!! بــــنات مشــ بــــنات ،، و بناتـ نسيتــ، انها بناتــ !!

[Pharmcist_girl]

طبعا اللى بيحصل ف مجتمعنا ده للاسف انحلال وخروج عن ديننا وتقاليدنا وانجذاب وتقليد اعمى للغرب
بس عموما ربنا يحفظ بنات وشباب المسلمين من شر هذه الفتن ويثبتنا ع الاسلام... آمين

امين يارب العالمين

[dano_90]

شكرا دكتوره على مرورك

بارك الله فيكى

[pharmacistina]

انت من مؤيدي حرية المراه ولا لأ .؟!

من مؤيدي حرية المرأة كانسانة ربنا كرمها .. لازم تعيش حياة كويسة سعيدة محدش يجرحها أو يهينها بكلام أو بفعل .. زيها زي الولد في البيت بخصوص أي هدايا أو مشتريات الأم و الأب بيجيبوها .. تساعد في الأعمال المنزلية وقت ما تقدر و برغبتها و بالقدر اللي تقدر عليه بدون ضغوط .. و انها تاخد حقها في التعليم كامل .. و تاخد كل حقها في قرار ارتباطها بشريك حياتها بدون ضغط و هيمنة حد .. دي كل الحرية اللي أنا شايفاها للبنت .. حرية بس بأخلاق و بكرامة

وانتي شايفه ان حرية المراه دي حاجه زي الفل

حرية المرأة اللي أنا ذكرتها فوق ..

ولا شايفه انها مش مخليه في لبس مش مقطع ومفتوح من الجناب وكل حته فيها شباك .؟!

لأ طبعا أنا أصلا رأيي في اللبس الضيق أو المفتح ان كأن البنت بتقول ( أرجوكم يا رجالة .. حد يعبرني و يبص عشان أحس اني جميلة .. أرجوكم حد يعمل معروف و ييجي يخطبني من أهلي .. ) .. سوري ع الكلام دة بس دة الواقع ..
اللبس الوحش مش حرية لأن الحرية كرامه و اللبس الوحش مهانة ..
البنت اللي واثقة من نفسها في الشكل و في القدر مش محتاجة تلفت نظر الناس بأي شكل .. صدقوني ..

في رايكم ايه هو سبب انتشار الظاهره السيئه دي .! ؟

سببها .. أي رجل يدعو لتحرير المرأة و انها تلبس اللي هي عايزاه و تكشف شعرها , فدة نفسه يتفرج ع المرأة و يبسط لأنه انسان مش كويس حسابه عند ربه .. أي مرأة عايزة تكشف شعرها و تعمل كدة تبقى زي ما قلت اما عدم ثقة في نفسها فهتعمل ايه يا عيني لازم تلاقي حل .. أو انها بتدعو لكدة لأنها ما عرفتش ولا داقت طعم حرية الكرامة اللي أنا وضحتها في أول كلامي ..

انت شايف ان سبب انتشار الحوار ده هو الــ ميلودي ولا لأ .؟!

مش فاهمة السؤال صراحة ..

بنت في رأيي = أخلاق + حياء و دة يندرج تحت الأخلاق و هو أهمها + احساس عالي و طيبة + ثقة بالنفس + شكل جميل غير قابل للعرض قدام الجميع ..

أشكرك ع الموضوع الجميل جدااا

[dano_90]

شكرا ليكى يادكتوره على وجهة نظرك المحترمه والرائعه

ربنا يبارك فيكى يارب

[dano_90]

up..................

[احمد شبند]

ليه الست مطولش شنبها زي الراجل

والله تبقوا زي القمر

هههههههههههههههههههههه

هو المقام مش مقام ضحك والله ......بس انا لقيت نفسى بضحك بطريقة غريبة

..................................


