هل يمكن ان تتزوج فتاة تعرضت للاعتداء ...

[ph_hassan87]

أنا بحيي صاحب الموضوع ده على جرأته في طرحه
ورأيي ان المسئولية تقع على الجانبين الذكر _كنت هأقول الرجل بس اللي يعمل كده مايستحق هذه الكلمة_ وان كانت نسبة الذكر أكبر بكثير.
بس أنا لا أعتقد انه ممكن أتجوزها... زي ما اتقال قبل كده انه احنا مش مهيئين لكده بثقافتنا وتفكيرنا الحالي
هدانا الله واياكم سبل الرشاد

[قناع الذهب]

الذنب فى الحالة دى مش ذنب البنت دى وان كان عليها بعض الذنب برضة من طريقة لبسها او مشيها فى وقت متاخر او اى اسباب تانية بس منقدرش نرمى عليها الذنب كلة حرام مش كمان هتتدمر بالطريقة دى ونقول لا هى الغلطانة
وبالنسبة لزواج بنت حصللها كدة فدة صعب قوى ف مجتمعاتنا بس ممكن حد من قرايبها لو عرف ممكن يوافق على الزواج منها بس الاغلبية بيبقى صعب وحياتهم بتتدمر تماما

[drsherbiny]

والله اللي يقوا ان المسئولية علي الاتنين لازم يحدد كلامه شويه ويقول ان ده علي حالات معينه مش كله ومهما كان بيكون مسئولية البنت مش زي المغتصب

يعني مثلا لما تكون البنت مش محتشمه في ملابسها او كده وهيا عارفه انها كده بتثير غرائز ضعاف النفوس
تكون غلطانه طبعا بس مش نقول تستاهل مفيش حاجة اسمها تستاهل ازاي يعني
هوا كده الانسان فرق ايه عن الحيوان ؟؟؟؟؟؟؟ زي ما تقال ابل كده

والله فعلا المغتصب ده بيكون حيوان بكل معني الكلمه انه توصل بيه الدرجة انه تكون بنت محترمه زي اخته ازا كانت محترمه يعني ويخطفها ويعمل كده ؟؟ ولا يتسثني ولا يتراجع ادام بكائها والحاها انه يتركها لحال سبيلها
قمة الوحشية والهمجية

مفيش اي قانون يعفيه من كده حتي لو البنت دي عملت ايه ادامه

اما عن الارتباط بانسانه حصلها كده فده انا وضحت رايي فيه بس هزرود عنه حاجة
ممكن ااقبل بحاجة زي دي ولكن ليست كزوجة اولي وام لاطفالي هتكون كزوجة تانية وهتيكون ده كنوع من الستر بشرط :

انها تكون بنت ناس ومحترمه وواثق في اخلاقها

A.A.Sherbiny

[AMERAL]

شكرا يا جماعه ع مروركم

وان شايف ان معظم اللى ردوا بيرفضوا
وكمان انا مكنش قصدى من الموضوع ان الشخص يروح يتزوجها للسبب ده بس

انا كان قصدى لو واحد بيحب واحده وكان هيتزوجها وحصل الاعتداء ده قبل الزواج مثلا ....

هل هيتزوجها ولا لاااااااااءه ؟؟

[drsherbiny]

[pharmacistina]

