خبر بمليون جنيه.....كليتنا من افضل 100 كليه في العالم

[Hope1]

quote=محمد عليوة;268080]

عمرك شفت منهج فيتو عملى يخلص فى 3 سكاشن

عمرك شفت عملى يتاخذ فى ربع ساعة وتقعد زى اللى انت قاعد عليه

بقية السكشن

عمرك شفت عملى ملوش اصلا علاقة بالنظرى بتاع المادة
هو مش عملى يعنى تطبيقى
الفارما بتتاخذ فى سنة والبيو زيها
وفى اى مكان فى العالم الفارما من سنتين ل3سنين

و عمركو شوفتو منهج عملي اوجانيك طول الترم هو موضوع واحد
بنعيد و نزيد فيه
انا قبل كده كنت بحب جدا اشتغل في السكشن لكن دلوقتي الوضع ميشجعش خالص
الي بيحصل اننا بنكون خمسة عالتجربة واحدة تروح تجيب السامبل و واحدة تجيب reagent و بعدين نحطهم علي بعض و بحطهم عالفليم و بعدين نعد و ضميرنا مرتاح اننا اشتغلنا
الصراحة سكشن الاورجانك بقي تقيل علي قلبي جدا
بجد انا زعلت جدا من الخبر ده انا كنت لسه هجري علي اخويا و اقوله ييجي يتفرج لكن يا فرحة ما تمت هو خريج صيدلة أزهر
احسن مننا بكتيييييييير

[Messi]

يا جماعه ........انا بقول لازم يبقي مشاركه من الطلبه ...
ولو المشاركه دي بدأت وكانت فعاله ....ده اكيد هيشجع اداره الكليه اكتر من كده...
لكن ما ينفعش نقف نتفرج وخلاص...
كمان......غلط اني اقول اننا نستحق اعتماد ونحن لا تستحق زي ما د.عبد الله قال...
لكن كل الي بطلبه اننا يكون لينا دور اكثر تفعيلا.....حتي نبقي عملنا الي علينا امام الله...
لكن طول ما الطالب عايز ينجح ويذاكر وخلاص......
عمرنا ما هنتقدم......
طول ما الطالب ما بيمارسش انشطه طلابيه.....(وهي من اساسيات التعليم الناجح)
ايضا عمرنا ما هنتقدم ولا هنعتمد.....

[The Princess]

طول ما الطالب ما بيمارسش انشطه طلابيه.....(وهي من اساسيات التعليم الناجح)
ايضا عمرنا ما هنتقدم ولا هنعتمد.....

بغض النظر عن التحفظات الكتير اللى على الانشطة الطلابية
مش شرط اساسي ان الطلبة تمارس انشطة طلابية المهم يكون فيه نشاط طلابي كويس
يعنى كون فيهم مجموعه بتشارك فى النشاط الطلابي ده كافي مش لازم كل الطلبة لان الكلية مش معمولة للنشاط الطلابي الهدف الرئيسي هو اننا نتعلم فحتى لو الكل مارس النشاط بس الحالة التعليمية فضلت زي ما هى برضه مش هيتم اعتماد الكلية غير انى شايفه ان كلياتنا من افضل الكليات فى الانشطة الطلابية على مستوى الجامعه فكده تمام اوى مش طالبه زيادة و ده مش مجرد كلام انا شاركت فى النشاط لفترة و عارفه انا بقول ايه فى كلية زي هندسة بتوع الانشطة الطلابية بيتبصلهم على انهم ناس فاضيه ومخهم ضارب و بالتالى النشاط قليل جدا
اما عن سكاشن علوم فافتكر انه كفايه اوى انهم مش بيشتروا الادوات زينا و عندهم موازين عدله اللى هو الاختراع العظيم اللى اسمه الميزان الحساس اللى لسه ما وصلش عندنا فبلاش كلام على علوم من فضلك

و عمركو شوفتو منهج عملي اوجانيك طول الترم هو موضوع واحد
بنعيد و نزيد فيه
انا قبل كده كنت بحب جدا اشتغل في السكشن لكن دلوقتي الوضع ميشجعش خالص
الي بيحصل اننا بنكون خمسة عالتجربة واحدة تروح تجيب السامبل و واحدة تجيب reagent و بعدين نحطهم علي بعض و بحطهم عالفليم و بعدين نعد و ضميرنا مرتاح اننا اشتغلنا
الصراحة سكشن الاورجانك بقي تقيل علي قلبي جدا

