هل كلية الصيدلة كانت حلمك ؟؟؟

[Messi]

كلامك صح جدا يا د.عبد الله
احيي حضرتك عليه
فعلا لازم نعرف الهدف من دراسه صيدله مش مجرد دراسه والسلام
ولازم يكون فيه اجتهادات شخصيه .... مش مجرد الاعتماد علي الغير..
شكرا ليك د.عبد الله

[*محبة رسول الله*]

ياااااااااااااااااه!!!

صيدلة دى حب عمرى كله

والله انا بمووووووووت فى الكلية دى

محدش متخيل طبعا بموت فيها ازاى

من وانا ف اعدادى وانا حلمى الاول والاخير انى ادخلها
وبعد كده خلاااااااااااااص

بمجرد دخولى صيدلة يبقى انا كده حققت كل اللى بتمناه

وبعد ما دخلتها وبعد اول ترم قررت احول علاج طبيعى

بس الحمد لله عقلت

ودلوقتى ولو الزمن رجع بيا تانى مش هدخل غيرك يا صيدلة يا حبيبتى

[mohamed88]

يااااااااه اخيرا لقيت فرصه عشان اعترف بالسر الخطييييييييييييير ........
انا عمرى ما فكرت فى دخول كلية الصيدله ...... ولا حتى فى اسوأ كااااابوس شفته فى حياتى .......

انما كان حلمى انى ادخل فنيه عسكريه او كلية هندسه واتخصص فى دراسة المحركات .......
من وانا فى الاعداديه وان بحب اقرا عن الاسلحه والطيارات والغواصات والذى منه .......

ومن صغرى وانا بحب افكك الحاجات واركبها تانى وياما بوظت .... وياما اتكهربت ......

بدأ الكابوس معايا من تانيه ثانوى ......
كنت واخد كيمياء .... على اساس اكمل رياضيات 2 فى تالته .....
بس جبت 97% -على ففكره اللى فرحنى بالنتيجه دى انى حسيت انى راجل وكنت اد المسئوليه - ....

المهم بعدها على طول مفيش يوم واحد بدأ ابويا بدعم من عمى (الصيدلى ) يضغط عليا وبشده .....
خدوا بالكوا من وبشده دى .....
انى اكمل احياء عشان ادخل صيدله ...... وقضيت وقت كبييير محتار اعمل ......
لدرجة انى فى شهر 8 (اغسطس) كنت باخد احياء ورياضيات 2 فى نفس الوقت ....

لحد ماوصلت لفكره ماعرفش جاتلى منين .... وهيا ان رضا الاب من رضا الرب ......
وانى ادخل صيدله ارضاء لأبويا ........ وكمان ماينفعش ادخل كليه (هندسه) وابويا غضبان عليا ......

وقد كان ...... نتيجة تالته 97% برده ..... ودخلت صيدله ..... وتحول الكابوس الى حقيقه مؤلمه موجعه .....
وانا حاليا باقضى اسوأ فتره فى حياتى ......مليئه بالاحساس بالتوهان والغباء واللا مبالاه واليأس والقهر والغضب .....

وحاجات كتيييييييير ه من اللى تجيب الضغط والسكر وكل حاجه وحشه .......

على فكره مش لان صيدله وحشه ولو ان كليتنا فيها سلبيات كتييير من وجهة نظرى ....
بس لانى بادرس حاجه انا مش حاببها .........

عشان كده باوجه نصيحه للكل ....للى فى يوم من الايام هيكون اب واللى فى يوم من الايام هتكون ام .......

اوعوا تجبروا اولادكم على دراسة مجال هما مش حابيينه ......

ايه المانع ان ابنى يطلع دكتور محترم او مهندس شاطر او محاسب او مدرس او محامى ......
كلها مهن شريفه ومحترمه .... وانا مؤمن ان الانسان لما يحب شغله بيجتهد ويبدع فيه لحد مايكون انسان متميز فى مجاله .......

اسف جدا انى طولت عليكم بس انا بصراحه ماصدقت .....
وشكرا يادكتوره /الفراشه الرقيقة على فكرة الموضوع ......

[الفراشة الرقيقة]

فعلا دايما الأب و الأم بيبقوا ديكتتاتوريين فى التعامل مع أولادهم و دايما بيبقوا شايفين الحاجة من وجهة نظرهم بس نعمل إيه بقى مجتمعنا كل اللى فيه إتربوا على كدة و ده للأسف بيسبب ضعف الشخصية عند الأبناء و إحنا مهما كبرنا هنفضل فى نظرهم أطفال و هيفضلوا يوجهونا بالطريقة دى و الله أنا بتعرض لحكاية فرض الرأى دى برضه و بضايق جدا بس هنعمل إيه مهما كان دول برضه بابا و ماما

[Nada Radwan]