سؤال صعب طبعا و الكلام سهل طبعا لكن التنفيذ لقرار زي دة يتعلق بمستقبل الشاب صعب جدااا ..
أنا كبنت هجاوب بصدق .. لو أخويا جالي و قالي انه عايز يتجوز بنت حصل معاها كدة ..
و الله بصدق هكون تحت ضغط كبير جداا لكن هشوفها و هعرف كويس هي محترمة ولا لأ .. و على فكرة البنت لما تكون محترمة بيبان عليها .. لو تعرضت للاعتداء غصب عنها يعني كانت ضحية 100 % ( يعني لبسها كويس و كل حاجة و أخلاقها عشرة على عشرة بس دة حصل قضاء من ربنا يمكن ابتلاء ) و الله هشجعه على الزواج منها و هقبلها و هدخلها عيلتي بكل حب و هتكون أخت صغيرة ليا .. و هقوله يبدأ معاها صفحة جديدة تمامااااااااااااااااااااااااااا
لكن لو كانت البنت دي زمان منحرفة و دلوقت تابت و بقت كويسة جداا .. أو كانت بتلبس وحش و دلوقت محتشمة هقوله لأ و ألف لأ .. لأن لو واحدة كدة يستحسن تتجوز واحد كان منحرف و تاب زيها بالضبط ( ربنا اللي قال كدة في القرآن ) .. أيوة ربنا بيغفر و نعامل الناس اللي تابوا كويس و كل حاجة لكن مانقدرش نروح نقرن حياتنا بيهم ..
في بعض الأعضاء قالوا .. الواقعة دي حصلت و خلاص نقول بقى ايه الحل ..
أنا رأيي لأ مش خلاص الواقعة حصلت و خلاص .. القرار اللي هتصدره يا أخي الشاب متوقف تماما على تفاصيل الموضوع اللي المفروض تكون عارفها .. مش نيجي نقولك اتجوز دي و استر عليها و مش من حقك تعرف تفاصيل ولا تسأل .. لابد من الوضوح عشان تقفل الموضوع دة وتحسمه في نفسك و تنساه - ان كنت هتقدر يعني - لكن انك تتزوج واحدة كدة و تقول اللي فات مات الشك هيقتلك و مش هترتاح يوم واحد في حياتك ..

[عامر إبراهيم]

جزاك الله خيرآ يا دكتورة على الرد بالنيابة عنك يا أحمد لو سمحت ...

طبعآ أنا عارف إن أحمد حبيبى هيسمحلى

رد حضرتك جميل يا دكتورة, وأتفق معاك فيك, فيما عدا إن أخو حضرتك يقولك حاجة زى دى من الأول, المفروض أقصى حاجة إنه ياخد رأيك فى الموقف كأنه حصل لأدامه ... أنا عارف إن الموقف ماحصلش بس فرضآ إن فى حاجة حرجة وماحصلش نصيب, يكتفى بالأسرار اللى هى آمنته عليها كنوع من الصدق والصراحة مع نفسه ...

بالنسبة لنقطة, لو هى كانت كده وتابت
أعتقد حضرتك تقصدى الآية, بسم الله الرحمن الرحيم : " الزَّانِي لَا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ [النور : 3] "

قبل أن أتعرض لتفسير الآية, هستذكر حديث الرسول لعمر بن الخطاب فى الزانية التى لو قسمت توبتها على سبعين من اهل المدينة لوسعتهم, وفى مقولات أخرى أو أحاديث أخرى على أهل الأرض لوسعتهم ... الحديث :

روى البخاري، عن عبادة بن الصامت: أن النبي - – قال: ((تعالَوا، بايعونى على أن لا تشركوا بالله شيئًا، ولا تسرقوا، ولا تزنوا، ولا تقتلوا أولادكم، ولا تأتون ببهتان تَفْتَرُونَه بين أيديكم وأرجلكم، ولا تعصونى فى معروف، فمن وَفى منكم، فأجره على الله، ومن أصاب من ذلك شيئًا، فعُوقِب به فى الدنيا، فهو له كفارة، ومن أصاب من ذلك شيئًا، فستره الله، فأمرُه إلى الله: إن شاء عاقبه، وإن شاء عفا عنه))، ولما سبَّ خالدُ بن الوليد الغامديةَ التي زنت على عهد رسول الله - صلى الله عليه و سلم - قال له - -: ((مهلاً يا خالدُ، فوالذي نفسي بيده، لقد تابت توبةً، لو تابها صاحبُ مَكْسٍ، لغُفِرَ له))؛ ولمّا قال عمر: تصلِّي عليها - يا نبيَّ الله - وقد زنت، فقال: ((لقد تابت توبة، لو قُسِّمت بين سبعين من أهل المدينة، لوسعتهم، وهل وجدتَ توبةً أفضل من أن جادت بنفسها لله تعالى؟!))؛ رواهما مسلم.

