يلا نبقى دكاترة بقى .........

[moslma]

أنا الي اعرفه ان الشراب الطبي بيقلل او بيمنع زيادة الدوالي لكن مش بيعالجها.....صح الكلام ده؟

[pharmacistina]

أنا الي اعرفه ان الشراب الطبي بيقلل او بيمنع زيادة الدوالي لكن مش بيعالجها.....صح الكلام ده؟

مش عارفة يعالجها ولا لأ ..

بس أعتقد زي ما انتي قلتي الحالات المتأخرة ما ينفعش معاها الشراب الطبي ,

تقريبا في جراحة للموضوع دة ..

لما نشوف الدكاترة هيقولوا ايه ..

Interesting topic

[moslma]

بعيدا عن موضوع الدوالي.....سؤال مهم انا عندي طفلة قريبتي عندها شهرين ومامتها بتقول ان الايام دي ظهر دم بس مش كتير في البراز ياتري ايه الاسباب وايه العلاج......ياريت لو حد عنده أجابة يفيدني

[احمد شبند]

السلام عليكم


اولا احب اشكر شكر خاص لبونبونا على اجتهدها فى البحث والحقيقة هى قالت معظم المعلومات

( وهنكملها دلوقت )

بالنسبة للالفا وان اجونست لا يمكن استخدمها لانها هتسبب الاتى :

1- هتعمل ايديما حولين الاوعية .

2- ممكن تسبب تحطم فى جدران الاوعيى .( اصلا الاوعية ضعيفة جدا ازاى هخليها تنقبض بزط زى القشة التى قصمة ظهر الحمار ).

3- الضغط هيزيد فجأه خاصة ان المرض بيكون فى كبار السن الى اكيد القلب بتاعهم تعبان ( ماهما مش بيلعبو رياضة اكيد بدليل انهم جالهم المرض) وطبعا لو زاد فجأ يبى الراجل ( اقصد الست ) بالسلامة .


طيب ايه العلااااااااج

مفيش علاج

ههههههه

العلاج بينقسم لقسمين

1- علاج طبيعى عن طريق

الرياضة - الشراب المتين الى حضراتكم قولتو عليه - تقليل نسبة الدهون -يبطل تدخين - وهو نايم يرفع رجليه فى وضع افقى

وحاجة مهمة الاكثار من تناول الاحماض الامينية التى تدخل فى تركيب الكولاجين والايلاستين

2- لو مخفش يبقى لازم عملية .


طيب الراجل المريض لما يجيلك الصيدلية هيشتى من ايه يعنى انا هعرف هو عندو دوالى ازاى مهو مش هيجى يقولك انا عندى دوالى ؟؟؟

من الاتى :
انا حاسس انى رجلى تقيلة قوى وبوجع فى الكاحل( لو قلك وجع فى الكاحل بس يبقى غالبا نقرص)
ده فى الاول لكن لو تفاقم يبقى هيفجك على الصورة الجميلة الى فوق.

طيب احنا كدا مجبناش غير سيرة نوع واحد من الدوالى اصل فى انواع تانية منها

البواسير - دوالى البطن - دوالى الخصية

طبعا اخطرهم دوالى ........................

بالنسبة للاخير ده عيبة انه مش بيكتشفه اى حد ( لازم العيان يكون خبير)

الى بيحصل فيه ان الاوعية الى بتغزى الخصية بيحصلها ارتجاع فبتادى الى ان حرارة الخصية تزيد زى محنا عارفين من ثانوى ان الخصية خارج الجسم علشان تقلل درجة الحراة بتعها علشان الحيوان المنوى ما يمتش طبعا هيخلى العدد يقل وممكن يودى للعقم


بالنسبة لعلاجها

الحمد لله لو تم اكتشفها نسبة نجاح العملية الحمد لله بتصل الى 95% بان الراجل يرجع لطبيعته لكن الاسف ان بعض الرجال بيظن انه ضعف طبيعى حادث نتيجة السن بالرغم ان العيب دوالى ..........

طبعا المرض ده فعلا مقولة الوقاية خير من العلاج فعلا المرض ده بيعبر عن الحكاية دى

علشان كدا ممرسة الرياضة مهمة جدا تاريبا بتزبط معظم امراض الجهاز الدورى


بالنسبة لموضوع الدم ده هو موضعنا القادم باذن الله

يظهر انى معدتش انا الى هحدد نوع الحالة

مش مشكلة المنتدى فى خدمة الجميع

فى امان الله

-----

-----

-----

-----

-----

-----

يااااااااااااااااااااااااااه

انا نسيت حاجة مهمة للرجالة بتعنا الى بيشيلو حديد



البشوات الى بيشيلو حديد وبيبقو فرحنين جدا ان العرق بتاعهم بيبظ وطالع برة يجى اتنين تلاتة سنتى



ده يا جماعة دوالى برده


وبردو بتوبوظ حجات تانيا ( الناس عارفها طبعا )

رياضة رفع الاثقال هى اسوأ رياضة ممكن اى شخص يمارسة

على الرغم انه وجد ( مش عارف ده صدفة ولا ايه ) انهم اكثرهم تعميرا .