صيدله

لحد تانيه ثانوى كانت هندسه معششه ف دماغى اوى..
كنت داخله رياضه الاول وبعدين جبت98% اتحمست
وبدأت اكتشف انى اصلا طول عمرى فاشله ف الرياضه..ازاى ادخل هندسه!!؟؟
وبالذات ان الحاجه الوحيده اللى كانت بتدفعنى انى ادخلها هو انى اشيل المسطره الT
فبدأات افكر بعقلى..وبدأت صيدله تلفت نظرى و تعجبنى..اوى..
عشان كده كانت اول رغبه اكتبها ف التنسيق بلا تردد
مع انى قبل الدراسه بإسبوع..كنت هاحول سنان..
مش عارفه ازاى كنت هاعمل االقرار العبيط ده
ولا ايه اللى خلانى افكر فيه اصلا
بحبك ياصيدله..وعمرى ماتخيلتنى ف كليه تانيه

[aseel]

وانا صغيرة زى كل الناس انت نفسك تطلعى ايه
بااقولهم دكتورة من غير ماأفهم ايه الفرق بين طبيبة ودكتورة بس لما فهمت حلمى كان صيدلة لانى بحب جدا تركيب الدوا كنت بسأل نفسى ازاى بيعملوه وبالرغم انى كنت جايبة اكبر من مجموع طب لكن انا دخلت الكلية اللى بحلم بيها يعنى انا ممشتش ورا المجموع لكن طوعته لرغبتى وملبحبش اسمع كلمة انا جبت مجموع كبير خسارة انا بتمنى احقق فى الكلية دى اللى انا اتمنيته

[ameer]

عشان كده باوجه نصيحه للكل ....للى فى يوم من الايام هيكون اب واللى فى يوم من الايام هتكون ام .......

اوعوا تجبروا اولادكم على دراسة مجال هما مش حابيينه ......

ايه المانع ان ابنى يطلع دكتور محترم او مهندس شاطر او محاسب او مدرس او محامى ......
كلها مهن شريفه ومحترمه .... وانا مؤمن ان الانسان لما يحب شغله بيجتهد ويبدع فيه لحد مايكون انسان متميز فى مجاله .......

انا بقي مشكلتي العكس خااااالص
من زمان قوي وانا ناوي علي هندسة
ودخلت كيمياء وكنت كاتب في الاستمارة رياضة 2
وحصل اسوأ شئ في تانية جبت 99%
كانت ضربة قاضية ندمان عليها لدلوقتي لاني وقتها مبقتش عارف اختار بين رياضة او احياء
وكنت ساعتها تايه ومغموم قايم نايم عمال افكر هعمل ايه
وكنت بتمني ان ابويا او امي يختاروا حاجة ويجبروني عليها لاني مكنتش عارف اختار
بس للأسف كانوا ديمقراطيين زيادة عن اللزوم وممتنعين عن الاختيار وسايبني اختار انا
ومحدش فيهم راضي حتي يقولي رايه علشان ميبقاش السبب اني اختار غلط
وفي يوم مطلعتلوش شمس وقبل معاد اول حصة في درس الاحياء لقيتني بقوم ورجلي واخداني لحد مكان الدرس
وكان مصيري في صيدله

[mohamed88]

انا بقي مشكلتي العكس خااااالص
من زمان قوي وانا ناوي علي هندسة
ودخلت كيمياء وكنت كاتب في الاستمارة رياضة 2
وحصل اسوأ شئ في تانية جبت 99%
كانت ضربة قاضية ندمان عليها لدلوقتي لاني وقتها مبقتش عارف اختار بين رياضة او احياء
وكنت ساعتها تايه ومغموم قايم نايم عمال افكر هعمل ايه
وكنت بتمني ان ابويا او امي يختاروا حاجة ويجبروني عليها لاني مكنتش عارف اختار
بس للأسف كانوا ديمقراطيين زيادة عن اللزوم وممتنعين عن الاختيار وسايبني اختار انا
ومحدش فيهم راضي حتي يقولي رايه علشان ميبقاش السبب اني اختار غلط
وفي يوم مطلعتلوش شمس وقبل معاد اول حصة في درس الاحياء لقيتني بقوم ورجلي واخداني لحد مكان الدرس
وكان مصيري في صيدله

هاقول ايه بس ......
وَلاَ تُلْقُواْ بِأَيْدِيكُمْ إِلَى التَّهْلُكَةِ

[dr.lobna]

يااااااااه اخيرا لقيت فرصه عشان اعترف بالسر الخطييييييييييييير ........

انا عمرى ما فكرت فى دخول كلية الصيدله ...... ولا حتى فى اسوأ كااااابوس شفته فى حياتى .......

انما كان حلمى انى ادخل فنيه عسكريه او كلية هندسه واتخصص فى دراسة المحركات .......
من وانا فى الاعداديه وان بحب اقرا عن الاسلحه والطيارات والغواصات والذى منه .......

ومن صغرى وانا بحب افكك الحاجات واركبها تانى وياما بوظت .... وياما اتكهربت ......

بدأ الكابوس معايا من تانيه ثانوى ......
كنت واخد كيمياء .... على اساس اكمل رياضيات 2 فى تالته .....
بس جبت 97% -على ففكره اللى فرحنى بالنتيجه دى انى حسيت انى راجل وكنت اد المسئوليه - ....

