تقييم قسم الصيدلانيات

[DR.MORO]

حسبى الله ونعم الوكيل

بجد حرااااااااااااااااام لما الناس تبقى جايبه امتيازات وشيلاها والله حرااااااام قسم سىء والدكاتره مش بتحبناااااا والمعيدين كلهم شدين

الامتحان ده ونتجتو لازم كان يتلغى ومنهم لله

[amr top]

القسم دة لازم المعامله فيه تتغير ولازم الاخ المعيد اللى مفكر نفسه د زويل وبيعامل الطالب كأنه ................
وبيعاملنا كأننا فى مدرسه وكمان علشان يخلى لنفسه شخصيه يقوم ساعه امتحان العملى يعمل x على امتحان الناس لمجرد انا اخد موازين من واحد صاحبه طيب المعيدة اللى فى السكشن اللى دايما مكشرة فى وشنا وتاخد تعليماتها من الدكاترة اللى مش بيحضر كشرى فى وجهه ليكون عبرة للى ميحضرش مش عارف اقول ايه والله عن هذا القسم من الرغم انى نجحت في مادته.

[3aSseM]

فيه حاجة لازم نعملها ياجماعة

انا عن نفسي لو لقيت حد في قسم الصيدلانيات عاملني بطريقة وحشة انا مش هسكت عن حقي والمفروض كلنا نقف جنب بعض لو حصل حاجة زي كده

[lavandula]

فيه حاجة لازم نعملها ياجماعة

انا عن نفسي لو لقيت حد في قسم الصيدلانيات عاملني بطريقة وحشة انا مش هسكت عن حقي والمفروض كلنا نقف جنب بعض لو حصل حاجة زي كده

ما عدش حد هيسكت على اى معامله مش كويسه من اى معيد او حتى دكتور .وكلنا هنعرف نرد على اى ظلم حصل او ممكن يحصل بس بكل ادب واحترام وكلنا فى الاول والاخر ايد واحده وفى مركب واحد

[mohamed taha]

رأي في بصراحه ان جميع المدرسين ممتازين وجميع الدكتاره علي مستوي عالي

[Dr/HULK]

احلى مافى القسم ده الكتب بتاعت النظرى

اسلوبها سهل وبسيط والكلام واضح

بس المشكلة انها كاسم مادة (صيدلانيات)
عفى عليها الزمن

محدش بيعمل الكلام اللى بناخده فى العملى ده

المفروض يتم دمجها مع مادة العقاقير

بحيث اننا نتعلم ازاى نقدر نحول المادة الفعالة مستخرجة من نبات لمستحضر صيدلى

مش وظيفتنا فيها اننا نعجن ونقلب وخلاص

5سنين راحوا فى مادتين
واحدة للعجن واحدة للرسم وفى الاخر لا جديد يذكر والقديم دايما بيعاد

بخصوص استاف الدكاترة فالمشكلة فى اسلوب التعامل
بيعاملوا الطلبة كالخدامين الاسويين فى السعودية
لا مجال للخطأ واللى يغلط يطرد ويتكتب غياب

[A.Elrayes]

بصراحة القسم ده في دكاترة في شرحهم جيد جدا او امتياز ويقدروا يوصلوا المعلومات بسهوله
اما بقي العيوب
1 المعيدين دول مش بيتعاملوا معانا علي اننا بشر بيعاملونا كآلات
2 الخطأ الفردي بيعم علي الدفعة كلها
3 التعامل في المعمل سيئ للغاية من معظم المعيدين (إلا من رحم ربي)
من مميزاتهم
عدم التفريق بين الطلبة ومعاملتهم سواسية
وبرضو مننساش ان احنا بنقصر في حقهم لان وحشة جدا لما افضل اربع محاضرات ولد وحيد في المدرج و 29 بنت
اكيد انا لو دكتور هازعل
وكلام من غير زعل
لو حد حضر اخر 3 محاضرات للدكتورة محاسن كان عرف ان امتحانها هايكون منهم لان هي أخدت أسمائنا وقالت ان هايكون احنا مميزين عن الدفعة
اي حد بيفهم كان هايعرف ان الامتحان هايجي من المحاضرات دي بالزات ان ورقها منزلش مع التجميعات
اما الدكتور حمدي فعمل زي معملوا معانا في الامبريولوجي في اعدادي
كوبي وباست من الكتاب
وأظن ان الدكتورة ايمان زميلتنا في الدفعة كلمة الدكتور حمدي اخر محاضرة عن الامتحان قال اللي هايزاكر من الكتاب هو اللي هايحل بس المشكلة ان أسألته أحيانا بتكون في الحتت اللي الناس بتكنسلها وتقول مش مهمة
هو فعلا لازم يجيب منها بس نقط قليلة مايكونش معظم الامتحان منها
عشان كل الكلام ده كان اختياري الي حد ما

