بشارع جيهان
وتم تعديل لائحة الاتحاد الرسمية .. بإلغاء اتحاد الجمهوريه وتحجيم دور الاتحاد .. وإن مش أي حد يدخل الاتحاد ..
وتم تعيين حرس تابع لوزارة الداخلية في الجامعه لحماية المنشآت الحكوميه داخل الجامعه .. كمباني الكليات .. وغيرها مما هي ملك للدولة ..

وإلى الآن توجد لجنة الأمن والنظام وهم مجموعه من الموظفين يتم اختيارهم عن طريق المدير الإداري لكل كلية ولكل كيان داخل الجامعه .. وهم من لهم الحق في التعامل مع الطلاب داخل الكليات .. ( دول اللي بييجوا يمشوا الناس ويطردوهم آخر كل يوم )

والقرار ده لو اتنفذ هيتنفذ بإن محمد وأحمد ومحمود اللي ماسكين حرس الجامعه مش هيبقوا تابعين لوزارة الداخليه .. وهيتبدلوا وهيبقوا محمود ومحمد و أحمد ..

أنا اللي مضايقني بقى إن الناس قامت علشان الطالبه بتاعة الزقازيق .. طب احنا لما نمشي حرس الجامعه خلاص !! طيب ماهم طايحين في الناس بره .. وكام واحد مات وآخرهم خالد سعيد اللى اتنسى خلاص ومحدش عارف ايه اللى حصل ؟؟

المفروض اللي عمل كده في الطالبه دي يتشنق ويتعاقب ويبقى عبره .. ومش هو بس أي حد يتجاوز حدوده ..

أشكرك على هذه الاطلالة التاريخية على تاريخ الاتحاد و الحرس الجامعى

و أتفق أن الوضع لن يختلف كثيرا سواء طبق الحكم أم لم يطبق بل إن البعض يعتقد أن الوضع فى ظل تنفيذ هذا الحكم سيكون أصعب بمراحل

على أية حال لن يكون لهذا الحكم أو غيره من الأحكام العادلة أيه فائدة لأننا فى مصر أصبحا متجاوزين فى الظلم

و هذا الوضع يذكر بالحديث «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري]

فياليت الضعيف يقام عليه الحد فقط بل و يسجن و تصادر أمواله و يحاكم بتهم لا علاقة له بها و ربما يقتل كما أشرت إلى حالة خالد سعيد

و يا ليت الشريف متروك بل هو محمى و ياخذ ما يشاء و يفعل ما يريد و ربما سافر الى بلد أجنبى للاستجمام و كأن شيئا لم يكن كما حدث فى عبارة الموت

فأخلص إلى أن هذا الحكم و إن كان عظيما فلن يجدى فى ظل هذه المؤسسية القائمة على الفساد و الإفساد

لكنه و فى نفس الوقت يبعث روح الأمل فى إحقاق الحق و عودة العدل مرة أخرى

[Mohamed Al Gohary]

هما هيخرجوهم من جوا عشان يستنونا يره

ولا دي كمان .. هما مش هيتيغيروا .. هما هيغيروا هدومهم بس

[متفائل]

ولا دي كمان .. هما مش هيتيغيروا .. هما هيغيروا هدومهم بس

مش بقول الحكم مش هيفرق كتير فى ظل مؤسسية قائمة على الفساد و الإفساد