شكرا يا دكتور على الموضوع الجميل
وفعلا كل واحد بقى بيعمل إلي في مزاجه حتى لو هيضايق إلي حوليه ويقولك أنا حر وأعتقد إن إحنا هنفضل نعاني من الوضع دا لغاية ما يكون فيه وعي و لو الواحد رجع للدين هيلاقي (لا ضرر ولا ضرار ) أربع كلمات بس فيهم الحل للمشكلة دي يا رب الناس ترجع لدينها وتمشي بمدأ (ما لا أرضاه على نفسي لا أرضاه على غيري )
أنا أيضا أتفق معك يا BoNbOoNaالمشاركة الأصلية كتبت بواسطة BoNbOoNa
فعلا اللى بيحصل دا يعتبر مهزلة بكل المقاييس
وانعدام للذوق والثقافة عند الآخرين
المفروض لما نكون فى رمضان على الأقل محدش يؤذى مشاعر حد ولكن هيهات رمضان جاى أهو ونفس الأفعال هتكرر مفيش احترام للآخرين
أما سواق الميكروباص لو حد كلمه يبقى مصيره إنه يشوف عربية تانية يركبها وبردة نفس الحكاية
أما بخصوص السجائر فأبسط حاجة نحاسب الشباب اللى فى الكلية الأول
إزاى تبقى طبيب صيدلى وبتدرس معلومات طبية خطيرة وعارف إن التدخين عادة قاتلة وبردة بتدخن عجيبة والله
اللهم اهدى شباب المسلمين إلى الصواب
وبجد شكرا يا دكتور على الموضوع الجميل ده
.gif "Fop (27)")
موضوع بجد رائع انا فعلا المواقف الي حضرتك حكتها بتغضني مووووووووت وخصوصا انها بتتكرر يوميا الناس خلاص بجد مبقاش في دم ولا ذوق ولا احترام لمشاعر الاخرين انا كل يوم لما بركم المترو مثلا تلاقي الكل بيرغي او نايم وباقي البنات الي وقفين كلهم في وقت واحد مشغل الاغاني علي اخر درجه والاكثر بجاحه وقلة ادب انك تلاقي البنت مشغله الاغاني باعلي صوت وهيا في المترو وسط الشباب ومفيش ولا بنت غير واحده او اتنين او تلاقي الولد مشغل الاغاني البيئه المنحطه والقليلة الادب سوري في اللفظ بس ده اقل وصف ليها ومش محترم ان في بنات واقفين معاه بس انا بصراحه كنت بسكت في الاول بس بعد كده من غيظي لما بشوف حد مشغلها بقولو لو سمحت لو عندك هندفري ياريت تركبها وتسمع لوحدك ولو معندش اطفيها وعيب كده وبصراحه كلهم بيطفوا لاني بكلمهم بذوق وبحرجهم بذوقي ودي مش حريه شخصيه دي تندرج تحت بند الاشهار بالمنكر وبكل بجاحه
لما بشوف حد مشغلها بقولو لو سمحت لو عندك هندفري ياريت تركبها وتسمع لوحدك ولو معندش اطفيها وعيب كده وبصراحه كلهم بيطفوا لاني بكلمهم بذوق وبحرجهم بذوقي ودي مش حريه شخصيه دي تندرج تحت بند الاشهار بالمنكر وبكل بجاحه
دا عشان حضرتك بتكلمى طالب جامعة
فاكيد فى الاخر بيكون عنده شوية دم
انما بجد البيئة اللى الواحد بيشوفها
عاوزة الضرب بالنار
لانهم اساسا ميعرفوش حاجة اسمها اصول
معاك حق في ناس بجد معندهاش دم
بس علي فكره مش شرط يكون طالب جامعه المترو في ناس اشكال والوان وبيئات مختلفه اصل دي احسن وسيلة مواصلات بس فعلا في ناس بيئه اوي اوي اوي
كلام جميل جدا
فعلا لازم يكون محل نقاش مش بينا بس
