استفتاء لمجموعات تقويه فى الكليه ادخل وشارك برايك

[dr/nour]

السلام عليكم ورحمه الله وبركاته
بصراحه ياجماعه الكتاب الجامعى مش سىء انا بفتحه وبذاكر منه خاصه فى العضويه والعقاقير والصيدلانيات الى جانب ورق الدروس حتى اصحابى بيقولو عليا مجنونه هههههههههههههه
بالنسبه لموضوع مجموعات التقويه سمعت عنها ووفى هندسه المطريه كانت موجوده ومن غير اجر كمان وكانت كويسه بس برده كان بعض الناس بياخدوا دروس معاها
يعنى المشكله هى طريقه العرض ليس اكتر ورغم ذلك انا اتفق معاها تماما فى معيدين فعلا كويسين وبجد الكليه الكل بيحسدنا عليها على الحريه والاستفتات واللى بتحاول تعمله لينا
ولكنى اتفق مع مجموعات التقويه لانه منهااستفاده للجميع لينا وللمعيد ياعنى مثلا اسلوب د/محمد رضا فى العقاقير كان كويس جدا فى المحاضره وفى السكشن الى جانب ان الدكاتره والمعيدين خدومين جداااااااااااااااااااااااا
وشكل اجتماعى ايه ده فى كليتك وتحت اشراف الدكاتره ياعنى هيبقى احسن وافيد وطبعا على الاقل هتكون المعلومه صحيحه وكمان ياجماعه مش ببلاش ياعنى احنا فى الحالتين هندفع بس دى اجر اقل وفى نفس اتلوقت افيد وطبعا كده ولا كده هيبقى اختيارى وعذرا انى طولت عليكم

[mesery]

السلام عليكم اولا تانى حاجة بانسبة لفكرة دكتور طارق هى تحترم بس انا عندى رئى الفكرة دى عيب قوى على جامعة المنصورة انها تقول كدة يعنى اية مجموعات تقوية فى الجمعة امال فين المحاضرات والسكاشن كل دة طبعا لئن ادارة الكلية وجدت بعد المنتدى الاخير بتاع مناقشة اسباب الدروس الخصوصية ان المحاضرات وا لسكاشن ملهاش لزمة والمدرجات بتبقى على اخرة ومفيش استفادة فقالوا نعمل حاجة زى الدروس الخصوصية وبفلوس عشان نسكت الطلاب وهى مجموعات التقوية وانا برفض الموضوع طبعا لكن كفكرة تحترم

[BlueJacinth]

الفكرة بناءة لكن أعتقد أن مشكلتنا تكمن في عدم فهم أسلوب المحاضر وطريقة الامتحان فحتى لو كان الامتحان سهل _من وجهة نظر الدكتور _ ففي النهاية المحاضر في جهة والطالب والمذاكرة في أخرى أعتقد الحل في يد المحاضر بتطوير أسلوبه والمعايشة معنا وفهم واقعنا أكثر .كما إن فكرة الشيتات اللي بينزلها المحاضر جيدة، توفر الجهد ونحصل المنفعة ونحل كويس كمان.

[wishes]

يا جماعة مينفعش
مش عيزين نحول الجامعة لجامعة خاصة
احنا قولنا المشاكل الى السبب فى عدم استيعاب الطلبة فى المحاضرة واللجوء للدروس الخصوصية
منها العدد الكتير وغيرها من المشاكل
الحل انا ندور على حلول ايجابية مثلا فى مشكلة العدد نلجاء الى تقسيم مش ا و ب بس ليه ميكنش فى ا ب ج د ه وغيرها ويا سيدى موافقين الى يشرح معيدين والكلام ده مش بفلوس طبعا كفاية أوى المصروفات مثلا

نفكر كدة مش نروح نقول لهم (المسئولين) شوفوا بئه أنتوا تخلو كل حاجة زى ما هية (المشاكل) واحنا هنجيب فلوس من الخزنة إلى فى البيت عشان نتعلم
وشوية شوية يعملوها إجبارى مع المصروفات عشان نأخذ حقنا الطبيعى فى البلد دى والى الفروض يكون من غير فلوس خالص

تلخيص
ندور على حل للمشاكل مش نسيب كل حاجة ذى ما هية ونعمل جامعة تانية فرقها الوحيد عن الأولى(الى احنا فيها) إنها بفلوس والى بيدرس فيها مدرسينsub مع أحترمنا للمعيدين .
ولا إية رايكم!!!!!!!!!

