ساحه حوار طلبه الفرقه الثالثه 2008/2009

[pharma princiss]

كنت عاوز أسأل يا جماعة .. حد جايب درجة مش حلوة فى الميديسنال .؟؟؟

درجات العملى فى الترم الأول سيئة للغااااااااااااااااااية ..

يا رب اللى كان ماسكنا فى العملى الترم الأول (د/داليا) .. ميمسكناش تانى الترم التانى ..

يارب مايكونش حد جايب درجات وحشه فى الميديسنال
بس الكلام كده شكله بيقول ان د/داليا هى المسئوله عن الدرجات الوحشه
الدرجات دى ياحماعه مسئوليه الطالب اولا واخيرا
وما اظنش انه كان فبه اسهل من عملى الميديسنال
سواء كانت اسئله شفوىاو شيت اوpowder

واظن ان نقص درجات الميديسنال ده لان الناس ما ذاكرتش جزء د/داليا اصلا اللى هو اكبر غلط الواحد ممكن يكون عمله فى سنه تالته
وعلشان ماحدش يتضايق منى انا برضه نقصت فى الميديسنال عن ماكنت متوقعه
بس الحمد لله وان شاء الله تتعوض الترم ده لان الميديسنال ده احسن قسم فى لكليه
وما ينفعش ما نجيبش فيه احسن تقدير
وللعلم د/داليا هى المسئوله عننا الترم ده وده من حسن حظنا طبعا

وماحدش ياخد كلامى على محمل شخصى انا بس حسيت من الكلام ان د/داليا مظلومه معانا فحبيت ارد عنها
تقبلوا مرورى

[Dr. Atallah F. Ahmed]

وماحدش ياخد كلامى على محمل شخصى انا بس حسيت من الكلام ان د/داليا مظلومه معانا فحبيت ارد عنها

يا سلام عليكى يا pharma princiss لو كل واحد من أهل مصر يرد الغيبة عن الأخرين......و خاصة من يعلمونهم كان للبلد دى شأن ثانى. و الخلق ده مش مستورد و الله انما خلق نتقرب الى الله به.
أحييكى يا pharma princiss و رد الله عنك غيبتك.

[pharma princiss]

يا سلام عليكى يا pharma princiss لو كل واحد من أهل مصر يرد الغيبة عن الأخرين......و خاصة من يعلمونهم كان للبلد دى شأن ثانى. و الخلق ده مش مستورد و الله انما خلق نتقرب الى الله به.


أحييكى يا pharma princiss و رد الله عنك غيبتك.

د/عطا الله الف شكر لمرور حضرتك
كلا م حضرتك شجعنى كتير
رد الله غيبتنا اجمعين

[Dr .Ahmed Gamal]

يارب مايكونش حد جايب درجات وحشه فى الميديسنال

بس الكلام كده شكله بيقول ان د/داليا هى المسئوله عن الدرجات الوحشه
الدرجات دى ياحماعه مسئوليه الطالب اولا واخيرا
وما اظنش انه كان فبه اسهل من عملى الميديسنال
سواء كانت اسئله شفوىاو شيت اوpowder

واظن ان نقص درجات الميديسنال ده لان الناس ما ذاكرتش جزء د/داليا اصلا اللى هو اكبر غلط الواحد ممكن يكون عمله فى سنه تالته
وعلشان ماحدش يتضايق منى انا برضه نقصت فى الميديسنال عن ماكنت متوقعه
بس الحمد لله وان شاء الله تتعوض الترم ده لان الميديسنال ده احسن قسم فى لكليه
وما ينفعش ما نجيبش فيه احسن تقدير
وللعلم د/داليا هى المسئوله عننا الترم ده وده من حسن حظنا طبعا

وماحدش ياخد كلامى على محمل شخصى انا بس حسيت من الكلام ان د/داليا مظلومه معانا فحبيت ارد عنها

تقبلوا مرورى

جزاكم الله خيرا يا دكتوره
دكتوره داليا دي من اكتر الدكتره اللي حبيت اني اتعامل معاها لاني حسيت انها قلبها علي الطالب ونفسها اننا ناخد بالنا من مصلحتنا وقسم المديسنال كله قسم محترم جدا
ومش معني اننا نقصنا في العملي ان العيب من المشرف عليه

