النقاب أم الطرحة أو الايشارب ؟!!!

[Dr.A7med]

أكرر: حذف المشاركات والحجر علي الآخر ومصادرة حقه في الرد شيء لا يعبر عن الشجاعة في عرض الرأي والرأي الآخر

[Ramy Saad]

- الموضوع مفتوح -

حرية التعبير بالتأكيد مكفولة في ظل عدم تعدي قوانين المنتدى عامة والقسم الإسلامي خاصة


جزاكم الله خيرا جميعا

[زهرة الياسمين]

- الموضوع مفتوح -

حرية التعبير بالتأكيد مكفولة في ظل عدم تعدي قوانين المنتدى عامة والقسم الإسلامي خاصة

الحمد لله

جزاكم الله خيرا
حزنت لغلق الموضوع بهذه الصورة
لى عودة و تعقيب باذن الله
أسال الله ان يوفقنا جميعا لما يحب ويرضى

[Dr.A7med]

حرية التعبير مكفولة بالإساءات والحذف

[N00R EL _SHAMS]

اولا انا بعتذر وبشده .........وده طبعا لانى انا الى رفعت التوبيك من تانى ...لكن والله انارفعته بس لاعجابى بيه ولاعجابى بالمشاركات الى فيه ولانه بيعالج قضيه مهمه جدا ف حياتناوميعلم بنيتى الا الله .........
ومكنتش ابدا ابدا احب ان الحوار يتطور ويوصل للدرجه دى بين حضراتكم وخاصه ان حضراتكم دكاتره افاضل وخاصه اكتر ان ده المنتدى الاسلامى .........
انا بعتذر مره تانيه لو كنت تسببت ف جرح مشاعر اى انسان من مشاركه اتكتبت هنا من حد تانى .........
ارجو ان تتقبلوا اعتذارى
وفقنى الله واياكم الى ما يحب ويرضى ..............

[مشمشة]

هوفى الحقيقة ان اللى قعدت ادور ع الموضوع بعد ما فات اكتر من خمس شهور عليه ورفعته لانى فعلا كنت عاوزة اشوف الآراء ووجهات النظر وانا كنت متاكدة طبعا ان هيبقى فيه اختلاف فى الاراء بس عادى لان فى اختلاف بين العلماء بس اللى كان المفروض يحصل ان كل طرف يحترم وجهة نظر الاخر ولايسفها لان فى الحقيقة وجهتى النظر لايوجد بينهما اى تضاد على الاطلاق بس مش عارفة ليه كل ده .

اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه .ووفقنا الى ماتحب وترضى

[Ramy Saad]

حرية التعبير مكفولة بالإساءات والحذف

اعلم يقينا حفظك الله أني ماكنت لأرد على كلام بهذا الأسلوب

لو حضرتك تظن إن فيه تقييد للرأي
وضحت لحضرتك قبل كدة الطرق السليمة للشكوى


كون إن حضرتك تركت التماس هذه الطرق ومازلت تكتب بهذه الطريقة التي تشعر الآخرين بإن هناك ظلما واقعا عليك
ما هو إلا تضييع لوقت حضرتك وتشتيت للأعضاء



أسلوب حضرتك وطريقة الحوار والنقاش واضحة في المنتدى
وإن أردت توضيح بالتاريخ واليوم والساعة والدقيقة فراسلني بارك الله فيك



أكرر مرة أخرى لعل حضرتك نسيت ...
بإمكان حضرتك أن ترسل رسالة خاصة لي لتوضيح ما أُشكل عندك
أو تقوم بكتابة موضوع بقسم الشكاوى والمقترحات موضحا فيه كل تفاصيل شكواك وستجد حتما ردا على شكواك
وإن لم تجد ردا وافيا بإمكانك أن تتقدم مشكورا بالشكوى ضدي إلى مكتب القائم بأعمال عميد الكلية أ . د . ماجدة الشربيني

