بعد 10 سنين

[زهرة الإسلام]

اولا موضوع جميل جدا يادكتوره.......

بيتهيألى كدا بعد 10 سنين

ممكن اكون عايشه بره مصر وبشتغل يعنى هناك

ويكون عندى 30 سنه هههههههههه
يعنى كبيره صح؟!

والباقى بقى معرفش مش متخيله دلوقتى.....

وتسيبينى لوحدى
دا أنا بقولك بلد تانية جوه مصر بس فرق ساعتين مش موافقة
-----

إن شاء الله هكون اتجوزت

وظبطت شغل بره مصر
باذن الله

إن شاء الله ربنا يوفقك يا دكتور وتحقق أحلامك كلها سواء فى مصر أو بره مصر
-----

10 سنين ياااااااااااااااااااااااااه

انا عمري ما تخيلت نفسي عندي اكتر من 25 سنة

مش عارفة ليه عندي احساس بان انا عمري قصير

وحتى لو اراد الله ان يطيل في عمري عن ال25 سنة

اعتقد ان حياتي هتكون كئيبة ومملة اوي

لا يملئها سوى الوحدة والفراغ

دا انا دلوقتي عندي 17 سنة وبحس اني عديت ال 50 سنة

امال لما اوصل 27 حياتي هتكون عاملة ازاي؟؟؟؟؟؟؟؟؟

في الغلب حياة بلا الوان

حياة يغلب عليها الابيض والاسود

واكيد الاسود هو اللي هيكون مسيطر وقتها

ليه كده يا مشمش لازم تتفاءلى ومش معنى إن حياتك دلوقتى صعبة إن بعد كده هتبقى مش كويسة انتى بتتعبى دلوقتى علشان تلاقى بعدين
وان شاء الله ربنا يطولنا فى عمرك
اعمل لدنياك كأنك تعيش أبدا واعمل لأخرتك كأنك تموت غدا
وبإذن الله تستغلى احساسك ده فى العمل لآخرتك
وأنا أسفة جدا إنى طولت عليكى

[زهرة الإسلام]

ليه دايما بره مصر مش جوه مصر
على الرغم من ان الرزق ربنا بيبعته لينا سواء جوه او بره
عموما خلينا فى الموضوع
تصورى لحياتى العملية كالتالى
البداية كمندوب مبيعات او صيدلى فى صيدلة محترمة جدا غالبا العزبى
بعد فترة معينه اكون حوشت مبلغ معقول يكفى لبداية مشروع خاص بيا
واللى هما مشروعين بافكر فيهم الاول صيدلية على اعلى مستوى من التميز
ابنيها فى بلدى وتكون من الكفاءه بحيث تغير نظرة المجتمع للصيدلى (للاحسن طبعا)
والثانى هوا مشروع استصلاح اراضى فى صحراء الوادى الجديد وازرعها نباتات طبيه
ويكون فى المزرعة وحدات او معامل لتجفيف النباتات اطبية واستخلاص المواد الفعالة منها
لتوريدها لمصانع الادويه والفكرة دى باشترك فيها مع واحد صاحبى من الوادى الجديد
واكدلى ان مشاريع الاستصلاح عندهم ماشيه تمام...............
وكله طبعا باذن الله
وربنا يوفقنا جميعا

ربنا يوفقنا جميعا ويوفقك يا دكتور محمد فى تحقيق مشروعك التانى لانه بجد مشروع جميل جدا وكمان مفيد للبلد ويا رب تجمع فلوسه بسرعة وتعمله وان شاء الله طالما محدد هدفك ربنا هيعينك

[rose2009]

وتسيبينى لوحدى
دا أنا بقولك بلد تانية جوه مصر بس فرق ساعتين مش موافقة
-----

لا متخافيش مش هسافر يمكن نعيش سوا ف نفس المكان ان شاء الله.....