>> @@ .. فضفضه .. فضفض وطلع اللى جواك .. @@ >>

[تابعة محمد]

يااااااااااااااااااااااارب
بجد انا تعبت.....محدش بيقدر اي حاجه ولا حد بيهتم بحد ....كل واحد بيبص علي مصلحته وخلاص
ليه طول ما انا باخد قرارات في صالح الناس اكون كويس وحلو والمرة الوحيده اللي افكر فيها في مصلحتي الناس تزعل وابقي انا وحش وابقي بالنسبة ليهم كابوس بالرغم من اني عمري مأسأت لاي حد فيهم
ليه محدش بيساعدني في حياتي وفي قراراتي.....حتي بيتنا....انا طول عمري مبسوط جدا بطريقة التربيه دي انهم عمرهم مغصبوا عليا في حاجه وانا وحدي سيد قراري وانا وحدي اتحمل نتائجه ....بس احيانا ببقي خلاص مش قادر اخد قرار ولما اكلمهم يقولولي ادرس قرارك كويس واحنا موافقين علي قرارك مهما يكن..... افهمهم ازاي ان القرار مش عارف اخده عاوزهم يخدهولي....مش ضعف مني ولكن في حاجات انا مليش خبرة فيها او ممكن رأيهم يكون اكثر حكمة وعقلانيه......كل الناس محملاني كل حاجه محدش عاوز يشيل عني اي مسئوليه..... انا مطلوب مني حاجات كتير استحاله تتحقق في وقت واحد....احافظ علي تقديري وترتيبي واثقف نفسي في الحياة واكون علي ارتباط بيها....واطور نفسي لمواجهة سوق العمل....اللي انا اصلا مش معترف بنفسي فيه واقرر مستقبلي اكمل دراسه ولا اشتغل في صيدليه ولا دعايه.....بخاف اتكلم مع اصحابي احملهم همومي لاني مش بحب اتقل علي حد بس انا للاسف تقلت علي نفسي لدرجة اني حاسس اني قربت انفجر......اللهم لك الحمد

عندك حق يا دكتور مليون الميه ....
بس اولا احمد ربنا ان قدامك فرص كتير مش عند حد و الناس تتمناها .
ثانيا :- حط كل الفرص الى قدامك فى ورقة و شوف ايه مميزات و عيوب كل واحدة ، وبعدها رقمهم من حيث المناسب ليك و لشخصيتك ، بدون الاهتمام بالضغوط العائلية يعنى اعمل الى بتحبه مش الى الناس عيزاك تحبه .

يمكن يكون كلامى شبه باقى الناس ، بس فى حاجات مينفعش حد يخدها بدل منك ، بمكن لانه مش عنده الخبرة او لانه خايف من تحمل المسئولية و عواقب كلامه .
ولو فعلا مش عجباك المهنة ، فياما تحاول تحبها او تدور على الى بتحبه وتتعلمه وتشتغله و متهتمش كتير براى الناس ، علشان مش تقول هم الى كانوا السبب .
ربنا معاك ويوفقك يا دكتور باذن الله

[A.Elrayes]

مقدرة اللى حضرتك فيه و اعتقد ده حال ناس كتير ...
و ساعات كتير ببقى حاسة انى محتاجة حد يفكر معايا او يقدرنى او يساعدنى فى حاجة
او يساعدنى فى انى اخد قرار ...
ساعات بلاقى و ساعات مش بلاقى ....

هقولك حاجة يا دكتور حضرتك أكيد عارفها ، بس فى أوقات بيبقى الانسان فيها مضايق لدرجة انه بجد مخنوق و هينفجر
و مش طايق حد و لا طايق نفسه من كتر اللى هو حاسس بيه :

ارمى حمولك على الله و استعين بيه ، وحده اللى هيساندك و هيوجهك للطريق الصح ، استخيره فاللى محيرك
و ان شاء الله هييسر ليك الخير .....

صدقنى اللجوء للبشر ساعات بنبقى فى حاجة ليه لاننا فالاخر بشر ، و بيبقى نفسنا نحس باهتمام من الناس
اللى حوالينا لينا ، بالذات أقرب مالينا ، بس صدقنى اللجوء لاى بشر أيا كان عديم الجدوى فى حد ذاته ...

اعمل اللى عليك و هدى نفسك و سيب الباقى على الله ، اللى مكتوبلك هو اللى هتشوفه ، و مفيش شىء هينفعك و لا هيضرك الا اذا كان ربنا كاتبه ليك .....

و أرجو مكونش تقلت عليك أو تطفلت ...

وجزاك ربى مثله

احنا هنا كلنا اخواتك

وهنساعدك فى اى حاجه وهنقلك راينا فى اى حاجه مش عارف تاخد قرار فيها

وما تخافش مش هتحملنا همومك ولا حاجه ولا هتقل علينا

ربنا ييسرلك الامور

عندك حق يا دكتور مليون الميه ....
بس اولا احمد ربنا ان قدامك فرص كتير مش عند حد و الناس تتمناها .
ثانيا :- حط كل الفرص الى قدامك فى ورقة و شوف ايه مميزات و عيوب كل واحدة ، وبعدها رقمهم من حيث المناسب ليك و لشخصيتك ، بدون الاهتمام بالضغوط العائلية يعنى اعمل الى بتحبه مش الى الناس عيزاك تحبه .

