شيت لكل ماده

[:|©؛°¨¨°؛©الصيدلى الذهبى©]

الفكره كويسه وبتتطبق فى اماكن فعلا بس فى دكاتره هترفض ودكاتره هتوافق وتقوم منزله المنهج كله فى الاسئله ويبأه الموضوع زى قلته وفى ناس هتركز ع الحاجات اللى فيها كلام كتير
ربنا يستر ويعديها على خير اصلا انا كنت قريت فى المصرى اليوم ان موضوع استمراريه الدراسه من عدمه هيتناقش يوم الاربع فى مجلس الوزراء بسبب ارتفاع حصيله ضحايا انفلونزا الخنازير الى جانب التحور الجزئى للفيرس اتمنى ان الدراسه تستمر عشان خلاص جبت اخرى والموضوع معدش مستحمل تأجيل

[د\بوسى ربيع]

جماعه انتم فهمتوا قصدى غلط انا قصدى القسم ينزل اسئله واحنا براحتنا نحلها مش يبقى امتحان وعليه درجات لا ده يبقى عادى زى تقويم ويجى عليه جزء كبير فى النظرى

[Amira Said]

بوسي انتي قصدك شيت كنموذج للامتحان و لا شيت نمتحنه،، لأن واضح ان في سوء فهم
شيت النماذج طبعا ده الطبيعي-المفروض يعني- و اصلا بيكون على المنهج كله، بس بنذاكر بطريقة اننا عارفين الامتحان جاي ازاي، زي شيت الفارما في الدفعة اللي قبلنا
-----
معلش يابوسي كنت برد قبل ما اشوف ردك ، توارد افكار بقى
شكرا على التوضيح

[د\بوسى ربيع]

فى اى حال من الاحوال منوره يا اميره

[قناع الذهب]

فكرة حلوة جداااااا يا بوسى وياريت الدكاترة يفكروا فيها لان فعلا احنا هنبقى مذنوقين جامد وطبعا دا غصب عننا وعنهم علشان ظروف انفلونزا الخنازير
ياريتها فعلا تتطبق لو مكانتش الامتحانات اتحطت

[سندريلا]

فكرة حلوة جدا جدا جدا
مع انى متأكدة ان الدكاترة مش ها يوافقوا
بس مين عارف
جايز المعجزة تحصل ويوافقوا.

[د\بوسى ربيع]

يا ستى ليه بس كده جايز يوافقوا حد عارف تفائلوا بالخير تجدوه

[Amira Said]

شكرا يابوسي ده بس من ذوقك
وايه التشاؤم ده يا جماعة،، عيشوا احلى ما في اللحظة منكدين على نفسكم حتى في الاقتراح
ربنا يوفقنا جميعا

[Bone Marrow]

فكره جميله جداااا..

وموافقه عليها جدا جدا....

لنفس السبب اللى قال عليه د.محمد الجوهرى

لما بامتحن شيت فى ماده فى جزء معين

الجزء دا بيتذاكر كويس وبالراحه لأنى مش بامتحن حاجه تانيه معاه لا قبله ولا بعده

وبعد كده الجزء دا باكون استوعبته كويس ومش باتعب فى الماده دى بعد كده

زى مثلا التحليليه لما امتحنا شيت على 5 محاضرات من جزء الدكتوره منال

دلوقتى الحمد لله الجزء دا مش تاعبنى وقادره انى اسيبه واشوف حاجه تانيه اذاكرها

انا عن نفسى احب ان يكون عليه درجات قليله

لنفس الأسباب اللى قلتها فوق

هأضطر انى اذاكر الجزء دا لانى هامتحن فيه بس مفيش ضغط نفسى لان مش عليه درجات كتير

لكن لو الدرجات عليه زادت فده هيكون مش كويس

هيسبب ضغط نفسى مضاعف عن امتحان النظرى اخر السنه

بالذات لو ما حلتش فيه كويس

عاما هيا حاجه كويسه جدا واتمنى انها تكون فى كل ماده

الراى ده كويس جدا انا موافقه عليه
وهوه ده اللى انا كنت بفكر فيه بالظبط
بجد الواحد خلاص اعصابه تعبت من كتر التفكير يارب يكون ليها حل
وشكرا يا دكتوره على التوبيك

[dr queen]

فكرة جميله يا بوسى وهتساعدنا كتير ،
بس يارب الدكاترة يوافقوا ..