لا لازم نخرجه لكل الناس ونكلم فيه اللى حولينا كلهم
بالمناسبه كنت مره ركبه عربيه وكان السواق مشغل اغانى
الغريبه اننى كنا لسه الصبح
ففى واحد شكله متدين اوى(ربنا يحميه) طلب منه انه يغير الاغانى بالقران
فطبعا السواق قاله طيب وما نفذش
قام الراجل الطيب ده واخد نفسه ونازل من العربيه وكمان خد صاحبه اللى كان معاه
الفكره دى عجبتنى
يا ريت ننفذها
لا اله الا الله
حسبى الله ونعم الوكيل
ربنا سهدينا جميعا
موضوع جميل فعلا بس مش الستات بس اللى بتتكلم فى رجاله كمان بتلك اكتر من البنات يعنى مثلا لما الواحد يركب تاكسى والاقى السواق نازل رغى واسئله كأنه المحقق كونان فى زمانه ولما اتدايق واطلب منه يسكت يقولى انتى مغروره ومتكبره وشايفه نفسك على مخاليق ربنا وكلنا ولاد تسعه يا ابله ( كلمه ابله دى بتغيظنى او ى).....ولما ابقى ماشيه فى الشارع وفى حالى والاقى واحد جاى بيرخم عليا وبيسمعنى كلام المفروض هو يخجل من الله ومش يقوله وساعتها مينفعش ارد وفى نفس الوقت لما حد بيجى يقوله عيب كده يقوله انت مالك ياستاذ هو حد داس لك على طرف علما بأنى الحمدلله محجبه وحجابى ملتز م والحمدلله يعنى نعمل ايه اكتر من كده عشان نحس اننا ممكن نخرج براحتنا انا بقيت اخاف اخرج من اللى بشوفه ....لما ببقى راجعه من زيارة قبر والدى عالكليه مثلا ببقى معيطه ومخنوقه جدا الاقى زميل متطفل يقولى هو الجميل زعلان ليه بالذمه مش عيب لما يكونوا رجاله ودكاتره ويعملوا كده سابوا ايه للهمجيين ....ولا لما نبقى مجموعه بنات واقفين فى الكليه ويجى ولاد من بره الكليه يدايقونا وللاسف رجاله كليتنا بيتفرجوا .....لما ابقى خارجه مع ماما واخويا واختى خروجه عائليه وواحد يجى يدايقنا واخويا يتدخل يقوله خليك فى حالك انا حر ....لما نبقى فى صلاه التراويح والستات بيجيبوا الاطفال الصغيرين وصريخ بقى ولعب فىالمسجد وتلاقى ولد صغير جه قعد قدامك وانت خلاص هتسجد وتيجى تكلم مامته تقولك انا حره ....وغيره كتييييييييييييير مبقاش فى حاجه اسمها حريه الوقتى بقى اسمها همجيه ....وبجد لازم يبقى فى حل لان كده كتيييييييير وشكرا على الموضوع مره تانبه
القاعده الشرعيه بتقول لا ضرر ولا ضرار ..
وانا متفق معاك فى كل اللى انته قلته ما عدا رنة الموبايل .. لان مهما كان الرنه هتقعد ثواني معدوده وتنتهتى .. ولو فيه ظروف معينه انت فيها اعمل الموبايل سيلنت ..
توبيك جميل واظن انو المفروض كان يبقى من زماان لانواخطاءنا كترت واخدنا علة ليها باسم حرية شخصية
الحرية الشخصية يعنى حاجات خاصة بحضرتك ملهاش علاقة باللى حواليك يعنى امور تخصك وتفيدك انت مش غيرك بس لو فيها ضررللى حواليك يبقى لازم تفضل الجماعة ع الفرد وتراعى مشاعر الاخرين
نسال الله الهدى والهداية للجميع
ضوابط المشاركة
رد مع اقتباس