أي كلام خارج هذا الإطار ماهو إلا تشتيت للأعضاء وتضييع لوقت حضرتك



بإمكانك الاطلاع على هذا الموضوع
http://www.pharma-board.com/board/sh...363#post248363


رجاء أخير من حضرتك أن تعيد قراءة مشاركاتي مع حضرتك من بدايتها

اولا انا بعتذر وبشده .........وده طبعا لانى انا الى رفعت التوبيك من تانى ...لكن والله انارفعته بس لاعجابى بيه ولاعجابى بالمشاركات الى فيه ولانه بيعالج قضيه مهمه جدا ف حياتناوميعلم بنيتى الا الله .........
ومكنتش ابدا ابدا احب ان الحوار يتطور ويوصل للدرجه دى بين حضراتكم وخاصه ان حضراتكم دكاتره افاضل وخاصه اكتر ان ده المنتدى الاسلامى .........
انا بعتذر مره تانيه لو كنت تسببت ف جرح مشاعر اى انسان من مشاركه اتكتبت هنا من حد تانى .........
ارجو ان تتقبلوا اعتذارى
وفقنى الله واياكم الى ما يحب ويرضى ..............

هوفى الحقيقة ان اللى قعدت ادور ع الموضوع بعد ما فات اكتر من خمس شهور عليه ورفعته لانى فعلا كنت عاوزة اشوف الآراء ووجهات النظر وانا كنت متاكدة طبعا ان هيبقى فيه اختلاف فى الاراء بس عادى لان فى اختلاف بين العلماء بس اللى كان المفروض يحصل ان كل طرف يحترم وجهة نظر الاخر ولايسفها لان فى الحقيقة وجهتى النظر لايوجد بينهما اى تضاد على الاطلاق بس مش عارفة ليه كل ده .

اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه .ووفقنا الى ماتحب وترضى

بارك الله فيكم
الموضوع موجود منذ أشهر طويلة وكان الخلاف قائما ولا يزال ولن ينتهي
لكن كان يدور في بوتقة من الأدب والاحترام
بإمكان الجميع الرجوع للمشاركات الأولى وإعادة قرائتها
وإن كنت ( كما يظن أخونا Dr.A7med ) أنكرت يوما على أي إنسان قال أن النقاب سنة فليأتني بهذه المشاركة من أي موضوع في المنتدى أو حتى من خارج المنتدى
وسأعتذر عنها فورا

الذي لم يستوعبه أخونا Dr.A7med أن إنكاري وانتقادي لكل إنسان سولت له نفسه أن يقول على لباس عائشة وفاطمة وأسماء هو لباس بدعة إذا كان بنية التعبد
إنا لله وإنا إليه راجعون

وإن كان أخونا Dr.A7med لا يقول هذا الكلام ولا يدافع عنه فما الذي يضره إن أنكرت على قائل هذا الكلام !!

ولكن للأمانة العلمية فالأمر فيه خلاف واسع
والخلاف فيه معتبر ولكل فريق أدلته

ديه أول مشاركة ليا في الموضوع بتاريخ 7 - 8 - 2009
لكن كون البعض أخذ الموضوع على محمل آخر فهذا ليس ذنبي






بارك الله فيكم جميعا

[زهرة الياسمين]

وانا كنت متاكدة طبعا ان هيبقى فيه اختلاف فى الاراء بس عادى لان فى اختلاف بين العلماء بس اللى كان المفروض يحصل ان كل طرف يحترم وجهة نظر الاخر ولايسفها لان فى الحقيقة وجهتى النظر لايوجد بينهما اى تضاد على الاطلاق بس مش عارفة ليه كل ده .