[قناع الذهب]

يعنى ممكن الدوالى دى تنزل لوش الرجل من تحت خاالص اصلى شفت حاله كدة ومش عارفة دى اية يعنى التلوين اللى فى الرجل من يعد الصوابع دا نتيجة اية او تروح لدكتور اية؟؟

[Amira Said]

الموضوع رائع د/أحمد شبند، أول مرة أشوفه دلوقتي و مقدرتش اقوم غير لما أخلصه كله،، طبعا استفدت منه كتير
جزاكم الله خيرا جميعا

[احمد شبند]

يعنى ممكن الدوالى دى تنزل لوش الرجل من تحت خاالص اصلى شفت حاله كدة ومش عارفة دى اية يعنى التلوين اللى فى الرجل من يعد الصوابع دا نتيجة اية او تروح لدكتور اية؟؟

ايوة ممكن فعلا تمتد لغايط وش الرجل من تحت

بسس نخلى بالنا لان ممكن يكون موجود فى الرجل من تحت مش موجود فوق يعنى الوجع والزرقان تحت بس ودى الحمد لله بيكوض ضعف فى الاوعية فى المنطقة دى بس ولسة ما اطورتش لدوالى

بالنسبة تروح لدكتور ايه غالبا اى دكتور ممكن يساعد فى الحكاية دى بس لو عاوزين يكلفو نفسهم يبقى دكتور قلب واوعية هو ده تخصصه ....

-----

الموضوع رائع د/أحمد شبند، أول مرة أشوفه دلوقتي و مقدرتش اقوم غير لما أخلصه كله،، طبعا استفدت منه كتير
جزاكم الله خيرا جميعا

جزاكم الله مثله

مستنين مشاركاتنا فى النقاش فى الحالات القادمة باذن الله

[moslma]

اولا :حضرتك مشكور انك وافقت ان الحالة تكون دوالي زي ما طلبت.....ثانيا:متاسفة اوي علي عرضي للحالة التانية حالة الدم........بس والله انا مقصدش انها تبقي الحالة القادمة الموضوع فالاول وفالاخر لحضرتك.بس الطفلة دي تبقي بنت اختي وموضوع الدم ده حصلها فجأةوخفت اوي لاني معنديش خبرة فالموضوع ده ولثقتي الكبيرة فخبرة حضرتك دخلت وقلته لكن بعدها حسيت اني اتسرعت ....معذرة مرة تانية ووعد ان شاء الله مش هتكرر تاني

[dr_orchida]

السلام عليكم
معلش يا جماعة دي اول مشاركة ليا معاكم
وبجد يا دكتور احمد الموضوع اكثر من رائع......تسلم الايادي
وكنت والله عايزة اشارك معاكم بس للاسف معرفش حاجة في الدوالي دي خالص

فقلت اشارك كده برده بحاجة صغيرة للحالة اللي قبل دي
دي تركيبة اسهال.....وفعالة جدا
1_زجاجة flagyl شراب
2_افرغ فيها كيس smecta
3_وافتح فيها كمان 5كبسولات من antitrax
وارج جااااااااااامد جدا
وبيتاخد منها معلقة 3مرات في اليوم للاطفال معلقة صغيرة
وللكبار معلقة كبيرة
وتترج كل مرة قبل الاستخدام

ياااااااااارب اكون ضيفة خفيفة عليكم
وانا متابعة معاكم وبالتوفيق ان شاء الله
وشكراااااا

[احمد شبند]

اولا :حضرتك مشكور انك وافقت ان الحالة تكون دوالي زي ما طلبت.....ثانيا:متاسفة اوي علي عرضي للحالة التانية حالة الدم........بس والله انا مقصدش انها تبقي الحالة القادمة الموضوع فالاول وفالاخر لحضرتك.بس الطفلة دي تبقي بنت اختي وموضوع الدم ده حصلها فجأةوخفت اوي لاني معنديش خبرة فالموضوع ده ولثقتي الكبيرة فخبرة حضرتك دخلت وقلته لكن بعدها حسيت اني اتسرعت ....معذرة مرة تانية ووعد ان شاء الله مش هتكرر تاني

لا اله الا الله

مفيش مشكلة


بالنسبة للحالة بتاع الدم ........

الدم فى البراز له احتمالين :

1- انه الطفل عندو ديدان وهى الى سببت الدم .

2- ان الطفل عندو مرض بكتيرى وهو الى سببله اسهال شديد من شدته خلى جدران git تتقطع وتنزف دم خرج مع البراز .

طب والحل علاج الاسهال بسيط واعتقد التركيبة الى كتبتها زميلتنا كويسة جداا.....

بس انا عادتا فى علاج الاسهال ( لو مشخصتوش صح ) ادامى حاجة من تلاتة :

1- مطهرات معوية anti protozoal والحاجات دى زى flagyl , flub, amirazol , antinal ,,,والحاجات الى زى كدا ...

2- مضاد حيوى ده لو سبب الاسهال باكتيريت وليس بوتوزوا او ديدان والاشهر diakan diax , streptomycin ,وغيره كتير

3- حاجة Bulky زى السيمكتا وكدا..

لو انا اتزنقت اديلو حاجة من كل نوع لو عرفت اشخص صح يبقى اختار المناسب

الحقيقة علشان مكدبش عليكم الجزء ده مش متزبط عندى كويس ومحتاج اسئل فيه ولما اسئل ان شاء الله فى خلال يومين ابقى اكتب لحضراتكم الاسكيم النهائى فى تشخيص نوع الاسهال وسببه

ايه الى بيخلينى اقول كدا؟؟؟

لان الاسهال ( لو حد بيتقرف ميكملش قراية ) ممكن يكون مصحوب بالدم او بمخاط او عامل زى حبات الرز او عامل زى حبات البسلة او ممكن يكون ماية خالص وممكن وممكن وحجات تانية كتير

دى بقى عاوزة خبير دكتور كبير هو الى نسأله علشان نبقى معلمين فى الحتة دى انا بسال من زمان ومجمع شوية معلومات عندى فى الورق بس لازم اعرف كل حاجة علشان يبقى الموضوع كامل وخالص نهائيا


بالتوفيق للجميع

-----

مبروك لالى جاب النتيجة وربنا يستر مع الى لسة