المهم بعدها على طول مفيش يوم واحد بدأ ابويا بدعم من عمى (الصيدلى ) يضغط عليا وبشده .....
خدوا بالكوا من وبشده دى .....
انى اكمل احياء عشان ادخل صيدله ...... وقضيت وقت كبييير محتار اعمل ......
لدرجة انى فى شهر 8 (اغسطس) كنت باخد احياء ورياضيات 2 فى نفس الوقت ....

لحد ماوصلت لفكره ماعرفش جاتلى منين .... وهيا ان رضا الاب من رضا الرب ......
وانى ادخل صيدله ارضاء لأبويا ........ وكمان ماينفعش ادخل كليه (هندسه) وابويا غضبان عليا ......

وقد كان ...... نتيجة تالته 97% برده ..... ودخلت صيدله ..... وتحول الكابوس الى حقيقه مؤلمه موجعه .....
وانا حاليا باقضى اسوأ فتره فى حياتى ......مليئه بالاحساس بالتوهان والغباء واللا مبالاه واليأس والقهر والغضب .....

وحاجات كتيييييييير ه من اللى تجيب الضغط والسكر وكل حاجه وحشه .......

على فكره مش لان صيدله وحشه ولو ان كليتنا فيها سلبيات كتييير من وجهة نظرى ....
بس لانى بادرس حاجه انا مش حاببها .........

عشان كده باوجه نصيحه للكل ....للى فى يوم من الايام هيكون اب واللى فى يوم من الايام هتكون ام .......

اوعوا تجبروا اولادكم على دراسة مجال هما مش حابيينه ......

ايه المانع ان ابنى يطلع دكتور محترم او مهندس شاطر او محاسب او مدرس او محامى ......
كلها مهن شريفه ومحترمه .... وانا مؤمن ان الانسان لما يحب شغله بيجتهد ويبدع فيه لحد مايكون انسان متميز فى مجاله .......

اسف جدا انى طولت عليكم بس انا بصراحه ماصدقت .....

وشكرا يادكتوره /الفراشه الرقيقة على فكرة الموضوع ......

انا معاك ف كل كلمة قولتها من اول ان سبب كرهك للكلية مش لانها وحشة لكن عشان انت مش حاببها لحد دور الاب والام ف النقطة دي
بصراحة انا حصل معايا نفس الموقف بس الضغط كان من كل الناس علي بابا مش عمي بس مفيش غير امي حبيبتي هي اللي كانت معايا والحكاية دي بعد تالتة مش تانية يعني كنت داخلة مدمرة
يلا نصيبنا بقي لعله خير بس ان شاء الله انا هرجع انفذ اللي كنت عاوزاه لما اطلع من بيت الديكتاتور

[فراشة الربيع]

[quote=mohamed88;304417]

يااااااااه اخيرا لقيت فرصه عشان اعترف بالسر الخطييييييييييييير ........

انا عمرى ما فكرت فى دخول كلية الصيدله ...... ولا حتى فى اسوأ كااااابوس شفته فى حياتى .......

بدأ الكابوس معايا من تانيه ثانوى ......
كنت واخد كيمياء .... على اساس اكمل رياضيات 2 فى تالته .....
بس جبت 97% -على ففكره اللى فرحنى بالنتيجه دى انى حسيت انى راجل وكنت اد المسئوليه - ....

المهم بعدها على طول مفيش يوم واحد بدأ ابويا بدعم من عمى (الصيدلى ) يضغط عليا وبشده .....
خدوا بالكوا من وبشده دى .....
انى اكمل احياء عشان ادخل صيدله ...... وقضيت وقت كبييير محتار اعمل ......
لدرجة انى فى شهر 8 (اغسطس) كنت باخد احياء ورياضيات 2 فى نفس الوقت ....

لحد ماوصلت لفكره ماعرفش جاتلى منين .... وهيا ان رضا الاب من رضا الرب ......
وانى ادخل صيدله ارضاء لأبويا ........ وكمان ماينفعش ادخل كليه (هندسه) وابويا غضبان عليا ......

وقد كان ...... نتيجة تالته 97% برده ..... ودخلت صيدله ..... وتحول الكابوس الى حقيقه مؤلمه موجعه .....


انا كمان زى حضرتك بالظبط يا دكتور كان طول عمرى نفسى فى هندسة (زى بابا ) بس للاسف هما استخسروا المجموع وقالولى حرام وهندسة مالهاش مستقبل للبنت وبرده انتى حرة كان اسلوب ضغط وفى اخره انتى حرة مش عارفة ازاى بس بعد نتيجة 2 ثانوى (98 ) لازم تاخدى احياء وفضلت فترة طويييييييييييلة متلخبطة لدرجة انى بعد شهرين من الدراسة فكرت انى احول تانى رياضة 2 لكن للاسف اثروا عليا تانى يمكن لانى عمرى ما حبيت يبقى فى نفسهم حاجة ومعملهاش
بس بعد نتيجة تالتة كنت كلى تصميم وارادة على صيدلة لانى عاوزاها بجد وفعلا كلية الصيدلة كلية جميلة وممتعة وفى نفس الوقت متعبة
الحمد لله
كل لن يصيبنا الا ما كتب الله لنا