๑۩۞۩๑ بالذمه ده اسمه كلام ๑۩۞۩๑

[عبدالله عبدالرحمن]

بلاش التحكمات دى يا دكتور

جزاكم الله خيرا
على نيتكم وظنكم

[NonY]

يا جماعة سنة ثالثة صيدلة ..


شكاوي ايه بس الله يهديكم ؟؟!!!!


يا جماعة حصل خير ..


د- جلال أستاذ فاضل يحب الالتزام جداااا , و عايزنا نكون ملتزمين لأقصى درجة ..


وسمعت انه كان منبه عليكم في المحاضرة على كل شيء هو عمله , و كون انتو مبتحضروش المحاضرة و مش عارفين ان الدكتور جلال كان قايل و منبه على كل حاجة عملها فدي مشكلتكم انتم ..

أيوة سمعت من مصدر موثوق منه ان د- جلال قال ممنوع حد يجيب ورق دروس أو ورق متصور السكشن

عايزكم تحضروا شرح العملي و تكتبوا و تيجوا السكشن قاريينه و كاتبينه بايدكم , تفتكروا ليه ؟؟


أكيد علشان مصلحتكم ..

مين منكم بيروح السكشن قاريه و فاهم هيشتغل ايه ؟؟؟؟؟!!!!


أي دكتور يشد على طلابه فهو أكيد عايز مصلحتهم , هيكون عايز ايه غير كدة ؟؟؟

لأن الأساتذة بقوا بيصعب عليهم أحوالنا كطلاب في الوقت دة ..

فعايزين يرجعوا الالتزام ..

وسمعت ان د- حسن الصباغ مرة طرد طالب من لجنة الامتحان علشان البالطو مش نظيف , قالوا انت لابس مريلة طبخ ؟؟!! اطلع برا ..


عايزينا نبقى صيادلة ..

و كذلك د- عادل السكري في الميكروبيولوجي

بعض أساتذتنا بيحب يشد علينا عشان نتعدل .. يمكن احنا منجيش الا بالشدة ..

مش مصدقة ان دا ردك ع الموضوع
و مش عارفة أرد على ايه و لا ايه فى كلامك

بس واضح ان مش عاجبك فكرة الشكوى نفسها !!!!!!!!!!
مش المضمون

هتعملوا شكوى .. بصراحة هتيجي عليكم في الآخر و انتم أحرار عموما .. مجرد نصيحة
بطلوا شوشرة , و ذاكروا للنظري و التزموا بالتعليمات ..

أها ..
زى ما توقعت

[Dr/HULK]

جزاكم الله خيرا
على نيتكم وظنكم

هههههههههههههههههههههه

ايه ياابنى انت زعلت

عود نفسك اتقبل كل الاراء وادخل ووضح وجهة نظرك

ومتخليش حد يهزك طالما انك صح

عبدالله ادخل وضح وجهة نظرك سواء اختلفت او اتفقت

لكن متلجأش لاسلوب الاستعطاف ده

مش لايق عليك دا غير انه مينفعش ييجى منك

[Dr Anonymous]

ده لما يكون رايه هو الصح
واحنا كلنا اللى غلط يامحمد

[زهرة الياسمين]

الحمد لله ان الموضوع هيتعرض على دكتور حسن
بس ياريت الدكتور يوعدنا ان درجات العملى مش هتتأثر

وبالنسبة لكلام دكتورة فارماسيستينا هى خايفة علينا وكلامها من الناحية النظرية صح
بس الدكتورة ماشفتش الى بيتعمل
ماسمعتش الناس بتحكى حصل لها فى السكشن
ما حستش بالظلم والقسوة الى كل الدفعة حساه
عشان كده بتحاول تهدينا
بس يادكتورة للاسف هو مش موقف او اتنين
مش سكشن واحد الى اتظلم ولا طالب واحد
الوضع اكبر من انه يتسكت عليه فعلا
كفاية ان معظمنا دلوقت بيكره الصيدلانيات جدا
انا مش باطيق احضر المحاضرة
ممكن يكون عندى قبلها وبعدها حاجات
اطلع اقعد بره على ما المحاضرة تخلص
حتى لو كان اسلوب المحاضرة كويس
بس بجد مش متقبلة انى افهم اصلا

[mohamed88]

الصوت وصل

شكرا يا جوهرى
بس يا ترى كان صداه ايه
يعنى المشكله دى هتتحل ازاى

[pharmacistina]

بصوا ..