[sokar-resala]

لوممكن اشارك براي احب اقول انه من الافضل ان المجموعات الكبيره تتقسم لمجموعات صغيره وتكون الدفعه مثلا 3 او4 مجموعات وبكده هانحل مشكله الزحمه وكل حاجه
بس يجماعه خالونا نكون واقعين فين الاماكن اللي هتستوعب المجموعات ديه كل فرقه لها مدرج واحد بس ويدوب مجموعه بتخرج والمجموعه التانيه تدخل وراها علي طول والمحاضرات بتاعت المجموعتين بتخلص حوالي الساعه 3او4 وده لما يكون مافيش محاضرات وطبعا مش هانطلب من الكليه انها تعمل مني جديد والمبني اللي احنا فيه كان لسه بيظبطوه من وقت صغير جدا وعشان كده الفكره ديه صعب اننا ننفذها في الوقت الحالي واذا اردت ان تطاع فامر بما يستطاع
ولعدين ياجماعه احنا ليه دايما بنحب نلاقي مبرر لفشلنا لو كل مشكلتنا المكان ماهي مثلا سنه رابعه ليهم احسن مدرج في الكليه كلها ونسبه حضورهم قليله جدا ولافي زحمه ولاخنقه ولا حاجه وبردوا الدفعه كلها قاعده في البيت وبتروح الكورسات يعني ديه تلاكيك مش موضوع زحمه ولا حاجه
اللي انا نفسي اتكلم فيه ليه احنا مش بنحاول نتقدم خطوه خطوه يعني الكليه بتاخد راينا في موضوع المجموعات عشان امكانيتها تسمح بالتنفيذ يبقي المفروض ان احنا نرحب بالموضوع
وكمان في حاجه نفسي اقوللها لكل الناس اللي مش بتاخد كورسات هما بس اللي هايفهموني امبارح واحنا في امتحان العضويه بعد ماذاكرنا الماده لمده اسبوع واتراجع عليها 3مرات غير مذاكره بعض الاجزاء ورا المحاضرات اللي كنا بنحضرها ومش بنفوت فيها حاجه وحلين امتحانات وبعد كل ده وبعد التعب ده كله حسينا اننا ناسين ولما دخلنا الامتحان اه حلينا بس الوقت ماسعدناش والجزء اللي كنا نقول هانرجع له في الاخر مالحقناش نرجع له والوقت خلص في حين انه هو هو نفس الامتحان ونفس الوقت والناس اللي كانوا بياخدوا كورسات وعمرهم مادخلوا المدرج ومايعرفوش الدكتور شكله ايه قالوا امتحان جميل والوقت عادي لانهم كانوا مدربين مره واتنين وواخدين علي نظام الامتحان كذا مره قبل كده
انا مش عايزه اطول اكتر من كده بس في نقطه عايز اتكلم فيها ضروري انه لما الدكتور محمد العوضي وفر لنا الورق اللي نذاكر منه عملي التحليليه بقت اسهل ماده عندنا في العملي وكنا مش حاملين هم مذاكرتها يعني ديه فكره كويسه ومناسبه وياريت كل المعدين يحاولوا يوفروا لنا المصدر المناسب لمذاكرت الماده
وكمان الدكتور باهر لنا عمل لنا محاضره يعلمنا فيها الرسم بقي الرسم اللي كان مشكله بالنسه لينا ولناس كتير شئ سهل مش حاملين همه
طب ليه احنا مانحاوليش نستفيدمن حماس الناس اللي ذي الدكتور محمد والدكتور باهر
ياجماعه ديه فرصه كويسه وعرض المفروض ان احنا نفكر فيه بكل عقلنا
واسأل نفسك انا ليه اذاكر واتعب واحضر المحاضر واكون مروح اخر النهار مش شايف قدامي من كتر التعب واتسلوي مع ناس بيجوا الكليه علي معاد السكشن دا لو جيه من البيت اصلا وفي اخر المشوار انا اكون خريج صيدله بتقدير عام مثلا مقبول او جيد والتاني هو اللي يتعين معيد اوهو اللي يكون تقديره العام امتياز او جيدجدا ويشتغل قبلك ويكون افضل منك مع انك فعلا افضل منه لانك حتي لو اقل منه في التقدير فاكفايه انك انت اكتسب خبره من الدكتور اللي كان بيديلك في المحاضره وتخيل انك جامع بين افكار اكتر من 20 دكتور اللي درسولك علي مدي السنوات الدراسيه
في الاخر نفسي تدوا رايكوال في الموضوع بجد وتعرفوا ان رايك ده امانه ذي ماكان الدكتور العوضي بيقول
وبالمناسه امانه علي كل اللي يقرأ الموضوع ده يدعي للدكتور العوضي انه يسافر ياخد الدكتراه من الخارج لانه بجد يستاهل وعلي فكره ده طلب شخصي منه
والسلااااااااااااااام ليس ختاااااااااااام

[general11]

الموضوع كويس لكن ممكن نغير اسمه بدلا من مجموعات تقوية ممكن نعمل زي كلية تجارة مثلا هناك بيسموها سكشن
والمعيد بيدخل يشرح المنهج بتاع الدكتور ويديك عليه امثله ولو في حاجة مش واضحة يوضحها
لكن المشكلة ان المعيد بعد كده بينزل ورق والطلبة بتجيبه وخلاص
وطبعا الموضوع دا اختياري للي عاوز

[zekra]

