اتحاد الطلبة!!!!.....رأيك ايه لازم تشارك خليك ايجابي........

[Mohamed Al Gohary]

هههههههههههههههههههههههههههه
لا يسعنى الا ان اقول
نتمنى لكم التوفيق العام القادم

والعام القادم ليه .. احنا فيها اهه .. تعالى وشارك السنه دى .. وفيه توبيك للاقتراحات والشكاوى والاستفسارات موجود ومحدش كتب فيه حاجه !!

هههههههههههه
انا لاشفت اتحاد قديم
ولا جديد

لو مشفتيش الاتحاد السنه دى من خلال الانشطة البسطة اللى اتعملت يبقى هتشوفيه من خلال الانشطه الجايه ان شاء الله ..

ولو مشفتيهوش برضه .. يبقى اكيد مش بتنزلى الكليه كتير

[wh_kaboo]

على فكرة الاتحاد بيجيلوا حاجات كتييييييييييييييييييييير حلوة قوى بس للاسف لا تظهر للبشرية فياريت نسمع عن الحاجات دى؟؟؟؟؟؟؟؟؟؟؟؟؟؟؟؟؟؟؟؟؟؟

[softheart]

اكيد لازم يكون بالانتخاب بس ياريت تعملوا ندوة تعرفوا الطلاب الجدد دور الاتحاد لانه مش واضح

[Mohamed Al Gohary]

ان شاء الله هيكون فيه لقاءات طلابيه .. هيحضر فيها امين الاتحاد ..

كمان خطة عمل الاتحاد بتتوزع على الطلبه ..

[mimag11]

يا عم انت مش لاقى حد غيرى توجهلو الكلام ................

[M_S_SH]

الصراحة

السنة الي فاتت كنت في اعداي

مكنتش اعرف ان فية اتحاد طلبة اصلا ولا اسمع عنة


السنادي عرفت ان فية اتحاد
وحاولت ان اشترك فية بس......

بس هما عملين شغل جامد السنادي

[د/ياسمين العشري]

احم،،
السلام عليكم ورحمة الله ..
بعد التحية ..
هو من الواضح ان الموضوع موجه لي بشكل .. ممم مباشر؟!!
وأنا تحت أمركم ..
بالنسبة لموضوع الانتخاب والتعيين .. لا تعلييق !!!!
ثانيا.. بالنسبة لنشاط الاتحاد ..
في نقطة جديرة بالذكر .. يضم الاتحاد طلبة في قمة النشاط .. وبيبذلوا جهد ملحوظ وبجد أنا لمست ده في أسبوع شباب الجامعات ..وعلى رأسهم د. محمد الجوهري .. وغيره من طلبة الاتحاد ..
بالنسبة لرأيي ..
ممم ..
أنا عن نفسي ومنذ زمن ليس ببعيد .. مكنتش اعرف اعضاء الاتحاد مين وميعاد انتخابتهم .. علمي بالموضوع بيكون بمحض الصدفة . أو بحكم احتكاكي الأسري والأنشطة الطلابية .. وزمان كنت بعرف اخبار الاتحاد من زمايلي الأكبر مني سنا ..
من المواقف " ليست بالطريفة " .. في امتحان الشفوي في مسابقة الطالب المثالي .. كان السؤال الآتي ..

ايه هيا اللجنة الي تم إضافتها في اللائحة الجديدة للاتحاد .. وتم تعدييل اسمها ..؟!!!


ممم .. معرفش " وأكيد لم تكن الإجابة بهذه السذاجة "
بس هوا بجد في لجنة جديدة اضافت في اللايحة .. وهيا فين لايحة الاتحاد دي .. وايه هيا لجانها .. وإذا كان الطلبة المشاركيين في الأنشطة والأسر الطلابية علمهم ليس بالكثير عن الاتحاد .. فمابال طلبة الكلية المنغمسيين مابين الفارما والعقاقير ..!!!


هوا في اتحاد طلاب كلية الصيدلة ..أصلاً ؟؟!!

دور الاتحاد خامل جدا ..والسؤال هنا يطرح نفسه أرضا .. لمَ ؟؟ والإجابة .. هنا .. الله أعلم

في رأيي ان الطالب الممثل لاتحاد الكلية يجب أختياره بعناية وفق شروط تتماشى وحاجة الطلبة ورغبتهم .. " مش شروط ورغبة حد تاني ؛) "
طلبة لهم القدرة على تحمل مسؤولية الموقع اللي هما فيه ..
ياجماعة الموضوع مش لعب او .. حب ظهور ..
الموضوع مش سهل .. إنك تكون ممثل لطلبة كلية داخل وخارج الكلية .. شكلك وكلامك وأسلوبك ..هوا اللي بيعكس طلبة الكلية بتعتك في أي مكان بتروحه..
بتبقى مسؤول عن معرفة وسماع مشاكلهم .. إنك تحاول تحلها وتكون مسؤول عن وجود الحل ده
إنك تعمل حركة في الكلية .. نشاط .. تحس ان في أحياء في الكلية دي ..