يمكن يكون كلامى شبه باقى الناس ، بس فى حاجات مينفعش حد يخدها بدل منك ، بمكن لانه مش عنده الخبرة او لانه خايف من تحمل المسئولية و عواقب كلامه .
ولو فعلا مش عجباك المهنة ، فياما تحاول تحبها او تدور على الى بتحبه وتتعلمه وتشتغله و متهتمش كتير براى الناس ، علشان مش تقول هم الى كانوا السبب .
ربنا معاك ويوفقك يا دكتور باذن الله

شكرا ليكم....والله ربنا عالم انتوا بالنسبه ليا اكتر من اخوات....وان شاء الله لو احتجت مساعده اكيد هاتكونوا اول حد ألجأله

[amira89]

وداعـــــــــــــــــــــــــــا د/ابراهيم الفقى

[محمد سمير]

وداعـــــــــــــــــــــــــــا د/ابراهيم الفقى

ربنا يرحمه ويجعل مثواه الجنه

[dr_orchida]

لا حول ولا قوة الا بالله
انا لله وانا اليه راجعون
الله يرحمه ويرحم موتانا وموتي المسلمين اجمعين

[Aya Farouk]

am awesome

[dr_orchida]

يعني بصراحة حاجة مستفزة واتخنقت خلالالاص ؟؟؟؟؟؟؟ وقفت معاهم كتير وحاولت اصالحهم علي بعض واول ما اتصالحوا جت علي دماغي وخسروا بعض تاني وخسروني وانا اتظلمت فوسطيهم وربنا كان عالم بيا اياميها لاني مبعرفش ااخد حقي فبقعد اعيط وخلاص والناس فضلوا يقولولي خدي موقف وفين كرامتك وزفتتك وخلاص ريحت دماغي وحذفتهم من حياااااااااتي
بس سبحان الله ربنا قدر انهم يحسوا باللي عملوه فيا ويجولي لحد عندي يصالحوني
انا بالرغم اني معنتش طايقاااااااااااااااااهم ولا عنت هرجع معاهم تاني زي الاول بس انا قبلت المصالحة دي علشان بس مرضتش أردهم للاسف وعلشان وصية الرسول عليه الصلاة والسلام (( لا يَحِل لمسْلم أَن يهجرَ أخاهُ المُسلم فَوق ثَلاثِ لَيَال، يلتقيانِ فَيعرِضُ هَذا وَيعْرضُ هذَا، وَخَيرهمَا الذِي يَبْدأ بِالسّلامِ )) صدق رسول الله صلي الله عليه وسلم
حد يقولي بقي انا كده غلط والا المفروض احافظ علي كرامتي ؟؟؟!!!

[Aya Farouk]

بصى فى مثل بيقولك
"اعرف صاحبك وعلم عليه "

انتى عاملتيهم بما يرضى الله وبالحسنى وهما مصانوش كدا .. وبما انك دلوقتى صالحتيهم وكدا عشان مش عايزة ترديهم فانتى عملتى الصح
انتى كدا بتكلميهم عادى بس "اتعلم عليهم " وبقلم أحمر
ومينفعش تتعاملى معاهم زى الاول بنفس الطيبه الساذجة اللى جت فوق دماغك
عاملى كل واحد بمقدار معاملته ليكى فى حدود الحسنى طبعا
يعنى على اد السلام والكلام السطحى ومعتيش تسمحى لنفسك انك تتورطى فى مشاكل تانى بينهم لأنك عارفه هتكون نهايتك ايه

[تابعة محمد]

بصى فى مثل بيقولك
"اعرف صاحبك وعلم عليه "

انتى عاملتيهم بما يرضى الله وبالحسنى وهما مصانوش كدا .. وبما انك دلوقتى صالحتيهم وكدا عشان مش عايزة ترديهم فانتى عملتى الصح
انتى كدا بتكلميهم عادى بس "اتعلم عليهم " وبقلم أحمر
ومينفعش تتعاملى معاهم زى الاول بنفس الطيبه الساذجة اللى جت فوق دماغك
عاملى كل واحد بمقدار معاملته ليكى فى حدود الحسنى طبعا
يعنى على اد السلام والكلام السطحى ومعتيش تسمحى لنفسك انك تتورطى فى مشاكل تانى بينهم لأنك عارفه هتكون نهايتك ايه

صح الكلام ده
كونى حذرة ... بس مش معناها انهم لو فعلا ندموا و حسوا بغلطهم جدا و قدروا مكانتك ، انك تسيبيهم و متحاوليش ترجعى ليهم على الاقل تدريجيا حتى .. يعنى شوفى الاول غلاوتك عندهم وبعد كده قررى .

[dr_orchida]

جزاكي الله كل خير يا أية وندي علي رايكم معايا
بس انا يا ندي كفاية عليا اني استرديت كرامتي بانهم حسوا بقيمتي وجولي لحددددددددد عندي
بس انا عمري مهرجع معاهم تاني زي الاول بجد لاني اتصدمت من اللي عملوه فيا وربنا يسامحهم بجد