على فكرة الموضوع ده جاااااامد جدا يا سمر
وللأسف بيحصل كتير
بس اعتقد ان لازم البني ادم اللي سامح واحد يشيل الغلطة دي من زاكرته خااااااالص
و ميعايروش بيها تاني
ولازم حتى و هو في عز غضبه يراعي الكلام اللي هو بيقوله
لأن الكلمة اللي بتخرج مش بترجع تاني
و بتروح للي هي رايحاله بحلوها و مرها
فلازم نراعي شعور الانسان اللي قدامنا على قد ما نقدر
وتسلم ايديكي يا سمر على الموضوع الحلو ده
الكلام اللى حضرتك وباقى الدكاترة قالوه كله كويس بس ده بيعتمد على الشخص المتضرر
يعنى مثلا ماينفعش اغلط مع حد اكبر منى وبعد مايسامحنى اكرر نفس الحكاية واغلط تانى هنا يبقى لازم يفكرنى بكل الغلطات اللى قبل كده عشان يعرفنى انى كده تجاوزت حدودى معاه كذا مرة وده ميصحش لان فيه فرق فى السن واحنا لازم نحترمه
اما اذا كان اللى غلط فيه صديقى فلازم من حكم الصداقة الموجودة بينا انه يسامحنى على اى غلطة حتى لو اتكررت منى اكتر من مرة بس فى حالة تجاوز الحدود لازم يعرفنى انى تجاوزت حدودى لان ده من حقه لان لكل انسان درجة احتمال
لكن لو غلطة معاه يقوم بعد كده يفكرنى بكل الغلطات اللى قبل كده يبقى انا غلط من الاول انى اختارته صديقى.gif "Fop (8)")
موضوع جميل شكرا.gif "Fop (29)")
لا طبعا ..في رأيي كلام الغضب مش بيعبر عن احساس حد تجاهك .. خصوصا لما يكون حد مقرب ليكي ( اخواتك مثلا أو صاحبتك ) .. الكلام اللي بيعبر بيطلع في لحظات هدوء و بيطلع صدفة يمكن عشان ربنا يكشفلك بيه حاجة ..هل الكلام اللي بيطلع في ساعه الغضب دي بيبقى مقصود ومتعمد فعلا وبيعكس اللي قدامك دا بيفكر فيك ازاي وشايل ايه جواه من ناحيتك يعني بتبقى لحظه صدق تعرف فيها مكنوناته تجاهك ولا هو مجرد متنفس لاخراج شحنه الغضب ومش مقصود منه حاجه يعني زي مابنقول ساعه غضب ولا هو بيبقى طلقات موجهه علشان تصيب الهدف وتعرفك انه الغلط لايمكن ان يمحوه الاسف مهما حاولنا ؟
كمان عاوزه اعرف كل واحد منا هيبقى ايه موقفه لو كان هو الضحيه اعتذر وبالرغم من كده بيتعاير بغلطه من تاني "وكمان لو كان هو اللي غضبان هيتصرف ازاي ويعبر عن غضبه ؟؟؟؟؟؟؟؟
مستنيه اراؤكم والى ذلك الحين اترككم في رعايه الله وحفظه
الغضب شيء وحش و الرسول - صلى الله عليه و سلم - نهى عنه لأنه بيخلي الانسان يخرج عن شعوره و يقول كلام مش قاصده .. فممكن يلخبط حياته و علاقاته بالناس بسبب الغضب ..
بصي يا سمورة .. لو الغلط منك اتكرر تجاهي غصب عني ممكن أفتكر غلطك القديم .. و هقول في نفسي مش أول مرة سمر تغلط فيا و ممكن أفكرك بدة لكن مش بتبقى معايرة أو حسب طريقة الشخص اللي بيقول .. ممكن يكون انذار بقولك فيه ( احذري قربتي تخسريني ) .. عارفة يا سمر و الله الشخص اللي بيقول اللي عنده أحسن م اللي ساكت و في جواه كل حاجة وحشة تجاهك و عن تجربة .. بس احنا كلنا بناخد بالمظهر , فلان بيغضب و بيقولي دة انتي زمان غلطتي في كذا يبقى بيعايرني و هو انسان مش كويس أنا هقول كدة , لكن اللي يسكت ممكن تكتشفي ان ياريته كان اتكلم كان ع الأقل عرفك انه بيشيل في قلبه من ناحيتك ..
أنا شايفة ان الصراحة و المواجهة بالأخطاء و نسيانها بعد المواجهة و التصالح أحسن شيء .. لأننا بشر و لو ما اتواجهناش ( و ما تسميهاش معايرة ) هنشيل في نفسنا و دة هيعمل كره كبير في النفوس .. اوعي تعملي كدة .. و ما تزعليش م اللي يواجهك ..
لكن تكرار التذكير بالخطأ دة هو اللي غلط ..
أنا لو غضبانة بصراحة بقول .. ممكن أقول افتكري قرب ينفذ تسامحي معاكي .. بقول عشان لو اتكرر الغلط فيا هبعد بدون ما أقول حاجة بس هي تكون فاهمة ليه ..
ده كلام بيتقال ساعة الغضب بس
وبجد بيرجع يندم بعدها
موضوع جميل أوى يادكتورة
مشكورة
والمفروض نتعامل بالحكمة القائلة العفو من شيم الكرام
ربنا يجعلنا من أهل العفو والسماح
تقبلى مرورى
اولا شكرا ع الموضوع اللذيذ والمهم ده......
نخش بقي في الكلام المهم...
اني اسامح شخص غلط فيا دا بيعتمد في الاساس علي حاجتين...
1-منزله الشخص اللي غلط فيا
2-حجم الغلطه.
فمثلا لو شخص عزيز عليا اوي اوي اكيد هاسامحه علي طول ونعمل (shift &delet) علي طول للغلطه من الذاكره بدون اي فرصه لمحاوله التفكير فيها
اما لو كان شخص علاقتي بيه سطحيه فانا افضل في الحالات دي-لو كانت غلطه كبيره طبعا- اني اعتبره مش موجود اساسا في حياتي....مجرد سلام عليكم وعليكم السلام عشان لا اسمح بتكرار الغلطه تاني...
اما لو كانت غلطه تافهه عادي بنساها بسرعه وكان شيئا لم يكن....
بس كل المشكله وما فيها ان ساعه الغضب الواحد ما بيعرفش هوا بيقول ايه....فالقديم والجديد بيتفتحوا علي بعض...
وممكن برده الواحد بيعتبرها وسيله لتقويه موقفه ضد التاني....
انت عملت لي كذا وكذا وكذا...........الخ الخ...
معلش طولنا عليكم وطلعنا بره الموضوع شويه....
شخص عزيز عليا اوي اوي اكيد هاسامحه علي طول ونعمل (shift &delet) علي طول للغلطه من الذاكره بدون اي فرصه لمحاوله التفكير فيها
فيه ناس بتعمل ديليت بس من غير شيفت .. عشان تبقى فى الريسايكل بن ... وقت ما يحتاجوها يعملوا لها ريستور ..
ضوابط المشاركة
.gif "Fop (41)")
رد مع اقتباس