ولكن للأمانة العلمية فالأمر فيه خلاف واسع
والخلاف فيه معتبر ولكل فريق أدلته

اتفقنا من البداية كما اورد د- رامى ان الامر محل خلاف بين العلماء
من المعروف فى مسائل الخلاف انه يسع المسلم الأخذ بأي الرأيين
على ألا يلزم أحدا بالأخذ بهذا الرأى ولا ينكر على من أخذ بالرأي الآخر فعلَه

أنا كمنتقبه ليس لي أن أنكر على أختى أو أعنّفها لعدم ارتدائها النقاب أو اجبرها عليه مادام هناك ثقات من أهل العلم أجازوا ذلك
لكنى أنكر عليها ان خالف لباسها شروط الحجاب الشرعى
أنكر عليها ان خرجت دون أن ترتدى الجورب ( الخلاف فى الوجه والكفين فقط والمرأة ملزمة دون خلاف بستر جسدها بما فيه القدم )
أنكر عليها ان ارتدت بعض الاكسسوارات او الحلى ( زينة والاصل فى الزينة الستر عن غير المحارم )
أنكر عليها ان كان في ثيابها مايلفت الانظار

هذه نقطة

النقطة الثانية

كمان بالنسبة لدعوة النساء لتغطية الوجه حتي لا يفتن الرجل فهذا ليس أمرا منطقيا .. يجب أن يكون الداعي الأول والوحيد للبس النقاب هو أنه قربة تحاول بها المرأة إرضاء الله .. وفي نفس الوقت هي تعلم أنها لو كشفت وجهها فقد وقفت علي حدود الله .. وحدود الله واضحة .. كشف الوجه والكفين حلال .. وغض البصر واجب علي الرجل .. فليقف كل عند حده وعلينا ألا نحكم علي المرأة بأنها لو كشفت وجهها فهي بذلك تفتن الرجل .. لو لبست المرأة حجابها الشرعي فقد أدت ما عليها وعلي الرجل أن يؤدي حينها ما عليه

اتفق مع حضرتك ان الدافع الاول هو القربة من الله عز وجل وابتغاء مرضاته
لكن ما المانع ان يكون احد النوايا مساعدة الشباب على غض البصر؟

لو حضرتك سايق عربية و واحدة بتعدى الشارع
هتغض بصرك ازاي؟
زى ما حضرتك اوردت غض البصر واجب
طب لو منتقبة ؟

أذكر لحضرتك موقف من اكثر المواقف التى أثرت فى وزادتنى رغبة فى ارتداء النقاب

فى ثانوى كنت نازلة مشوار العصر متأخرة ماشية بسرعة لوحدى فى شارع عام كبير لابسة خمار وعباية وجوانتى
واتعاكست
ماشي مش اول مرة اتعاكس فيها.. بس الموقف ده ما كانش فيه اى خطأمنى
بالنهار وماشية بسرعة ولبس محترم مش باتلفت او باكلم حد
ليـــــــــــــــه اتعاكس؟؟؟

الموقف ضايقنى جدا جدا وقعدت كتير الوم نفسي ما انا لو كنت منتقبة ما كانش هيشوف منى حاجة وماكانش عاكسنى اصلا
انا الى حطيت نفسي فى الموقف ده

والحمد لله بعد النقاب لا أذكر انى اتعاكست مطلقا
بالعكس الواحد بيحس بتقدير واحترام الاخرين

على عكس الموقف ده موقف فى ثانوى برضه
كنت باشترى حاجة وباسأل صاحب المحل عنها
اول ما كلمته طأطأ رأسه ونظر للأرض
وطول ما هو بيرد علي كان بصره للأرض

بقدر ما احترمته بقدر ما خجلت من نفسي ...
ما انا لو كنت لابسه النقاب ما كنش هيتكلف
ما كنش هيبص طول الوقت للارض
لو كل شوية دخلت بنت
معنى كده انه طول النهار بيبص للارض!!!
هل الاسهل انه يتصرف هو وكل الشباب كده والا انى وكل البنات نلبس النقاب؟؟؟
ونريح الشباب من مشقة غض البصر ونقى انفسنا من الذنوب