هو البيات الستوى دة يا دكتور احمد حيخلص ليلة الامتحان ولا اية ؟؟؟؟؟؟؟؟؟؟؟

احنا مش عايزين نشتغل يوم الامتحان احنا عايزين نتعلم قبل الامتحان

ان شاء الله يا سنه تالته ممكن تنزلكم تجربه الlocal anathestic في السكشن القادم مع تجربه الجهاز علشان نقدر نراجع عليهم قبل الامتحان
يعني السكشن القادم احتمال كبير هيبقي فيه اعاده لعمليه الdecapitationوتشريح الضفدعه ومراجعه علي الجهاز كمان لان الشغل اللي في السكشن الرابع صغير( من اول الاسبوع بعد القادم)
اما الاسبوع القادم الناس اللي مش اخدت السكشن التاني اللي كان اجازه فا هيخدوا الاسبوع القادم سكشنهم بتاع تشريح الضفدعه ومعاه screening of antiepileptics ان شاء الله

[dr_Eucalyptus]

رد الله غيبتنا اجمعين

اللهم آمين

جزاكم الله خيرا د/ عطا الله ...وجزاكى مثله يا رحاب
شكرا د/ عطا الله على تواجدكم الفعال والمتميز معانا ..
وشكرا يا رحاب على المبادرة برد الغيبه
ومش معنى ان فى درحات قليله ومش عجبانا ...انى اجيب العيب على مشرف العملى
وخاصه لو كنت انا اللى مقصر ... وده اللى شيفاه فى معظم الطلبه ...
حتى العملى مش بيتذاكر الا قبل الامتحان ..
والامتحان كان كويس ... يمكن بس كان محتاج شويه وقت ...
وعلى فكرة انا ناقصه فيه بردو ... بس ده لاسباب تانيه ...

وحقيقى من معاملتى مع د/ داليا فهى حريصه جدا على مصلحه الطالب وفعلا مابتحبش انها تظلم حد
ودايما بتحاول تفرق بين الطالب اللى بيذاكر واللى مابيذاكرش

وبالتوفيق لينا كلنا ان شاء الله الترم ده ....

[بيتر الحكيم]

يا جماعة سمعت ان فى جدول استثناشى بدل بكرة بالنسبة لسكاشن الصيدلانيات

فبا ترى دى اشاعة مغرضة ولا لآ ولو كانت صح اية المواعيد؟؟؟؟؟؟؟؟؟؟؟؟؟؟؟؟؟؟؟

[بيتر الحكيم]

يا شباب نداء انسانى ردوا على عايز ادخل انام فى بكرة سكاسن ولا لآ؟ اتبرعوا ولو باجابة
يارب يجعل لكم فى كل سؤال اجابة و كل اساى فار عاقل ردوا على الله يخليكم

[yojeena]

يا شباب نداء انسانى ردوا على عايز ادخل انام فى بكرة سكاسن ولا لآ؟ اتبرعوا ولو باجابة
يارب يجعل لكم فى كل سؤال اجابة و كل اساى فار عاقل ردوا على الله يخليكم

ايوه يا دكتور حصل تغيير في مواعيد سكاشنكم
بس الحقيقه معرفش بقت يوم ايه
ممكن حضرتك تسال حد من اصحابك في السكشن

[..::ciZar_Resala::..]

يا شباب نداء انسانى ردوا على عايز ادخل انام فى بكرة سكاسن ولا لآ؟ اتبرعوا ولو باجابة
يارب يجعل لكم فى كل سؤال اجابة و كل اساى فار عاقل ردوا على الله يخليكم

سكاشن بكرة تم تأجيلها .. .. غداً إجازة رسمية


و على الطلبة الحضور فى معامل يوم الأربعاء القادم

[..::ciZar_Resala::..]

آسف يا جماعة إنكوا خدتوا الكلام عن العملى بالصورة دى ..

نأسف عن الخطأ ..

لكن صدق أو لا تصدق ..

درجات عملى الميديسنال كلها فى العشرينات !!

و الكلام ده دفعتنا .. و دفعة السنة اللى فاتت ..

إن شاء الله لنا تعليق مع الدكتور محمود بكر .. فى اجتماع وحدة الضمان .. إن شاء الله