أخيراااااااااااااااا نتيجتنا باانت ..

[pharmacistina]

علي فكره يادكتور انا باخد كورسات في كل المواد والله اعمل ايه تاني

المسألة مش مسألة بتاخدي كورسات أو لا ..
لازم في حاجة عاملة مشكلة لازم تعرفي ايه هي و تعدليها ..
ما تزعليش أوي و ما تقسيش على نفسك ..
لكن لازم تقعدي مع نفسك تشوفي فين المشكلة ..
once انك عرفتي المشكلة خلاص تقدري تتغلبي عليها ان شاء الله ..
صدقيني انوي انتي بس ..
زمان و أنا في اعدادي كنت بعد نتيجة الترم الأول تقريبا في حالى غيبوبة عن الدنيا ..
بس ان شاء الله هتعرفي طريقك و تعرفي ازاي تصححي وضعك وربنا هيكرمك لو تعبتي و أخلصتي ..


الترم الأول خلاص شيء فات ..
ان شاء الله الترم التاني عايزين نسمع تقدير امتياز و دة ممكن جداا ..

مبرووووك ..
ألف مبروك لزمايلنا و زميلاتنا في الفرقة التانية ..

عقبال الترم التاني بتقديرات أعلى ..
وعقبال ما تطلعوا تالتة و تشدوا في شعوركم وتصوتوا زينا أيام الامتحانات ..

[Sincerity]

ربنا يخليكى يوجينا ...الحمد لله بقى عندى امل شويه ف الماده دى ...ان شاء الله هحاول اركز فيها واذاكرها بدرى شويه وربنا يسهل ونعديها باذن الله.

[Sincerity]

الله يبارك فيكى فارماسستينا ... بقالك فتره غايبه عن المنتدى يارب يكون خير ...ادعى لنا ربنا يعدلها لنا الترم التانى ويوفقنا ويارب نطلع تالته ونشد فى شعرنا زيكم بس احنا نخلص من تانيه الاول ..

[noso noso]

اااااااااه والله نطلع من السنه دى

وانشاله نذاكر للسنه الجايه من الاجازه


بس نطلع وخلاص من سنتنا دى

[دقة قلب]

مبببببببروك لتانيه عقبال الترم التاني وتبقى النتيجة احسن ان شاء الله

[yojeena]

اااااااااه والله نطلع من السنه دى

وانشاله نذاكر للسنه الجايه من الاجازه


بس نطلع وخلاص من سنتنا دى

ليه بس كده حلفتي كده مش هتبقي اجازه حرام عليك
هههههه
ان شاء الله خير يا جماعه كله بيبقي كده بس ربنا الحمد لله اعلم بينا من نفسنا وهيكرمنا

[pharmacistina]

الله يبارك فيكى فارماسستينا ... بقالك فتره غايبه عن المنتدى يارب يكون خير ...ادعى لنا ربنا يعدلها لنا الترم التانى ويوفقنا ويارب نطلع تالته ونشد فى شعرنا زيكم بس احنا نخلص من تانيه الاول ..

هتعدي ان شاء الله بسيطة و الله ..
و هتدخلي تالتة و تشدي شعرك ..
بهزر على فكرة هي صحيح تالتة أصعب سنة في الكلية بس و الله أكتر سنة هتحسي فيها بوضعك وهتحسي فيها يعني ايه صيدلة هي تالتة ..

سنة صعبة بس بجد جميلة ..
كل حاجة بتاخديها عارفة انك هتحتاجيها ..

احنا نطلع من تالتة يشغلونا ..

المفروض كدة ..

الترم التاني في تانية برده فيه شغل حلو ..
هتعرفي حاجات في الصيدلية كتير من الترم دة فذاكري وركزي و افهمي الحاجة على قد ما تقدري ..

وما تتردديش انك تسألي في الحاجة حتى لو بسيطة ..

ربنا يوفقكم ..

[yojeena]

era انتي مختاره عدم ارسال رسائل شخصيه
انا عايزاكي

[yojeena]

ربنا يخليكى يوجينا ...الحمد لله بقى عندى امل شويه ف الماده دى ...ان شاء الله هحاول اركز فيها واذاكرها بدرى شويه وربنا يسهل ونعديها باذن الله.

الله يكرمك يا حبيبتي انا والله حاسه بيكي تفاءلي كده وسيبيها علي الله
دايما ربنا بيسترها معانا الحمد لله
ولو احتارتي في حاجه قوليلي

[Dr nour]

كل سنه نقول بس نطلع من السنه دى ومشاكلنا كلها تنحل وهنعمل السنه الجايه كذا وكذا ولما تيجى السنه اللى كنا بنحلم بيها نرجع لنفس الكلام ونقول السنه اللى فاتت كانت أحسن كتير
كلنا بيقابلنا متاعب ومشاكل كتير بنتعب بس التعب بيروح لما بنشوف النتيجه وتكون كويسه والله انا حاسه دلوقتى ان تانيه دى شئ هين قوى ومش فاكره حاجه منها مضيقانى دا دلوقتى بس لما كنت فيها كنت بقول يااااه امتى تعدى
خلاصه الكلام كل سنه بنتعلم أكتر وبنعرف اكتر لازم نحب وضعنا علشان نحقق تميز كل مشكله ولها حلها مهما كانت كبيره وصعبه من وجهه نظرنا أهم شئ اوعى يتملكك اليأس حاول تنظر للنواحى الايجابيه وتنميها وتشوف قصورك وتعالجها
أنا اعرف ناس كانت جايبه فى العضويه 67 تصوروا الوضع يعنى شايلها شايلها مفيش أمل بس عدت وجابت جيد كتقدير عام فيها دايما فى أمل
ورأى يوجينا وفارمسيستينا مفيش كلام يتقال بعديه
بكره تعدى تانيه ولما تفتكرها تقول ياه كانت حلوه ومش هتفتكر أى شئ متعب حدث فيها
وربنا يكرمكم ويحقق لكل انسان مايحلم بيه ويتمناه