******
القضية ليست تعصب لرأى أو لشيخ
بالعكس قد التزم برأى شيخ معين وأسير على نهجهه وأخالفه فى بعض المسائل مادام لى أسوة أقتدى بهم فى هذه المسائل وأقتنع برأيهم

هى ليست حربا يحاول فيها كل طرف الفوز فى النهايه
انما نسعى لارضاء الله عز وجل اولا وأخيرا
ولو لم تكن هذه هى الغاية فلم النقاش ولم المشاركة فى المنتدى الاسلامي أصلاً؟

أسأل الله أن يرينا الحق حقا ويرزقنا اتباعه وأن يوفقنا جميعا الى ما يحب ويرضى وأن يرزقنا الاخلاص غى القول والعمل

[Dr.A7med]

أخونا dr.A7med قال :
أما باقي الكلام فليس عندي اعتراض عليه .. وإن كان لي تحفظات في الماضي فإنما هي علي الفكر الذي يقود حملة تنقيب المرأة المصرية بصراحة.. وأعترف أنني أخطأت في التعامل مع تحفظاتي عندما نقلتها من اعتراضي علي فكر معين إلي عداء للنقاب .. ولكني تراجعت عن هذا الخطأ الآن والحمد لله .. وأصبح تحفظي علي فكر لا يناسب ما أري فيه مصلحة أمتي أمر مستقل بذاته لا علاقة له بمظاهر هذا الفكر التي أصبح النقاب منها مع أن النقاب في الأصل عبارة عن مسألة من المسائل الفقهية التي يتعدي عددها المليون ومائتي ألف مسألة .. وجعله أمرا يتوقف عليه مستقبل الأمة وجعله جوهر الدين هو مالا يوافق عليه عاقل
تحياتي لكم جميعا

حضرتك كدة أنا برأت ساحتي مهما كان كلامي قبل كدة .. تشتيت الأعضاء حصل لما حضرتك أعدت القديم وحاولت إحراجي بسبب خطأ أنا تراجعت عنه .. واستخدمت أسلوب اللمز العجيب ده وأنا وضحت موقفي تماما ومش صح منك انك تعيد وتزيد في حاجة أنا تراجعت عنها .. أصلا أنا مشاركتي الأخيرة في الموضوع ده كانت تحترم الرأي والرأي الآخر ومكانش فيها أي حاجة تقول (النقاب ليس سنة) أو غيره .. أنا في الموضوع ده لم أخرج عن دائرة الخلاف المعتبر اللي حضرتك أشرت إليها .. إيه الداعي لكل كلامك المليء باللمز والإساءة

ده كان كلامي يا دكتور رامي في البداية

ملابس الرأة المسلمة لا تكشف ولا تشف ولا تصف
جسد المرأة كله عورة عدا الوجه والكفين
نسأل الله لبناتنا ولجميع نساء المسلمين طهارة وعفة الجوهر والمظهر علي السواء

لا حضرتك ولا أي عالم يقدر ينكر علي الكلام ده لأنه خلاف معتبر .. وفي باقي كلامي كنت بدور حول النقطة دي .. أفهم أنا منك ليه بتدندن حوالين خطأ أنا تراجعت عنه؟ والله ده ما سلوك علماء ولا حتي طلبة علم

حضرتك مش ده كلامك
الخلاف في مسائل الأحكام أكثر من أن ينضبط
بالنسبة قصة النقاب المفتعلة من لا شيء

من أول مشاركة ليا في الموضوع ووضحت إن الخلاف واسع ومعتبر بين أهل العلم

ويدور الحكم بين الوجوب ( وهو الإجماع خاصة في زمان الفتن ) وبين الاستحباب وكونه سنة وفضيلة للمرأة المسلمة العفيفة
وسؤالي هل خرجت أنا في مشاركاتي الأخيرة عن هذا الإجماع ؟

