يلا نشجع بعض

[dry_tears]

يلا ياجماعه ..كل الناس تشد حيلها شويه
خلاص امتحانات العملى قربت تخلص والعد العكسى شغال...
وانا بقول للى امتحانات العملى كانت مش تمام معاه انسى اللى فات وركز ازاى تعوض اللى فاتك فى اللى جاى لسه قدامك فرصه ياريت تبدا فى استثمارها...
بالتوفيق للجميع ..

حد شاطر كدة يقول نستثمرها ازاى؟؟

[سوزران]

حد شاطر كدة يقول نستثمرها ازاى؟؟

هو ده السؤال الصح فعلا الواحد بيحاول يذاكر بس تضيع وقت فوق المعقول يعنى الصفحة اللى بتخلص فى ربع ساعة ايام الامتحانات بتاخد الوقتى اليوم كله

فيا جماعة لو حد جرب طريقة فعالة بينجز بيها يقولنا ربنا يجزيه خير

[dry_tears]

هو ده السؤال الصح فعلا الواحد بيحاول يذاكر بس تضيع وقت فوق المعقول يعنى الصفحة اللى بتخلص فى ربع ساعة ايام الامتحانات بتاخد الوقتى اليوم كله

فيا جماعة لو حد جرب طريقة فعالة بينجز بيها يقولنا ربنا يجزيه خير

بالظبط كدة ليه بقة بيحصل كدة؟؟عيال بدات اخاف فعلا حسة ان الترم كلو هيتوقف على اليومين او التلاتة الى قبل كل مادةةةةةةة لو دة حصل يبقة

[د/محمد عمر]

ياريت يا جماعه تشاركونى التفكير ...
لانى بجد خلاص تعبت ومش قادر افكر ...ياترى ابدا مزاكره صناعيه من النهارده (اقصد يعنى صناعيه لوحدها بس)ولا ازاكر معاها حاجه تانيه ....ولا ازاكر حاجه تانيه واسيب الصناعيه كمان يومين ؟؟؟
انا بقالى اكتر من 5 ساعات بفكر فى الموضوع ده !!!!
والوقت عمال بيعدى !!!!
افيدونى افادكم الله!!!!

[د\بوسى ربيع]

بص احنا باذن الله هنبتدى صناعيه من بكره ده كلام دكتور طارق علشان نقدر نلحق نفسنا لاننا مقرنيهاش خالص

[heba541]

أنا رأيى انك تفتح معها حاجه تانيه ولو حتى قراءه علشان متحسش بالملل من الصناعيه وكمان الكتاب تكمله وانت بتزاكر كل جزء بجزءه علشان مضيعش وقت كتير..ده رايى المتواضع والله المستعان

[د/محمد عمر]

طب انا تقريبا عندى فكره عن منهج دكتور جلال
حضرت بعض المحاضرات وزاكرت شويه صغيرين فى الجزء دهّّ!!! !!!!
فيه حد يعرف جزء دكتور اسماعيل هيحتاج وقت كبير فى المزاكره ولا ايه ؟؟؟؟؟؟؟؟
-----

أنا رأيى انك تفتح معها حاجه تانيه ولو حتى قراءه علشان متحسش بالملل من الصناعيه وكمان الكتاب تكمله وانت بتزاكر كل جزء بجزءه علشان مضيعش وقت كتير..ده رايى المتواضع والله المستعان

ده فعلا اسلم راى
جزاكى الله خيرا يادكتوره

[سوزران]

طب انا تقريبا عندى فكره عن منهج دكتور جلال
حضرت بعض المحاضرات وزاكرت شويه صغيرين فى الجزء دهّّ!!! !!!!
فيه حد يعرف جزء دكتور اسماعيل هيحتاج وقت كبير فى المزاكره ولا ايه ؟؟؟؟؟؟؟؟
-----

اولا انا بتفق مع دكتورة هبة فى طريقة المذاكرة لأن دى أحسن طريقة هننجز فيها جزء من المواد التانية مع الصناعية لأن لو ركزنا على الصناعية بس هتاخد اكتر من حقها

انا بدأت النهارده بجزء الدكتور جلال لأنى عارفه انه محتاج تركيز وكمان عشان تصحيح الدكتور جلال انا شايفه انه هيبقى ........................كملوا انتوا بقى

اما الدكتور اسماعيل فجزئه مش فيه حفظ كتير بيعتمد أكتر على فهم الجهاز بيشتغل ازاى بس المشكلة فى حفظ الاجهزة حسب ما حضرتك بتحفظ الجهاز فى وقت اد ايه ده اللى هيعتمد عليه مدة مذاكرتك
كمان الدكتور اسماعيل تصحيحه حلو يعنى جزئه مش عاوز تركيز أوى زى د\جلال

فابدأ بجزء د|جلال أحسن ده رأيى وربنا يوفقك

[Amira Said]

تقريبا خلصنا العملي ومبقاش غير الباثولوجي يوم الاثنين والثلاثاء، فالمفروض هنبدأ نركز في النظري،، ياريت أي حد يذاكر اي مادة وعنده اضافة او استفسار يشاركنا في ساحات حوار المواد كل مادة على حدة

ساحة حوار الصيدلة الصناعية ‏

ساحة حوار الصيدلانيات

ساحة حوار الكيمياء الطبية

ساحة حوار ال بارا والباثولوجى ‏

ساحة حوار الأبلايد

ساحة حوار الtoxicology

ساحة حوار إدارة الإعمال