نرجع للآية الكريمة وتفسيرها من التفسير المسير :

الزاني لا يرضى إلا بنكاح زانية أو مشركة لا تُقِرُّ بحرمة الزنى، والزانية لا ترضى إلا بنكاح زان أو مشرك لا يُقِرُّ بحرمة الزنى, أما العفيفون والعفيفات فإنهم لا يرضون بذلك، وحُرِّم ذلك النكاح على المؤمنين. وهذا دليل صريح على تحريم نكاح الزانية حتى تتوب, وكذلك تحريم إنكاح الزاني حتى يتوب.

يعنى لو تابت فالحمد لله الذى هداها وأنعم عليها, فلا حرج عليها أو من يريد أن يتزوجها ... بل ممكن بسبب توبتها تكون أمرأة صالحة ويسعد من يتزوجها ... ولكنها أمور لا يعلمها إلا الله, ونحن البشر نأخذ بالظاهر ولا نحاسب الناس على مابداخلهم ...

وأنتظر رأى رامى سعد لعله يصحح لى أيضآ ...

[pharmacistina]

رد حضرتك جميل يا دكتورة, وأتفق معاك فيك, فيما عدا إن أخو حضرتك يقولك حاجة زى دى من الأول, المفروض أقصى حاجة إنه ياخد رأيك فى الموقف كأنه حصل لأدامه ... أنا عارف إن الموقف ماحصلش بس فرضآ إن فى حاجة حرجة وماحصلش نصيب, يكتفى بالأسرار اللى هى آمنته عليها كنوع من الصدق والصراحة مع نفسه ...

مش فاهمة أوي تقصد ايه حضرتك بس .. أعتقد ان تقصد ان القرار دة للشاب مايدخلش فيه حد عشان البنت محدش ينظرلها نظرة وحشة سواء في نصيب أو مفيش .. يمكن عندك حق و أنا كنت هضيف على ردي ملحوظة صغير هي ان بجد لو حصل كدة هيكون دة سر بيني و بينه مستحيل حد يعرفه و خصوصا ماما و بابا لأن مستحيل أب و أو الأم بالذات ترضى بحاجة كدة مهما شرحتلها و قلتلها هتقول اشمعنى ابني اللي يضحي .. و طبعا هتعامل البنت دي مستقبلا معاملة جميلة جداا و هتحترمها صح ؟؟؟!! ( مش قصدي ماما بس كل الأمهات اللي في الدنيا )
الفكرة في ان أخ يقول لأخته على نيته بالزواج من فتاة تعرضت للاعتداء مع ان دة مش صح أوي انه يكون بيثق في الأخت دي و بيحترم رأيها دي حاجة و الحاجة التانية انه يكون خايف يغامر في مسألة زي دي .. حضرتك مدرك حجم الموضوع ؟؟؟!!! اذا كان لما الشاب بييجي يخطب بنت كويسة و الكل بيشهد بأخلاقها برده بيسأل عليها ألف و ألف مرة .. فما بالك بفتاة يمكن هي طيبة في نفسها بس قدرها كان كدة .. طيب هو هيفكر .. كتير جدا من البنات و أنا بنت و بقولك يجيد تماما فن التمثيل و الدموع و انتو يا شباب و الله غلابة و أقسم بالله دة واقع.. ممكن لو مشى في موضوع زي دة لوحده يشرب مقلب و تطلع الحكاية تمثيلية حلوة و تكون دي انسانة أخلاقها مش زي ما هو متصور .. ساعتها هيعتبر نفسه انتهى و انهار في تجربة حياته .. و ساعتها لو جه يتكلم هقوله و هنقوله كلنا روح كمل مشوارك بمعرفتك اشمعنى دلوقت .. مايفهمش دموع البنت الا بنت زيها .. و أنا الحمد لله بفهم البنت من أول نظرة و فاهمة نفسي كمان .. و أخويا ليه معايا أنا بس أسرار لأن أنا أخت كبيرة بيثق فيا مهما حصل بيننا من مشاكل ..