للأسف الشديد يصور البعض الخلاف في المسألة على إنه حرب بين طرفين
ينقل الأقوال دون فهم أو أدنى علم ليجادل في ما لا يحسن
هل حضرتك تقدر تثبت من مشاركاتي في هذا الموضوع اني عملت كدة؟ لو تقدر ياريت ترد علي السؤال ده علي حدة

قلت من قبل أن من تمسك بقول شيخ لا يمكن لبشر على وجه البسيطة أن يجبره على ترك فتوى شيخه
لكن في المقابل لا يجادل ولا يجبر أحدا على الأخذ بقول شيخه هو
اثبت يا دكتور اني عملت كدة .. وبعدين أنا هنا مش بتكلم باسم شيخ .. أنا هنا داخل الخلاف .. لو حضرتك جبت من مشاركاتي ما يثبت اني أجبرت أي حد علي أحد جانبي الخلاف المعتبر يبقي ساعتها عندك حق
إن أحسنت فهم الدليل وتعلمته عن شيخك فلك أن تتكلم حينها على بصيرة

لكن يؤسفني جدا إن واحد عرف إن شيخه قال فتوى معينة
يقلب المواقع كلها عشان يجيب أدلة يقوي بيها موقف ضيخه قدام الناس
أنا مش متضايق من كلمة أكتر من دي .. حضرتك تلمزني ازاي بحاجة زي كدة وحضرتك أصلا تعرف إيه عن مصادري؟ كلمة يقلب المواقع دي إهانة وأصلا الموضوع بالنسبة ليا مش مهم للدرجة دي .. وأنا لما باخد حاجة عن شيخي باخدها عنه مباشرة (ولك انك تتخيل مباشرة دي معناها ايه) لما حضرتك تبقي تلميذ شيخ معين بالفعل وتتهم بالاتهام ده هتزعل
يا حبيبي اتعلم من شيخك الدليل اللي بنى عليه فتواه وتكلم وقتها على بصيرة

ما ينفعش مسألة خلافية أقول فيها الشيخ الفلاني بيقول والعلاني بيعيد

ممكن بعضكم حفظ مني الكلام ده من تكراراه

العجيب إن Dr.A7med نقل قبل كدة هنا في المنتدى فتوى من دار الإفتاء تقول أن النقاب إذا كان بنية التعبد فهو حينئذ بدعة
ودافع على الكلام ده باستماتة
مالك متعجب أوي كدة .. تراجعت أنا عن الخطأ ولا لا .. يا أخي ده لو مسلم أخطأ في عقيدته وتاب محدش هيعمل معاه كدة تقوم انت تعمل كدة معايا في مسألة فقهية؟
وربنا يجزيه خير لما رأى فيديو لمفتي الديار قبل أن يتولى منصبه وهو يقول
أن الأئمة الأربعة مجتمعون على أن النقاب فرض على المرأة المسلمة
رجع فورا عن كلامه
هو ده لمز العلماء وحضرتك تعرف كويس أوي يعني ايه عالم وايه موقع الدكتور علي من الكلمة دي وبصراحة أعمي اللي ينكر علي الدكتور علي علمه .. كلمة قبل ما يتولي منصبه دي حط تحتها ألف خط .. ولما حضرتك تقف معاه يوم القيامة عند رب كريم يعرف نوايا العباد ويعرف طويتهم هيسألك اتهمته ليه من غير علم؟ ده أولا .. ثانيا تراجع فورا عن كلامه دي تخمين أنا عارف انه مش صح وحضرتك بتجزم بيه بشكل أنا مستغرب له بصراحة
نفسي أعرف عرفت منين كل الحاجات دي .. وزعلان اني بقولك مبروك علي الكرامة اللي خلتك تبص في نوايا العباد وتعرف اللي ورا الجدران
ربنا يجزيه خير إنه تخلى عن تمسكه برأيه الشخصي أو رأي أي حد كان متسمك بيه
لكن كنت أتمنى رجوعه يكون عشان الدليل مش عشان سمع شيخ قال كدة
تاني حضرتك بتجزم بما لا تعرف وده خطأ سواء حضرتك قبلت التراجع عنه أم لم تقبل ..
عموما ربنا يجزيه خير

