تعبت من الوقوف في السكشن ؟

[analgesia]

اه فعلا كده كتير فيها ايه لما كل معمل يبقى له عدد من الكراسى خاص بيه
احنا مش بنفدر نكمل شغل من وجع رجلينا

[@Noh]

والله ياجماعة أنا أخدت سكشن الفارما من يومين ولســـــــــــــــــــــــــــــــه رجليا بتوجعنى والألم يمتد فيها هو صحيح الدكتور مامنعش حد انه يقعد بس البنشات مش مكفية كل الناس تقعد عليها.

[dooodooo]

بجد السكشن ده وحش اوي وممل كمان وحر مووووووووووووت الفليمات كلها شغاله ومفيش مراوح والجو حر اصلا من غير حاجه ومفيش كراسي كفايه الواحد يريح رجله بين السامبل وبعضها 4 ساعات علي رجلينا لما الواحد معدش قادر خالص
كل سنه اقول الماده دي هتبقي احسن بالعكس تتطلع اوحش مش رضيين يحبيبونا فيها خالص ولا حتي يريحونا

[ahmedofegypt]

عندك حق يا دكتوره فى كلامك .. و المشكله كمان ان لما بيكون فى كراسى حتى بتبقى مش كفايه و المعمل مش متوفر فيه ابسط وسائل الامان ( يعنى فعلاً لازم نلبس ال safety glasses و كمان لازم نلبس gloves و كمامات كمان علشان نبقى وصلنا حتى ل 50% من الامان ) .. بس يارب حد يفكر فينا بجد و يكون فى أى قرار ي يحمينا و يخلينا نحب الفيتو بجد من أول الأسلوب الرائع لدكتور عطالله و دكتور جلال فى المحاضرات لحد معامل تليق بأسم كليتنا ..

[dai_elamar]

عندكم حق بس ده كله من سكشن واحد
طيب اللى عنده سكشنين 7او8ساعات متواصلين
عضويه وعقاقير يعمل ايه
ربنا يقدرنا ونتحمل

[ahmedofegypt]

عندكم حق بس ده كله من سكشن واحد
طيب اللى عنده سكشنين 7او8ساعات متواصلين
عضويه وعقاقير يعمل ايه
ربنا يقدرنا ونتحمل

بصراحه دى حاجه مرهقه فعلا ً . و انا حاسس بالمعاناه اللى بتعانى منها لأنى كان عندى كده السنه اللى فاتت و خصوصاً كمان إنى بسافر ساعتين فى القطر و بعد السيكشن بروح فى ساعتين كمان و ساعات كنت بوصل بيتنا 12 بالليل .. كل اللى إحنا عايزين نبقى حاسين بآدميتنا فى السكاشن دى على الأقل علشان نقدر نستحمل مواعيدا و شغلها ... أسف على الاطاله , و ربنا يوفقنا كلنا و يقدرنا على طلب العلم

[omda2010]

مين قال كده

دا الفيتو السكشن الوحيد اللى بقعد انا وزمايلى ع كراسى دا بيبقى سكشن جميل

ههههههههههههههههههههههههههههههه

[...مصر...]

بشكر د عطا الله إنه خلى في كراسي في السكشن فعلا فرق كبير وياريت كل الأقسام تشوف طلباتنا كده ..

[Pharmcist_girl]

بشكر د_عطا الله جدا لان سكشن الفيتو بجد كان بجانب انه كان جميل واشتغلناه كويس كنا بنلاقى كراسى نرتاح عليها خاصه ان كان يومها عندنا محاضرات من 9 الصبح لحد 2 الظهر