تختاروا ممثليين بجد لاتحاد كلية .. من أهم وأعرق الكليات ..
الصورة مش مأساوية كدة .. ومش هجييب المسؤولية كلها على الاتحاد ..
فيين نشاط الطلبة .. كلية تضم 5000 طالب عدد المشاركيين في الاسر لا يتعدى 50 طالب ..
المشكلة ان طلبة الصيدلة ملؤهم مواهب ..ولكن متى تظهر ؟؟
أتمنى ان يحمل الترم الثاني في طياته مفاجآت .. تسر الناظريين

أشكر لكم إتاحة الفرصة لإبداء رأيي..
المنتدى ما هي إلا ساحة حوارية .. وكل مسؤول عن رأيه ..
وكما نعلم " الخلاف في الرأي .. لا يفسد للود قضية " .. ولا هما غيروا المقوله دي وأنا معرفش

تحياتي لكم .. ودمتم سالميين ..

ياسمين العشري

[Mohamed Al Gohary]

سعيد بمرورك د ياسمين ..لجان الاتحاد موجوده فى القسم هنا فى توبيك مجلس الاتحاد .. واللجنة اللى زادت السنه دى هى اللجنة العلمية ..

انا هكلم الوقتى كطالب فى الكليه .. مش عضو اتحاد ولا عضو مجلس اتحاد .. انا محتك بالاتحاد من ساعة ما دخلت الكليه وانا فى اعدادى .. والحقيقه انا السنه دى شايف ان الاتحاد عمل اللى يقدر عليه .. وخصوصا فى اسبوع شباب الجامعات صدقوني الاتحاد عمل فيه اللى محصلش قبل كده .. يس للاسف محدش بيهتم انه يعرف الا بالحاجه السلبيه بس .. يعنى الناس منزلتش الكليه اصلا ولا تعرف حاجه .. تيجى تسالها تقولك هو فين الاتحاد ده ؟؟ مانتم اللى مش بتنزلوا الكليه اصلا .. هنجيلكم بيوتكم يعنى ..

ثانيا فيه حاجه مهمه جدا يا جماعه لازم تعرفوها .. الاتحاد مسلوب منه صلاحيات كتير رسميا بتبقى فيه وده مش من الكليه ولا حتى من الجامعه .. لا اكبر من كده بكتير .. يعنى الاتحاد ملتزم بدايرة بيشتغل فيها ومينفعش يخرج بره الدايره دى ..

للاسف انا جالي احباط .. من طلبة الكليه .. ومن كل حاجه .. وفعلا هفكر ميت مره السنه الجايه قبل ما اشتغل فى الاتحاد .. لانى في بداية السنه حطينا كلنا كمجلس اتحاد مهمه قدامنا اننا لازم نغير صورة الاتحاد .. واتفقنا ان ده مش هييجى الا بالشغل .. واشتغلنا على قد ما قدرنا .. طلعنا فلوس من الكليه .. مش فى اسبوع شباب الجامعات وبس .. لا فى رحلة شرم الشيخ كمان ..

للاسف .. احبطوني واحبطونا كلنا ..

[د/ياسمين العشري]

بصراحة اشكو من الصدمة الآن ..
احباط ؟؟
بصراحة بقى أنا الترم ده بالذات حاسة ان شاءالله اني هلغي كلمة الإحباط دي من قاموس الكلية
إحنا عندنا كل العوامل اللي تخلينا ننجح ونحقق ونوصل ..
طلبة نشطيين .. حتى ولو عددهم قليل .. عندهم أفكار .. عندهم حماسة .. عندهم موارد حتى ولو كانت بسيطة .. ينقصنا التجمع وتوحيد الأفكار.. وإننا نبدأ نشتغل على فكرة فكرة ..
العدد القليل هيجمع عدد أكبر .. الطلبة لما تشوف ناس بتشتغل بجد .. بيعملوا حاجة مفيدة .. فكرة جديرة بالاحترام .. في حركة .. في شغل .. حاسس انه مش تضييع وقت وكلام عالفاضي ..
صدقوني أكيد هنلاقي إيجابية ..
متنسوش .. إن عدد كبير من طلبة صيدلة موهوبيين ..
مواهبهم مدفونة او هما بصراحة زهقانيين ومش حاسيين ان حد ممكن يسمعلهم .. او يهتم بمواهبهم لأن مفيش أساسا منفذ ومتنفس يخرجوا طاقتهم من خلاله ..

دعوة .. إلى حذف كلمة إحباط من قاموس طلبة صيدلة المنصورة .. دعوة للبدء والصحوة ..
دعوة للنجاح وترك التفاهة والسلبية ..

كتير مننا عنده افكار .. بس محتاجيين اننا نجتمع على طاولة المفاوضات .. ونحط خطة وهف .. ونبدأ فعلا بالتنفيذ ..

ولا يغير الله ما بقوم .. حتى يغيروا ما بأنفسهم ..
دعوة.. للتغيير ..

في انتظار كل من يؤلمه اندثار مواهبنا وأفكارنا ..
دعوة لكشف الغطاء ..

تحياتي ..

[Dr.whisper]

مستنيين ايه يا شباب
يلا بينا نصحي قلوب الناس
نصرخ بكل احساس
اتحاد الصيادله بخير

هيعمل شغل خطير
---