الشاهد من كلامي
إن مش عشان شوفت فيديو أو فتوى لشيخي على فضائية أو موقع أو منتدى أحاول أجبر الناس عليها دون أن أتعلم أنا المسألة
حضرتك ساعتها تتمسك بقول شيخك وتحتفظ به لنفسك لا لتجبر أحدا عليه
تاني بقول اثبت ان ده حصل هنا .. وبعد كلامي اللي فوق اللي تراجعت فيه عن خطأ أنا ارتكبته قبل كدة مش من حقك تقول الكلمتين دول
ويقول أنا مجرد ناقل للكلام من أهل العلم
وحتى النقل .. لا يحسن النقل ويدافع عن فهمه الخاص الذي فهمه عن كلام شيخه الذي قرأه في موقع أو منتدى هنا أو هناك
منين حضرتك عرفت كل الكلام ده .. الكلام ده لا ينطوي إلا علي الإساءة والإحراج ومش حقيقي .. أنا لو وريت حضرتك الأرقام اللي في موبايلي هتتعجب .. أنا أعرف الناس اللي باخد عنهم بشكل شخصي وليا اتصال دائم بيهم ولولا الدراسة كان زماني باخد إجازاتهم دلوقتي .. ولأني مش بعتمد علي موقع هنا وهناك .. يا أخي (فتبينوا)
المسألة مش مسألة حرب وشيخ لازم كلامه يمشي
الحكاية مالهاش لازمة للتعصب إطلاقا
اثبت ان كان في أي تعصب في كلامي
ده دين مش جمعية
(ادع إلي سبيل ربك بالحكمة والموعظة الحسنة) وما اعتقدش ان الكلمتين دول لا حكمة ولا موعظة حسنة
الدين = قرآن وسنة بفهم الصحابة والسلف الصالح
وأنا معنديش غير كدة .. وبعتمد علي ناس متصلة السند بالسلف اللي حضرتك بتتكلم عنهم وان شاء الله هحاول إني أدخل في السلسلة الشريفة دي
أي حد يتكلم على هذا المبدأ كلامه فوق راسي من فوق
أي حد يتكلم بغير كدة أو يخالف الكلام ده كلامه في المسألة ديه مالوش اعتبار ولا وزن ولو كان شيخي اللي بتعلم منه

آخر كلام هقوله يا دكتور رامي عشانك مش عشان أنتصر لنفسي .. الداعي إلي الخير واحد من اتنين .. إما واحد بيعمل كدة لوجه الله وحبا في الله وحبا في أخيه .. وإما واحد تاني كل همه انه ينتصر لنفسه ونواياه مش صافية ووجهته في الدعوة دي مش ربنا إنما وجهته نفسه .. وأنا اتعلمت ازاي أفرق بين الاتنين بوسيلة عمرها ما أخطأت
الداعي إلي الله ابتغاء وجه الله وحده تراه ودودا محبا سهلا لينا لا يعنف الآخر ولا ينفره ولا يكون فظا ولا غليظا وهو ما كان عليه أفضل الدعاة وسيد المرسلين
أما الذي ينتصر لنفسه فلا يتورع عن الإساءة للآخر وإحراج الآخر والهمز واللمز والتنقيب عن زلاته لأنه لا يريد إلا إشباع شيء في نفسه
يا دكتور رامي لست معصوما من الخطأ ولا أنت .. وأحسبك علي خير .. فأقم الميزان علي نفسك وانظر أيهما أنت .. وافعل ما تراه صوابا لأجل نفسك
والسلام
-----
جزاك الله خيرا أخت زهرة الياسمين .. وأنا لم أخرج قيد أنملة عما ذكرت ..

[*محبة رسول الله*]

جزاكى الله خيرا يا زهرة

اسأل الله لنا جميعا الهداية والتوفيق والسداد