السلام عليكم

ازيكم يا شباب

انا عندي رأي

المشكله مش مشكله دروس او مجموعات تقويه

المشكله في ان الدكتور وهوه بيشرح

عاوزنا نوصل لمستواه الفكري

مع انه المفروووض ينزل لمستوي الطالب عشان يقدر يوصلنا المعلومات وبكل سهوله

لان مهما كان خبرتنا ومستوانا الفكري مش هيوصل لخبره الدكتور والمامه بالماده اللي بيدرسها

بيتهيألي ان لو كل دكتور عمل كده مش هنحتاج للدروس

بس انا بأيد فكره الدكتور طارق بس نصلح الاسم زي مقال الدكتور general11ونخليها سكشن اضافي

لان ده حل واقعي جدا لان الدروس واقع واحنا عايشينه

[شيماء حمزة]

[السلم عليكم ورحمة الله
انا طبعا ايدت فكرة التقوية بس انا شايفة ان لو كانت المحاضرات اللى بناخدها بنطبق عليها اول باول مش هيبقى فيه لازمة للتقوية سواء داخل الكلية هو خارجها حتى المتحانات اللى بنحلها واللى بتتفتح على اخر الترم مش كافية على التدريب ولو فتحناها فى اول الترم هنمل منها على لما نوصل للامتحانات وده من وجهة نظرى الشخصية مع احترام اراء الاخرين

[sema mam]

بغض النظر إن الفكرة هي الفكرة النموذجية ولا لأ في القضاء على الدروس
بس أنا شايفها الأقرب والأنسب والأكتر واقعية أنا مش بدافع بس هي أفضل الحلول المطروحة

عجبتني الفكرة دي بحيث يتم تطبيقها كمرحلة انتقالية في التخلص من الدروس مش كوضع دائم لأن ليها عيوبها بالنسبة للطلبة وللمعيدين ايضا واسمحوا لي ألخصها بسرعة من وجهة نظري
أولا العائد اللي ممكن يستفيد بيه المعيد من الموضوع ده اكيد مش هيساوي المجهود اللي هيبذله فيه لأن المعيد طبيعي بيقضي وقت كبير جدا في الكلية وده هيكون مجهود اضافي بسعر رمزي للطلبة وبالتالي مش هيحقق ربح مادي مساوي لمجهود المعيد مع اقتناعي بفكرة انه هايفيد المعيد علميا الي حد ما
ثانيا الموضوع ده ممكن يجبر الطلبة اللي مش بيعتمدوا علي الدروس انهم يشتركوا في المجموعات دي مجاراة منهم لزمايلهم المشتركين فيها وبكده يكونوا اتحولوا من الاعتماد علي النفس للاعتماد علي غيرهم
الي جانب بعض العيوب اللي تم ذكرها في تعليقات اخوتي السابقة والتي أرجو انه يتم أخذها في الاعتبار اذا تم تطبيق المشروع ده وشكرا جزيلا وهدانا الله جميعا لما فيه الخير .

[صيدلاوي]

السلام عليكم اولا تانى حاجة بانسبة لفكرة دكتور طارق هى تحترم بس انا عندى رئى الفكرة دى عيب قوى على جامعة المنصورة انها تقول كدة يعنى اية مجموعات تقوية فى الجمعة امال فين المحاضرات والسكاشن كل دة طبعا لئن ادارة الكلية وجدت بعد المنتدى الاخير بتاع مناقشة اسباب الدروس الخصوصية ان المحاضرات وا لسكاشن ملهاش لزمة والمدرجات بتبقى على اخرة ومفيش استفادة فقالوا نعمل حاجة زى الدروس الخصوصية وبفلوس عشان نسكت الطلاب وهى مجموعات التقوية وانا برفض الموضوع طبعا لكن كفكرة تحترم

الله يكرمك يا دكتور الموضوع فعلا إهانه للكليه

بس فيه واحد هيجي يقولي خليك واقعي إحنا امام أمر واقع ولازم نتصرف معاه ؟؟

هرد على حضرتك إن كلامك مظبوط بس لما اتصرف معاه لازم اتصرف صح

يعني إيه

يعني طالما انا بأقول إني عايز أقضي على الدروس يبقى لازم أستعمل وسيلة قوية وفعالة

وفي نفس الوقت ما تجيبشي نتيجه عكسيه

إزاي ""

يعني زي ما إحنا عارفين إن اللي هيشرح هما المعيدين واللي هيشرف عليهم هما الدكاتره

طيب هوه إحنا بناخد دروس ليه مش عشان نهرب من شرح بعض الدكاتره _ مع إحترامي لهم كلهم _ ولكن ما أقصده

إن فيه بعضالدكاتره فعلا ليس عندهم ملكة الشرح وده مش عيب دي قدرات وإمكانيات

وبالتالي لما المعيدين هيجوا يشرحوا هنكون برضه امام نفس المشكلة إن أكيد أكيد فيه معيدين ما بيعرفوش يشرحوا

ولكن في الدروس الدكتور اللي ما بيعرفشي يشرح ليس له سوق وبالتالي لا مكان إلا للمتميز

اظن فكرتي واضحة