بالنسبة لتوبة المرأة أيام الرسول صلى الله عليه و سلم أعتقد دي كانت حالة مختلفة لأن المرأة راحت للرسول من احساسها بالذنب و قالتله ( طهرني يا رسول الله أقم علي الحد ) يعني واحدة بتخاف ربنا قوي و دة دليل صدق التوبة و مش خايفة من الموت و الرجم رغم ان ممكن الستر و تتوب و محدش يعرف و خد بالك من الحديث ( فأمره الى الله ان شاء غفر له و انشاء عذبه ) يعني ممكن تعذب في الآخرة و لعذاب الآخرة أكبر ..
أعقد مفيش بعد كدة .. دي توبتها تسع أهل المدينة فعلا ..
في مجتمعنا الحالي يمكن مفيش الكلام دة أوي .. مش عارفة الله أعلم بالنفوس .. عشان ما أكونش ظالمة ..
أنا كنت بقول رأيي كانسانة و أخت بتحب أخوها و لست بفقيهة أتكلم في الدين لكن شرع ربنا و شرع رسولنا - صلى الله عليه و سلم - فوق رأيي و رأي الكل .. و كلنا ماثلون لأمر الله و رسوله ..
شكرا ع المداخلة يا دكتور اللي أسعدتني ..

[بيتر الحكيم]

مساء الخير يا شباب الحقيقة انا شفت الموضوع و شدنى جدا لكن مرضيتش اكتب رايى الا لما اقرا كل المشاركات المكتوبة
انا حاقول رايى على هيئة نقط أولا اذا هناك قتاة تعرضت لاعتداء وهذا هو العائق الوحيد فى الزيجة وانا عارفها كويس و عارف اخلاقها فانا وبامانة سوف لا انظر لة نهائيا
ثانيا بخصوص القائل ان البنت هى السبب بتبرجها او بملابسها انا الحقيقة لى رأى مختلف شوية ....... مش معنى ان البيت حاطة مكياج او لابسة لبس مش مظبوط (مع اعتراضى التام على ذلك كلية و جزئيا) ان دة يكون مبرر للمعتدى انة يعتدى عليها يا جماعة احنا بنى ادمين وربنا وهبنا عقل مش حيوانات ماشية بالفطرة
]ثالثا احنا لية نظرتنا ان هذة الفتاة بمجرد ن اعتدى عليها اصبحت سيئة الاخلاق او منبوذة او منحرفة و بدلا من ان نداوى الجرح نجرحها فى مقتل مرة اخرى بكلامنا و همسنا وتلميحاتنا احنا كدة بدل ما بنكرة المرض( الاعتداء) بنكرة المريض ( البنت المعتدى عليها) وكمان احنا كدة بنعاقب المظلوم بدلا من الظالم ونترك الظالم حيث انة القوى ولا يتأثر بالحادثة[/SIZE]
رابعا و اخيرا ياريت نراعى ان البنت دى انسانة بمشاعر و احاسيس مش كم مهمل او شىء ثانوى انا اسف لو كنت طولت عليكم او وجعت دماغكم لكن الحقيقة انا بشكركم على طرح الموضوع الجرىء دة و مناقشتة

[Ramy Saad]

ماشاء الله الموضوع ثري بوجهات نظر مختلفة
بدون التطرق للأسباب المؤدية ودون تحميل طرف المسؤلية عن الآخر ( اتكلمنا في الموضوع ده كتييير )

بالنسبة لموضوعنا وقضية نقاشنا فالصراحة أنا قرأت الموضوع ده من زمان تقريبا من ساعة ما نزل بس انا ما شاركتش فيه لأني ماكنتش اعرف الإجابة الصراحة على سؤال الموضوع !!!

