هام جدا قبل امتحانات النظرى

[موظفه طموحه]

يا جماعة بتهيألي الحكاية برده أبسط من كدة ..

سبحان الله علينا !!! يعني الناس زمان قبل اختراع الموبايلات ماكانتش بتروح الامتحان ؟؟؟!!!

يعني أهالينا مثلا كانوا بيروحوا الامتحانات بالموبايلات ؟؟

ليه نعطي الموبايلات للمراقب و نحمله مسئولية ,

عشان بدل الغش يحصل سرقة !!

مهو كدة الواحد يخرج م الامتحان بدري عشان ينقي له موبايل جديد كدة , متقولوليش رقم و كلام من دة لأن دي حاجات عايزة تنظيم ووقت جامد قبل الامتحان و برده ممكن يحصل خطأ و تبادل للموبايلات بين الطلبة و نرجع نشتكي و نقول ( عايزين موبايلاتنا اللي ضاعت )


و لو أعطينا الموبايلات للشئون برده نفس الحكاية , الموضوع عايز تنظيم و شغلانة و الخطأ وااارد ..

أنا واحدة بسافر مسافة ساعة و نص , مكالمة دقيقة من أي سنترال ان شاء الله و خلاص الموضوع انتهى ..


أصلا احنا داخلين على الامتحانات و الموضوع دة مش مستاهل نتكلم فيه كتير ..

سيبوا الموبايلات في البيت يا جماعة و طمنوا الأهل من السنترالات .. مش مشكلة

ولا نسيب الموبايلات عند المراقبين ولا عند الشئون ..

الناس زمان كانت بتروح الامتحان و بتسافر و بتخرج برا مصر بدون موبايلات و بدون نت , و كانوا عايشين زي الفل ..

بالتوفيق للجميع

والله هو ده الكلام
وده اللى انا قلته قبل كده بس لو تفكرو شويه هتلاقو الموضوع بسيط
وعملت اقتراح للدراسه علشان كلكم رفضتم برده ماعجبكوش طيب نعمل ايه. يجماعه
مفيش حد هيدخل اللجنه بالموبايل
ده قرار ادارة الكليه
يعنى لازم يا اما تقتنعوا
او تقترحوا وشكرا .

[Messi]

حصل خير .. وياريت اقتراحات كمان ..

طب ما فكرتوش ليه بالتعاون مع حرس الكليه يتم تسليم الموبايلات ليهم و بعد الامتحان ناخد الموبايلات تاني .... اعتقد ان العمليه مش صعبه.................ومن ناحيه اخري تم تنفيذ قرار الكليه بعدم دخول الطالب اللجنه بالموبايل......

[ameer]

يا جماعة بتهيألي الحكاية برده أبسط من كدة ..

سبحان الله علينا !!! يعني الناس زمان قبل اختراع الموبايلات ماكانتش بتروح الامتحان ؟؟؟!!!

زمان مكنش فية حوادث بالعدد الموجود دلوقتي مكنش فية حرامية كتير زي دلوقتي امور كتيرة اختلفت فمينفعش نقارن زمان بدلوقتي

[Mohamed Al Gohary]

سؤال لدكتور جوهرى

لو انت ليك اخت وقبل ما تركب الميكروباص كلمتك من سنترال جنب الموقف وقالت انا جايه اهو نص ساعه او ساعه او اكتر حسب الطريق

وفى نص الطريق الميكروباص عطل او حصل لاقدر الله شئ من كويس

وانت طبعا مستنى وصولها بمده الطريق وحصل ان تصليح الميكروباص او انهاء الموقف الى حصل حوالى ساعه

انت بقا هتعمل ايه فى الساعه التاخير دى هيكون شعورك ايه او قلقك عامل ازاى

ارجو مراعاه مشاعر اسر الطلاب وقلقهم على ابناءهم

ونفكر ازاى الموبيل يكون فى مكان امن وقت اللجنه فقط

على فكره استاذه منى وكل اللى اكلم قال ان ده قرار عميد الكليه .. مش قرار محمد الجوهري ..

على فكره انا مش مبسوط من القرار .. ومش عاجبني .. انتم ليه ديما فاكرني ان انا ضدكم !! ومع ادارة الكليه في كل حاجه تعملها ؟؟

انا بقول ان ده قرار صدر من الدكتور محمود وله اسباب كتير ..
صحيح انا لسه متكلمتش فيه مع الدكتور محمود .. لكن انا الوقتي بفكر فى اتجاهين .. الاتجاه الاول ان القرار بيتعرض عليكم وبنشوف رايكم وايه اقتراحاتكم ..
عشان انقلها لدكتور محمود - اللى اكيد قرا كل اللى انتم كتبتوه - ونحاول نوصل لحل .. لان انا متاكد ان القرار مش هيتلغي .. لان اللى يعرف الدكتور محمود كويس يعرف انه مش هياخد قرار زى ده من غير مايكون عنده اسباب قويه جدا .. وعامل حساب كل حاجه .. يعني القرار مش هيتلغي ..

كل اللى احنا بنحاول نعمله - وانا اولكم - اننا بنشوف حلول نقدر نحقق بيها المعادله .. اللى هى اننا ننفذ قرار عميد الكليه وفى نفس الوقت الموبايل يكون معانا بعد الامتحان ..

نفس مشكلة الجدول بتتكرر .. ونفس طريقة الاتهامات اللى بتتوجه لى بتتكرر ..
يا جماعه والله العظيم انا طالب زيي زيكم وهمتحن .. وعمري ما خرجت ولا روحت فى حته الا وموبايلي كان معايا .. ده انا حتى بحطه جنبي فى السرير وانا نايم
بكره ان شاء الله هقابل دكتور محمود وهكلم معاه ..