أنا اللي أعرفه اني المفروض أستحمل من أي دكتور بيعلمني ..

أنا بتعلم منه , فبستحمل حتى لو أساء الي ..

انتو عارفين ان د- جلال دكتور بيشرح على مستوى عالي .. اللي بعد الشر بيحضر المحاضرة عارف كدة ..

وبعدين في ناس زميلات لكم من سنة ثالثة قالولي انه نبه في المحاضرة على موضوع الشرح انكم المفروض تبقوا كاتبينه ..


مقلتش ان التفتيش دة شيء صح .. أنا مقلتش كدة ..


أنا كان قصدي أهديكم و أهون الموضوع , لكن انتو مفهمتوش قصدي ..

أقولكم يا جماعة .. روحوا اعملوا مظاهرة أحسن !!! و سيبوا مذاكرتكم و اقعدوا بقى اتكلموا في الموضوع دة كتير ..

كدة كويس ؟؟

[mohamed88]

بصوا ..

أنا اللي أعرفه اني المفروض أستحمل من أي دكتور بيعلمني ..

أنا بتعلم منه , فبستحمل حتى لو أساء الي ..

انتو عارفين ان د- جلال دكتور بيشرح على مستوى عالي .. اللي بعد الشر بيحضر المحاضرة عارف كدة ..

وبعدين في ناس زميلات لكم من سنة ثالثة قالولي انه نبه في المحاضرة على موضوع الشرح انكم المفروض تبقوا كاتبينه ..


مقلتش ان التفتيش دة شيء صح .. أنا مقلتش كدة ..


أنا كان قصدي أهديكم و أهون الموضوع , لكن انتو مفهمتوش قصدي ..

أقولكم يا جماعة .. روحوا اعملوا مظاهرة أحسن !!! و سيبوا مذاكرتكم و اقعدوا بقى اتكلموا في الموضوع دة كتير ..

كدة كويس ؟؟

ان انسان ما بيعلمنى ده عمره ما يديله الحق فى انه يسىء ليا
ثم ان قبل العلم فى الاخلاق والعدل والرحمه والتفاهم بين التلميذ واستاذه
عمركم سمعتوا ان سيدنا محمد (ص) اساء الى اى حد من المسلمين او حتى غير المسلمين
انا خلاااااااااااص تعبت من السلبيه من التجاهل والاستهتار بينا
الجوهرى قال ان صوتنا وصل للاداره
طب عايز اعرف ايه رد الفعل
ياترى الاداره هاتجيبلنا حقنا و ازاى
ولا مش هاينفع لان الدكتور جلال استاذ جامعى ليه سلطته
واحنا طلبه مغلوبين على امرنا
المشكله بالنسبه ليا مش على قد المواقف اللى حصلتلنا من القسم
ولا حتى فى الكليه لا
للاسف دا حال مصر كلها
والكل عارف ايه حالنا
والحال ده مش هيتغير الا اذا احنا اتغيرنا وغيرنا

سلاااااااااااااام وده مش نهاية الكلام

[dr\dody]

بلاش فضايح دكتورة محاسن هى اللى بتشرح لينا

ايه يا دكتور جل من لا يسهو متمسكش في كل حاجة كده
من التفاعل والانفعال الواحد بيخطيء

[Dr-roro]

رسالة موجهة لـ (د/ جلال)

بصراحة يا دكتور لو اللى حصل معانا فى السكشن ده جات فى يوم من الايام بنتك او ابنك وقالك ان الموقف ده حصل معاه يا ترى هيكون موقفك ايه هتقوله وايه يعنى يا بنى دى كرامتك بس اللى اتهانت مش اكتر يعنى ؟؟؟؟؟

من حقك يا دكتور تعاقبنا لو لقيت معانا ورق خارجى بنشتعل بيه لان حضرتك حذرتنا لكن شنطنا دى حاجة شخصية والتفتيش ده اهانـــــــــة انا كنت فى السكشن والمعيدة مأخدتش بالها من الشنطة علشان تفتشها بس أقسم بالله العظيم انها لو كانت قالتلى افتحيها ما كنت هفتحها مش علشان خايفة من حاجة أصلا مكانش معايا ورق ولا جبته من اول السنة لان معايا الشرح وبحضره على طول ......... يا دكتور حضرتك اسلوبك صعب اه نحترم صعوبته لكن اى شىء بيزيد عن حده بيتقلب ضده فى دكاترة كتير صعبة وبنحبها ونحترمها على سبيل المثال لا الحصر << د/ الشابورى و د/ طارق >>