ممكن تعيش فى جلباب ,,,, والديك ؟

[dr moory]

بسم الله الرحمن الرحيم
السلام عليكم ورحمة الله وبركاته

وعليكم السلام ورحمة الله وبركاته
احب ان اتناقش معكم فى موضوع شغلنى فقلت اطرحه عليكو ويارب يعجبكم .
طبعا موضوع جميل من غير جدال
هل ممكن يااختى العزيزه ان تجلسى مع والتك وتحكى معها بعض الوقت وتساليها كيف بدات حياتها ؟
اه كتير جدا ماما بتحكيلنا هى بدأت الزاى من أول حياتها وبصراحة اتعلمت منها حاجات كتير قوى
وبابا كمان عرفنا على كل حاجة فى بداية حياته
طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟
لو كان الزمن هو الزمن كان ممكن ليه لآ زى ما كل الناس كانت بتبدأ حياتها زمان
طيب حسيتى ان بداية حياتها كانت جميله فى زمن احسن من زمننا وافضل ولا لا ؟
هى الحياة طبعا كانت جميلة بس كان فى مشقة وجهد كتير عليهم
طيب عرفتى ان ماما اقوى منك فى تحمل الظروف ؟
بصراحة هى وبابا استحملوا كتير زمان
حتحاولى تتحملى زيها اى ظروف تحصل فى حياتك ؟
ان شاء الله هحاول اتحمل لو ان مهما كانت الظروف هتكون اسهل من ظروف زمان
ولا هنكون بنات فافى ؟
ههههههههه لا ان شاء الله اقدر اتحمل المسئولية

بجد موضوع جميل قوى يا أ\منى
شكرا جزيلا

[Chimera]

إستحالة اقدر اعمل حتى نص إللي ابويا عمله

.,,

[same7]

وانتم اخوتى الاعزاء
ممكن تجلس مع والدك وتعرف ازاى كافح وتعب فى بداية حياته ؟
انا جلست بالفعل
وعرفت
وكنت فخور جدا
طيب هل سالت نفسك انت عندك المقدره دى ولا لا ؟
الحمد لله عندى قدرهعلى التحمل والتضحيه
وبابا ادانى لقب
خليفته
وده اكبر لقب اخدته فى حياتى
طبعا احنا الان زمننا افضل من زمنهم فى حاجات كتير الحمد لله ولكن لابد ان تقابلنا بعض المحن الشديدة عندك القدره على تخطى المحن زى بابا ؟
اعتقد لو انا شكيت انى لو عديت المحنه دى هوصل او بدايه لبلوغ هدفى
هتخطاها ان شاء الله
لكن لو كانت عادى
يبقى هتخطاها برده عشان اقدر اعيش واكمل
طيب بتحاول تتعلم من تجاربه ؟
اكيد لو حصل موقف مشابه بتصرف كأنى بابا بالظبط وببقى سعيد جدا
وهوه مثلى وقدوتى فى حاجات كتير
فكرت فيها وحاولت انها تعطيلك دفعة وقوة وقدرة على تحمل المسؤليه ؟

بالتأكيد بحاول افتكرها لما الاشاره تنور احمر او لما ابتدى اكسل شويه
ساعتها بتقلب اخضر وبكمل طريقى

بجد من غير مجامله
شكرا جزيلا
لموضوعاتك كلها
يا
دكتوره موظفه طموحه
المواضيع كلها مميزه واكثر من رائعه
وبجد ببقى سعيد وانا بشارك فى موضوعات حضرتك
اللى بتجذبنى شخصيا للرد والمشاركه فيها

[Mohamed Al Gohary]

وبعدين يادكتور جوهرى انا اقدر برده بس لو قرات الموضوع هتلاقى فيه جزء خاص بيكم والله مااقدر على زعلكم ماشى

لا ماهو احنا ديما كده مضطهدين في كل حته .. حتى راينا مش عاوزين تسمعوه ..
نستأذن احنا بقى

[dano_90]

أنا أعرفـ تقريباً كلـ حاجة عن ماما وبابا .... بس هما مبدأوشـ منـ الصفر ولاحاجة ...الظروف الحمد لله كانتـ كويسه .... والدتى اتحملتـ أعباء كتير منها شغلها ومنها تربيتى أنا وأخواتى ....ووالدى كان مسئول عن المستوى المادى وازاى يظبطه لينا ...والحمد للهـ ...كل شىء تمامـ ....استفدت من والدى ف حاجات كتيره ف الحياه العمليهـ ...وكمان والدتى ...بس مينفعشـ أكونـ زيهمـ ....أنا أخدت جميلـ الصفاتـ منهمـ ....بحيث أتماشى بالصفاتـ دى مع نظامـ حياتى أنا ....لان كل وقت وليه نظامهـ ....شكراً على الموضوعـ الجميلـ أ/منى ...

