علي مائدة عملي العقاقير ........ لاخواني الطلبة

[أمــ هـنـد ــة الله]

مشاركتى جت متأخرة لسبب واحد انى مش عارفه اعبر عن اللى جوايا

وبدور برده على دعوة بس يا دكتور كلنا بندعيلك من قلبنا

وربنا يخليك لنا

وانا هدعى شويه دعوات


ربنا يكرمك ويجازيك خير ويجعل كل حرف علمته لينا جبال حسنات عند الرحمن

وربنا يكفيك شر البلا ...وتكون الايام الجاية كلها افراح وراحه بال

واسأل الله لك علما نافعا تنفع به دينك ووطنك

ورزقك الله الفردوس الاعلى


عايزة ادعى دعوة بقى كمان وان شاء الله ربنا يقبلها النهارده الجمعه

يارب يا دكتور تدرسلنا علطوووووووووول لحد ما نخلص كلية

وبعدها روح مكة براحتك بقى

وجزااااااااااااااااااكم الله خيرا

[* Esraa_resala *]

جزاك الله عنا كل خير يادكتر باهر

عايزة اتاكد من حضرتك هل علينا مزاكره نظرى العملى الى موجود فى كتاب الدكتر صالح ولا احنا مطالبين

بنظرى العملى بتاع حضرتك بس

[Dr. Baher]

السلام عليكم

بلغني ان الدكتور صالح قال ليكم ان تذاكروا النظري للعملي من محاضراته فاذا كان حدث ذلك فعلا فلابد ان تلتزموا بذلك و ان لم يكن حدث فذاكروا النظري الخاص بالعملي من شرح العملي

بالنسبة للرسم : مطلوب فقط في امتحان العملي كل رسومات البودرة و ليس القطاعات و لكن رسم القطاعات مطالابين بها نظريا

بالنسبة للسكشن الاول :dusting powdre: هيجي لاما spots او في اسئلة ال sheet

ربنا يوفقكم و شكرا علي الدعوات الجميلة دي و جزاكم الله خيرا

[عامر إبراهيم]

السلام عليكم

ان شاء الله الامتحان سيكون الخميس 4 / 12 و الجمعة 5 / 12 كل طالب في مجموعته بحسب جدول هينزل باذن الله خلال الاسبوع دة

1- الاسئلة علي الشيت و الشرائح ستكون من نظري العملي و ستحل من خلال محاضرات شرح العملي بكل ما فيه

2- سيكون هناك محاضرة رسم يوم الاربعاء 26 / 11 في المدرج في ميعاد شرح العملي و سيكون هناك محاضرة مراجعة قبل الامتحان مباشرة يوم الاربعاء 3 / 12 في المدرج في نفس ميعاد شرح العملي ايضا و سنتكلم فيها عن كل شئ فقط عايزكم تذاكروا العملي قبل المحاضرة دي ان امكن

شكرا

شكرآ لحضرتك دكتور باهر على تعبك من أجلنا

أنا الحمد لله حضرت الأربعاء اللى فات يا دكتور وإستفدت جدآ و الحمد لله ....

بالنسبة للأربعاء الجاى, مجموعة " ب " كلها عندها إمتحان بعد محاضرة حضرتك, طبعآ إحنا فى إمتحانات العملى بنحاول مش نتعرض لأى حاجة تشغلنا أو تشتت إنتباهنا عن المادة اللى داخلين إمتحانها ....

خصوصآ إن محاضرة زى دى هتكون مهمة جدآ وممكن يحضرها أكتر من 500 طالب فى المدرج الصغير ده وهنطلع من المحاضرة تعبانين وإحنا عندنا إمتحان بعدها على طول وممكن الأعداد تزيد لو الناس حضروا معانا من جروب ألف خصوصآ إنهم هيفضوا من الساعة 1 ومش معقول هيستنوا لغاية الساعة 5 و نص فاضيين طبعآ ....

رأى حضرتك حضورنا محاضرة العقاقير و التركيز الشديد فيها و تعب الزحمة, هيكون إيجابى وإحنا داخلين إمتحان بعدها على طول؟

جزاك الله عنا كل خير يا دكتور, وربنا يرزقنا جميعآ الإخلاص يارب يا دكتور ......

[Dr. Baher]

السلام عليكم

المحاضرة ان شاء الله ستكون مهمة و لكن ممكن نقسم نفسنا علي الميعادين خصوصا ان الواحد مستحيل يفهم مع الزحمة فلابد ان تنتقل الينا ثقافة التعلم قبل ثقافة قضاء وقت و خلاص و كانه هم و هنخلص منه

ربنا يوفقكم

[د///*مطحونة*\\\]

لو سمحت يا دكتور
احنا هيجيلنا chemical test
وبالنسبة
لجزء د-صالح المتعلق بالعملى
نذاكره ازاى يا دكتور
مش هنلحق
دول كتير
يعنى لو جالنا اسئلة منه يا دكتور هتيجى ف ايه؟؟؟؟

شكرا

[Dr. Baher]

السلام عليكم

يا شباب التعليمات ان سيكون هناك شيت و اسئلة علي الشرائح من نظري العملي و هذة الاسئلة ستكون علي هيئة اكمل

بالنسبة للمذاكرة انا ما عنديش الا كلام د صالح لو كان قال ليكم ذاكروا من النظري

و بالمناسبة دي يحضرني حديث

لا تسالوا عن اشياء ان تبدي لكم تسؤكم

هنتكلم في المحاضرة

ربنا يوفقكم

[احمد الجوجرى]

لو سمحت يا دكتور باهر كنت عاوز استفسر من حضرتك عن امتحان العملى

1-العينه هتنزل على هيئه ايه *بودر ودايب فى جيلاتين او ماء
*ولا بدره عاديه مش دايبه فى حاجه

2- بالنسبه لتفاعلات الكيميائيه اللى كنا بنعملها فى السكشن هل
* هنعملها مع العينه اللى هتنزلنا فى الامتحان
* ولا مجرد ان احنا نأخذ نقطه من العينه ونضعها على الشريحه
ونشوفها تحت الميكروسكوب على طول

ولو هنشوفها على طول تحت الميكروسكوب مش لازم نضع عليها
اى مواد كيميائيه الاول زى مثلا NaoHولا مش لازم

وشكرا

[El_Daly]

chemical test
لو سمحت يا دكتور
هتيجى ازاى
أو بمعنى هنتسأل فيها ولا هتبقى فى الشيت
خصوصا التفريق بين لونين زى
bluish black وgreenish black
وحضرتك بقى عارف نظرنا ع أدنا
وكمان الchemical test بتاعة السكشن الأخير ماشتغلنهاش
هيا مش علينا خالص ولا ايه
وجزاك الله كل خير

[* Esraa_resala *]

كل الاسئله الى فاتت الدكتر جاوب عليها يجماعه مش هجلناchemical test خالص والنهارده دكتر صالح قال

لو جالكو هيجى اسئله عنه فى الشيت بس وهيطلب منك بس اسم التست بس مش الطريقه

وكل الى هنعمله هنحط نقطه من الباودر مدوبه فى جلاتين ونشوفها ونطلع الكى المنت وخلاص

واكيد الدكتر باهر هيوضح ده كله تانى فى شرح المراجعه

انا بس ليا سؤال لدكتر باهر وياريت يحسملنا الموضوع ده فيه رسم T.S فى الامتحان معليشي يادكتر احنا

اترخبطنا على الاخر حضرتك قلتنا لا وبعدين دكتر صالح يقول فيه اسفه لو كان السؤال هيضيايق حضرتك بس

محتجين نتاكد قبل الامتحان ؟