[Aésmaïl]

وبرضو مننساش ان احنا بنقصر في حقهم لان وحشة جدا لما افضل اربع محاضرات ولد وحيد في المدرج و 29 بنت
اكيد انا لو دكتور هازعل
وكلام من غير زعل
لو حد حضر اخر 3 محاضرات للدكتورة محاسن كان عرف ان امتحانها هايكون منهم لان هي أخدت أسمائنا وقالت ان هايكون احنا مميزين عن الدفعة
اي حد بيفهم كان هايعرف ان الامتحان هايجي من المحاضرات دي بالزات ان ورقها منزلش مع التجميعات

عن نفسى مش كنت بحضر عشان
الجدول منا مش هنزل الصبح من البيت عشان محاضره
واحده ويوم الخميس .

[حنين الأمس]

نورت المحكمة يا دكتور rasras

أنا كل ما أدخل الموضوع ده أقول في نفسي "أليس منكم رجل رشيد"
وبخاف أرد لأحسن أظلم....
ردي بقى
دي مقالب من الدكاترة عاااااااادي جدااا
المفروض إنتوا كبرتوا بقى ودي رابع سنة ليكم في الكلية
وعرفتوا المقالب دي....
بس المقلب المرة دي كان جامد 3 شويات...
صحيح الدكاترة غلطانين عشان جابوا إمتحان بالطريقة دي...
بس إنتوا غلطكم أكبر....
الغلطة الأولى....
إنكم ما تابعتوش المحاضرات.....قصدي بالحضور أو إنكم تاخدوا من زمايلكم اللي حضروا...يعني من الآخر ما التزمتوش باللي الدكاترة قالوه ومقلب معروف جداااا من أي دكتور إنه يسيب المنهج كللللللله ويجيب من آخر محاضرات ويكون أسئلة الامتحان كلها منه...
وبردو مقلب معروف إن الدكتور يجيب كوبي باست من المنهج وفي أماكن محدش يتوقعها ....عادي...بتحصل
وفيه مقلب معروف أكتر منهم إن الدكتور يغير نظام أسئلته المعتادة أو يجيب نظام أسئلة لم يسبق لها وقع في كلية صيدلة
الغلطة التانية بقى...
ليـــه إنتوا بعد الامتحان ده ما اتجمعتوش ورحتوا لأي حد من أعضاء إدارة الكلية وشرحتوا ليهم ظروف الامتحان...
كانوا ع الأقل هيقولوا للدكاترة اللي امتحانهم كان انتقامي ده إنهم يعدوا شوية ...صحيح هيبقى فيه خساير لكن مش هتبقى بالحجم ده..
:
بصوا أنا مش بلومكم عشان أقلب عليكم المواجع...
أنا بحكي واقع "إن الدكتور بيقول مادام المنهج مع الطالب كلللله يبقى من حقي أجيب أي سؤال وبأي طريقة"...
وأنا واثقة إن ده مش أول مقلب تتعرضوا ليه...
هو عشان كان صدمة جامدة عن أي مرة وفي ظل الظروف الثورية الراهنة...اندفعتوا مرة واحدة...
لو ليكوا حق هتاخدوه بإذن الله وربنا هيعوضكوا خيـــر....
أهم حاجة إنكم تثقوا بعوض ربنا لأن مفيش خير أكتر من اللي ربنا هيجيبه...
ممكن يكون كلامي قاسي ......ما تزعلوش مني بس ده الواقع....
وفقنا الله وإياكم لما يحبه ويرضاه....

[looda looda]

انتوا كاتبيين اننا نقول راينا بس بكل ادب لكن والله للاسف لو هنقول راينا فى قسم الصيدلانيات يبقى مينفعش الا اننا نقوله بمنتهى قله الادب