[drsherbiny]

بحترم جدا سياسة والدي ووالدتي في الحياه بس كل زمن وليه سياسته

بحب الاستقلال في شخصيتي جدا

شكرا علي الموضوع

[موظفه طموحه]

السلام عليكم
الف الف شكر لمروركم جميعا
فعلا زمن ابئنا وامهاتنا زمن جميل
كان لسه الناس بتحتفظ شويه بالاصول والعادات والتقاليد كان لسه فيه اخلاص والناس كانت بتحب بعضها ومفيش حقد زى دلوقتى
انا اعرف كان زمان فى الارياف الناس كانت بتنام وتسيب بيوتها مفتوحه من كتر الامان يمكن الحاجات دى اللى خلت ابئنا وامهاتنا عاشو عيشه هاديه شويه عن دلوقتى وكمان الحاجات دى ساعدتهم على تخطى اى ازمه وعلمتهم الصبر والقوه بس بقول يارب يخليهم لينا طول ماهم امامنا بنستمد منهم القوه والصبر على كل الحاجات الصعبه اللى موجوده فى زمننا اشكركم جميعا .

[yojeena]

انا و مامتي الحمد لله صحاب اووووووووووي هيا صديقتي الاولي
وببقي فخوره جدا بكدا......ممكن اتكلم معاها في اي موضوع حضرتك تتخيليه
و الله بتفهم اللي جوايا من غير ما بتكلم هههههههه ببقي مستغربه اوي من النقطه دي
قصه حياتها انا طبعااا حافظاها وبجد كانت جميله اوووي
وبعجب جدا بقدرتها ع تحمل المسئوليه.....و ازاي حطت هدفها قدامها لغايه اما حققته بفضل الله
حتي بعد زواجها من بابا ,,,,للاسف الزواج ما طالش اكتر من 10 سنين
قدرت بمفردها تتحمل المسئوليه وعبئ تربيتي انا واخويا واختي و ليها الفضل بعد ربنا اني احقق حلمي واطلع صيدلانيه زي بابايا
بجد امي دي شخصيه جميله و قويه و قدوه,,,,,,انا نفسي ابقي ربعها حتي

بشكر حضرتك جدا يا استاذه مني علي مواضيعك الهايله ,,,,,,,و علي الهدف الاسمي

[د\بوسى ربيع]

بسم الله الرحمن الرحيم
السلام عليكم ورحمة الله وبركاته
احب ان اتناقش معكم فى موضوع شغلنى فقلت اطرحه عليكو ويارب يعجبكم .اتفضلى
هل ممكن يااختى العزيزه ان تجلسى مع والتك وتحكى معها بعض الوقت وتساليها كيف بدات حياتها ؟يله ده العادى بتاعنا
طيب لما ماما تحكيلك ممكن تتخيلى كده هل ممكن تبداى حياتك زيها ولا لا؟دا انا اتمنى ابدا حياتى ذيها والاقى حد نبتدى مشوار حياتنا سوا ونكبر سوا واحس بطعم كل حاجه نوصلها مع بعض كده
طيب حسيتى ان بداية حياتها كانت جميله فى زمن احسن من زمننا وافضل ولا لا ؟طيب عرفتى ان ماما اقوى منك فى تحمل الظروف ؟اه طبعا كانت بدايه جميله جدا اه وجايز جدا الزمان كان افضل لا انا زى ماما عندى نفس القدره على تحمل الظروف
حتحاولى تتحملى زيها اى ظروف تحصل فى حياتك ؟اه طبعا
ولا هنكون بنات فافى ؟لا خالص
وانتم اخوتى الاعزاء
ممكن تجلس مع والدك وتعرف ازاى كافح وتعب فى بداية حياته ؟
طيب هل سالت نفسك انت عندك المقدره دى ولا لا ؟
طبعا احنا الان زمننا افضل من زمنهم فى حاجات كتير الحمد لله ولكن لابد ان تقابلنا بعض المحن الشديدة عندك القدره على تخطى المحن زى بابا ؟
طيب بتحاول تتعلم من تجاربه ؟
فكرت فيها وحاولت انها تعطيلك دفعة وقوة وقدرة على تحمل المسؤليه ؟
نفسى اعرف ردودكم فى هذا الموضوع ونتقاش ونتحاور سويا
واسفه على الاطاله بس يارب الموضوع يعجبكم .اشكركم جميعا .

لا مشكوره يا قمرو على الموضوع الهايل ده

[احمدلطفى]

اتمني ان اعيش في جلباب والدي و يزيدني شرفا وتهيا