الموضوع شائك جدا وأنتم كلكم وضحتم كل حاجة وان من عيوب مجتمعنا التعامل مع البنت ديه ( أو مع المعالج من المخدرات ) معاملة سلبية قد تودي بها إلى انهيار نفسي ودمار للحياة
وسبب ترددي في الإجابة على السؤال :
هو ان البنت فعلا مظلومة ( بفرض انها بريئة من كل حاجة أو إنها تابت بعدها )
في المقابل صعب جدا شاب يتخذ قرار زي ده

أنا لو مكان الشاب ده وهو فعلا قد نوى على الزواج وتعلق بالبنت ديه لازم يعرف ويتأكد إنها فعلا مظلومة أو إنها اتغيرت تماما وده مش هيبقة في يوم وليلة ، ولو تأكد فعلا يتوكل على الله ويتزوجها ( ده لو هو مصمم ) بس المشكلة ان صعب ان شاب يتخذ قرار زي ده
( وديه ثقافة مجتمع وليس سبب شرعي ولا يوجد سبب شرعي يمنعه من زواجها إن كانت مظلومة فعلا أو تابت توبة نصوحى - وده على حسب علمي أو على حسب جهلي بمعنى أصح - لأنها بعد ذلك قد تكون امرأة صالحة قانتة تائبة عابدة أو أو أو ... أو قد تكون بالأصل هي هكذا ولكنها تعرضت لاعتداء ،
كما جاءنا من الأحاديث الصحاح و علمنا وعاصرنا في مجتمعنا الحالي ، وكون امرأة زنت وتابت فديه مش نهاية العالم وإنها أصبحت منبوذة أو أنها ينظر إليها طوال حياتها أنها زنت يوما ما وقد لايغفر الناس لها هذا الحدث بس ماننساش - دخلت بغي من بغايا بني إسرائيل الجنة في كلب سقته - أو كما قال )

أنا عارف اني مازودتش حاجة على كلامكم ومشاركاتكم ربنا يبارك فيكم


بأمانة أنا لسة معرفش ايه هيبقة جوابي لو كنت في موقف زي ده !!!!! ( ربنا يعافيني يارب )


أما بالنسبة لتفسير الآية فـ عامر ربنا يبارك فيه وضح المعنى المراد من الآية
و أنّى لي أن أعقب على كلامه وهو لم يقل إلا قول الله وقول رسوله




بارك الله فيكم د . phamacistina
الصراحة الجملة ديه عجبتني جدا ويارب نطبقها في كل حياتنا ،

أنا كنت بقول رأيي كانسانة و أخت بتحب أخوها و لست بفقيهة أتكلم في الدين لكن شرع ربنا و شرع رسولنا - صلى الله عليه و سلم - فوق رأيي و رأي الكل .. و كلنا ماثلون لأمر الله و رسوله ..

وأؤكد على هذا المعنى :
قال تعالى في سورة النساء ( فلا وربك لا يؤمنون حتى يحكموك فيما شجر بينهم ثم لايجدوا في أنفسهم حرجا مما قضيت ويسلموا تسليما )
( وما اختلفتم فيه من شيء فحكمه إلى الله ) سورة الشورى
( إنما كان قول المؤمنين إذا دعوا إلى الله ورسوله ليحكم بينهم أن يقولوا سمعنا وأطعنا وأولئك هم المفلحون ) سورة النور



جزاكم الله خيرا على المشاركات الجادة والنقاش الذي آمل أن يكون مثمرا
وآسف على الإطالة