امال هتعمل ايه لما توصل رابعه و تلاقي و تلاقي عملى الابلايد هو النعناع و الزعتر و كل الحاجات اللى خدتها فى اولى قبل كده و الميكروسكوبات كلها بايظه واحدة من كل 20 بتعمل الشريحه و الباقي يتفرج و نقعد يجي ساعه على بال ما تانى عينه تنزل و اصلا محدش متحمس يتفرج لاننا عارفين كل ده
و الله اخر سكشن قضيناه كله تصوير مع بعض المعيدة و الدكتورة نفسها ما قالتلناش حاجه لانها عارفه اللى فيها .... ربنا يصلح الحال

[M_S_SH]

طبعا مفيش كلام يتقال بعد كلام دك عبدالله

لكن ما ينفعش نقف نتفرج وخلاص...

مين قال الي احنا واقفين نتفرج
علي ما افتكر ان السنة الي فاتت فتحو بابا الاشتراك للطلبة للجان الجودة والتطوير ... دك ياسر الي عارف التفاصيل بالظبط لانة كان بيقول الاخبار هنا
وكان فية اقبال علي الاتشاراك فيها
و اكيد من الطبيعي يعني لو حد طلب منا حاجة فيها مصلحة للكلية واكيد مصلحا لينا مش هنتاخر
وبالنسبة لموضوع الاعتماد
انا النهاردة سمعتان الكلية الي يترفض فيها الاعتماد والجودة ليهم الحق انهم يقفلوها ويسرحو العاملين الي فيها
لاقل سبب يتقال انهم مش شايفين شغلهم علي اكمل وجة
وعلي فكرة كلية تمريض كمان اعتمدت
وكلية طب احنا دخلنا معامل الهستولوجي السنة الي فاتت
بنجات اية وميكروسكوبات اية ونضافة اية
في حين ان الكليه مبانيها قديمة مش زي عندنا

[Dr/HULK]

خريج صيدلة أزهر
احسن مننا بكتيييييييير

مش بكتييييييييييييييييييييييير بس
انا الدكتور اللى كنت بدرب معاه فى اولى كان صيدلة ازهر

كان حاجة ماشاء الله فى المعلومات

ولما مشى ومسك الصيدلية دكتورة خريجة من كليتنا كان الفرق واضح جدا جدا............

احنا مش بنتعلم حاجة كل معلوماتنا بتيجى من التدريب او القرأة

واللى شايف ان كليتنا بالنظام ده تستحق الاعتماد يبقى بجد نظره محدود جدا

[Messi]

وبالنسبة لموضوع الاعتماد
انا النهاردة سمعت ان الكلية الي يترفض فيها الاعتماد والجودة ليهم الحق انهم يقفلوها ويسرحو العاملين الي فيها
لاقل سبب يتقال انهم مش شايفين شغلهم علي اكمل وجة

يا نهاااااار ابيض.........
يسرحونا؟؟؟؟؟؟؟
ليه؟؟؟
هنروح فين يعني ؟؟؟؟؟؟؟؟؟ طب؟؟؟؟

[Hope1]

أكيد معهد خدمة اجتماعية او فني تجاري
او الي غاوي صيدلة يشتغل بالثانوية في اي صيدلية و يحط في CV بتاعه انه اعد شوية في صيدلة....

[AbU ElKhAiR-Let`s Go]

يا جماعه هو ايه الاحباط ده هو لمجد ان فيه اشاعه طلعت أن كلية صيدله اترفضت من الاعتماد -يمكن تكون حقيقه بقت كل حاجه وحشه واحنا مننفعش أساسا و مفيش حاجه حلوه خالص وكل الكليات أحسن مننا والكليه مش نظيفه الخ .................................................. .........................
اعتقد ان احنا لو فكرنا كده وشوفنا كل حاجه وحشه يبقى ان شاء الله هنفضل طول عمرنا نرجع لورا صحيح فى أخطاء كتيره أو قليله مش هتفرق لكن المهم ان احنا نحاول نصلح فيها على قد ما نقدر

[Messi]

لا اظنها بالشائعات ياد. ابو الخير

[AbU ElKhAiR-Let`s Go]

حتى لو حقيقه -صحيح كلنا هنزعل جدا-لكن لازم نحاول كلنا نعرف ايه أخطاءنا ونبدأ فى اصلاحها من الوقتى