نداء من طلاب الفرقة الرابعة و الثالثة .. ميعاد الشفوي أصبح مشكلة !

[pharmacistina]

كان فيه اقتراح ان امتحانات الشفوي تبقى لواحدها منفصله فى اجازة نص السنه .. طبعا ده من خيالي ..

تفتكر حضرتك دة الحل المناسب ؟؟

عارف دة لو اتنفذ , معدتش تعرف تدخل الكلية تاني لأنه اقتراحك .. هههه

مثلا في مبنى أ لو مفيهوش لجان نظري أو في النادي التكنولوجي أو على السطح يعني مش لازم في مكاتب الدكاترة،

أي حتة بس نمتحن الشفوي في نفس اليوم وبأسرع وقت ممكن عشان الناس اللي بتسافر تخلص ..

ان شا الله نأجرلنا أي مطرح نمتحن فيه

نمتحن شفوي في المبنى الاداري في البدروم ع السلم أو ع السطح أو في أي مكان ..

تعددت الأسباب و الامتحان واحد

ان شاء الله ادارة الكلية تسعى الى راحتكم

نحن متأكدون و الله من ذلك و دة هدف عمل الموضوع .. اننا نوصل فكرتنا دي للادارة و اعتمادنا على الله ثم عليهم .. جزاهم الله كل خير

دعواتى لكم جميعا بالتوفيق والنجاح ان شاء الله .

شكرا يا أستاذة منى , ربنا يخليكي يارب ..

[Mohamed Al Gohary]

وأنا مالي

بس عاجباني حكاية نأجر مطرح نمتحن فيه دى

ممكن نعمل خيمة فى ساحة الكليه .. او نروح نمتحن فى نادي النيل .. بس ده خليه للتيرم التانى عشان نبقى على النيل والجو ميبقاش حر ..

الواحد بيبقى عليه شوية كلام ايام الامتحانات .. يا سلام عليك يا جوهري والله وعلى دماغك

[tito_10]

يا جماعة انتوا مش واخدين بالكوا ان السبب اللى بتقولوه عشان ما نمتحنش الشفوى فى نفس اليوم هيكون موجود برضه لو اتمحنونا تانى يوم وهو وجود لجان نظرى شغالة ؟
اذن فكرة عمل الامتحان الشفوى للسبب ده غير مقنعه يبقى لازم يكون فى نفس اليوم ( وان شاء الله ده اللى هيكون .. عشان ظروف السنة ودكاترنا زى آباءنا بيخافوا علينا برضه )
بالنسبة لاقتراح عمل مكان منفصل لامتحانات الشفوى فى مبنى أ ده اقتراح انا شخصيا شايفه ممتاز والله الموفق لينا كلنا

[Messi]

.. نروح نمتحن فى نادي النيل .. بس ده خليه للتيرم التانى عشان نبقى على النيل والجو ميبقاش حر .. يا سلام عليك يا جوهري والله وعلى دماغك

لأ لو فيه نادي النيل يبقي هاجي امتحن معاكم بالقوه .........

[dr/noony]

يا جماعة انتوا مش واخدين بالكوا ان السبب اللى بتقولوه عشان ما نمتحنش الشفوى فى نفس اليوم هيكون موجود برضه لو اتمحنونا تانى يوم وهو وجود لجان نظرى شغالة ؟
اذن فكرة عمل الامتحان الشفوى للسبب ده غير مقنعه يبقى لازم يكون فى نفس اليوم ( وان شاء الله ده اللى هيكون .. عشان ظروف السنة ودكاترنا زى آباءنا بيخافوا علينا برضه )
بالنسبة لاقتراح عمل مكان منفصل لامتحانات الشفوى فى مبنى أ ده اقتراح انا شخصيا شايفه ممتاز والله الموفق لينا كلنا

صح الكلام ....................................
وبالنسبة لحكاية المجموعات دى كويسة يعنى احتمال فى اخر سنة مش يبقى فى...............

[@Noh]

ان شاء الله يكون فى التزام من الطلاب بس رجاء خاص ياريت تقسيم المجموعات مايبقاش كالعادة من 1 : 500 الأول والباقى يستنى لأن ده بيبهدل ناس كتير وربنا يسهل ويوفقنا جميعا وفى انتظار حل يراعى مصلحة الطلاب.

[~AnaLgEs!A~]

يعنى المشكلة بين ( اعدادى - اولى - ثالثه- رابعة )

الفرقة التانية برة الليلة دى

الحمد لله

اول مرة نتنصف فى حاجة

ربنا معاااااااكم

[NonY]

أيـــــــــــــــــــــــوة

احنا دفعة ليها وضعها ف الكلية دى

[pharmacistina]

مايبقاش كالعادة من 1 : 500 الأول والباقى يستنى

أيوة صحيح ..

الناس اللي هتمتحن الأول سواء مجموعة أ أو ب هتكون محظوظة و المجموعة االلي هتنتظر دي هتنظلم ..

وخصوصا ان بنظام امتحاناتنا كدة هنعرف كويس ما هي قيمة الوقت لأول مرة في حياتنا هنعرفها ..


كنا السنة اللي فاتت بنضيع يوم الامتحان في الشفوي و الراحة و الاستجمام ..

السنة دي يوم الامتحان داخل في الموضوع غصب عننا المفروض نذاكر ..

مسموح فقط بساعتين علشان نعمل فيهم updating للدماغ ..

سنة تانية يا بختكم خلصتوا من الحكايات دي ..

ربنا يوفق الجميع ..

[dr queen]

يعنى المشكلة بين ( اعدادى - اولى - ثالثه- رابعة )

الفرقة التانية برة الليلة دى

الحمد لله

اول مرة نتنصف فى حاجة

ربنا معاااااااكم

أول مرة !
ده انتم ما شاء الله وبلا حسد من يوم ما دخلتوا الكليه وحظكم فى السماااااااااا ..

أيـــــــــــــــــــــــوة

احنا دفعة ليها وضعها ف الكلية دى

اه طبعا طبعا وده شئ واضح جدا ،

احنا واولى اكتر ناس مظلومة فى الكليه دى ،
لنا الله ..