وانا متاكد انه مش واخد القرار ده عشان يضايقنا وخلاص ..

وربنا يسهل ونوصل لحل ..

[Messi]

على فكره استاذه منى وكل اللى اكلم قال ان ده قرار عميد الكليه .. مش قرار محمد الجوهري ..

على فكره انا مش مبسوط من القرار .. ومش عاجبني .. انتم ليه ديما فاكرني ان انا ضدكم !! ومع ادارة الكليه في كل حاجه تعملها ؟؟

انا بقول ان ده قرار صدر من الدكتور محمود وله اسباب كتير ..
صحيح انا لسه متكلمتش فيه مع الدكتور محمود .. لكن انا الوقتي بفكر فى اتجاهين .. الاتجاه الاول ان القرار بيتعرض عليكم وبنشوف رايكم وايه اقتراحاتكم ..
عشان انقلها لدكتور محمود - اللى اكيد قرا كل اللى انتم كتبتوه - ونحاول نوصل لحل .. لان انا متاكد ان القرار مش هيتلغي .. لان اللى يعرف الدكتور محمود كويس يعرف انه مش هياخد قرار زى ده من غير مايكون عنده اسباب قويه جدا .. وعامل حساب كل حاجه .. يعني القرار مش هيتلغي ..

كل اللى احنا بنحاول نعمله - وانا اولكم - اننا بنشوف حلول نقدر نحقق بيها المعادله .. اللى هى اننا ننفذ قرار عميد الكليه وفى نفس الوقت الموبايل يكون معانا بعد الامتحان ..

نفس مشكلة الجدول بتتكرر .. ونفس طريقة الاتهامات اللى بتتوجه لى بتتكرر ..
يا جماعه والله العظيم انا طالب زيي زيكم وهمتحن .. وعمري ما خرجت ولا روحت فى حته الا وموبايلي كان معايا .. ده انا حتى بحطه جنبي فى السرير وانا نايم
بكره ان شاء الله هقابل دكتور محمود وهكلم معاه ..

وانا متاكد انه مش واخد القرار ده عشان يضايقنا وخلاص ..

وربنا يسهل ونوصل لحل ..

مشكوووور طبعا يا دكتور محمد و كلنا طبعا عارفين انك في صف الطلاب وبتعمل لمصلحتهم وربنا يجزيك خيرا ان شاء الله وتوصل لحل يرضي الناس كلها
-----
وعسي ان تكرهوا شيئا وهو خيرا لكم........مش ممكن يا جماعه اي واحد يتسرق منه الموبايل لو احضره معاه ...يمكن ده الخير.. يمكن لو مكنش القرار ده طلع و احضرتوا الموبايلات بتاعتكم كانت تتسرق ..ساعتها بقي يقول الحمد لله..مش ممكن واحد وهوه راجع بليل شخص من قطاع الطرق يثبته و يقوله طلع الموبايل؟؟؟ ساعتها يقول ياليتني سبته في البيت.......خدوا الموضوع ببساطه يا جماعه

[mostafa_elnagar]

والله العظيم تلاته المعيدين بدون ذكر اسماء ................................................

والموظفين تليفوناتهم بترن وبيقعدو يتكلموا واحنا من احترامنا ليهم ولنفسنا مش بنتكلم
لان عيييييييب اوى احرج واحد فى مقام والدى او فى مقام اخويا الكبير اللى بحترمه

وبعدين احنا بنسافر
والله المحمول دلوقتى ما بقاش كماليات او مظاهر او .او. او .وا ...
وانا لازم اطمن اهلى عليا وعلى الامتحان
لان انتم عارفين فتره الامتحان دى بتعدى على كل بيت ازاى وعلى كل طالب ازاى

[NonY]

مشكوووور طبعا يا دكتور محمد و كلنا طبعا عارفين انك في صف الطلاب وبتعمل لمصلحتهم وربنا يجزيك خيرا ان شاء الله وتوصل لحل يرضي الناس كلها
-----
وعسي ان تكرهوا شيئا وهو خيرا لكم........مش ممكن يا جماعه اي واحد يتسرق منه الموبايل لو احضره معاه ...يمكن ده الخير.. يمكن لو مكنش القرار ده طلع و احضرتوا الموبايلات بتاعتكم كانت تتسرق ..ساعتها بقي يقول الحمد لله..مش ممكن واحد وهوه راجع بليل شخص من قطاع الطرق يثبته و يقوله طلع الموبايل؟؟؟ ساعتها يقول ياليتني سبته في البيت.......خدوا الموضوع ببساطه يا جماعه

بدأت أقتنع

[A7MD]

ممكن ياجماعة نعين الموبايلات في دواليبنا واللي معندوش يعني مع اي حد من اصحابه
وبكده نرضي الطرفين
انا بصراحة شايف انه مش ممكن استغني عن الموبايل خصوصا يوم الامتحان لاني بطمن اهلي وبكلم اصحابي عشان نقابل بعض في الشفوي او المكتبة وخلافه
يعني لامساس بالموبايل وإلا...

[Messi]

بدأت أقتنع

الحمد لله

[Messi]

والله العظيم تلاته المعيدين بدون ذكر اسماء ................................................

والموظفين تليفوناتهم بترن وبيقعدو يتكلموا واحنا من احترامنا ليهم ولنفسنا مش بنتكلم
لان عيييييييب اوى احرج واحد فى مقام والدى او فى مقام اخويا الكبير اللى بحترمه

كان بيحصل كده في لجان الامتحان طول عمري .....مش في الكليه بس