ربنا يهدى المسلمين

انا بختلف اصلا على مسمى كلمة حرية(لانها كلمة حق يراد بها باطل) لو حضرتك تقصدى الكلمة دى فانا ضدها



لكن لو تقصد الحرية الى هدانا الله لها وهى والله معلومة لدى الجميع اصلها الاسلام منذ اول يوم حتى معاملة الرجل لزوجته لم يباح له العقاب الا اذا انتهكت محارم الله......(الامر يحتاج لتفصييييييل طويل)



ولكن بالنسبة لالى حادث دلوقت فاحنا ما نفتكرش نفسنا ملايكة يعنى ان كان فى حد مش كدا فالى غيرنا فيه ده برضوا من ذنوبنا وتقصرنا ......... ربنا يعفينا جميعا وكافة المسلمين

(وسئلهم عن القرية التى كانت حاضرة البحر اذ يعدون فى السبت اذ تأتيهم حيتانهم يوم سبتهم شرعا ويوم لا يسبتون لاتأتيهم كذلك نبلوهم بما كانوا يفسقون ..

واذ قالت امة منهم لما تعظون قوما الله مهلكهم او معذبهم عذابا شديدا قالوا معذرة الى ربكم ولعلهم يتقون..

فلما نسوا ما ذكروا به أنجينا الذين ينهون عن السوء وأخذنا الذين ظلموا بعذاب بئيس بما كانوا يفسقون)

[dano_90]

هههههههههههههههههههههه

هو المقام مش مقام ضحك والله ......بس انا لقيت نفسى بضحك بطريقة غريبة

لكن لو تقصد الحرية الى هدانا الله لها وهى والله معلومة لدى الجميع اصلها الاسلام منذ اول يوم حتى معاملة الرجل لزوجته لم يباح له العقاب الا اذا انتهكت محارم الله......(الامر يحتاج لتفصييييييل طويل)

الحرية معلومة فعلا لكن فيه ناس بتنتهكها او بتوسع نطاق الحرية علشان يعملوا اللى هما عايزينه ,,واللى ييجى يتكلم يقولوا عليه (م_ت_خ_ل_ف)

ربنا يهدينا جميعا ,,,

شكرا دكتور احمد على الرد,,,

[summer breeze]

موضوع جميل يادانو كانت فكرته في دماغي بس سبقتيني

بالنسبه لرايي في الموضوع مبدئيا اللي اتقال وذكر في الموضوع دا لايمت لحقوق المراه ولا للحريه بشيء دا اختلال فظيع في المفاهيم واستخدام لمصطلحات في غير مقامها يعني انا افهم اننا ننادي بحقوق المراه في التعليم انها تكون في مناصب قياديه اذا كانت ذات كفاءه تؤهلها للوجود في هذا المنصب مش تحرم منه لمجرد كونها امراه انا دلوقتي بسمع عن اماكن في مصر المراه فيها لاترث بتتنازل عن ارثها اكراها لحد من اخواتها دا ايه دا دا عوده للجاهليه الاولى هنا بقى هنقول فين حقوق المراه وقبلها هنقول فين شرع ربنا اللي حفظلها حقها من فوق سبع سماوات دا الاستخدام السليم للمصطلحات دي مش نقول حقوق المراه في كشف شعرها وفي لبس كل ماهو خارج عن الحياء دي اسمها مناداه بالانحلال بالانفلات انما مش مناداه بالحريات وبالتاكيد احنا مكناش هنحتاج لكل الجمعيات دي لو كانت الناس متمسكه بشرع ربنا لكن هنقول ايه ربنا يهدينا جميعا حاجه كمان بقى بالنسبه للسيدات وللرجال اللي بيتزعموا جمعيات الدفاع عن حقوق المراه مش كلهم يستحقوا اننا نسمعلهم بالعكس فيهم ناس وسيدات تحديدا بينادوا بتفاهات وحاجات اصلا السيدات بيرفضوها قبل الرجال يعني في واحد من البرامج على مااذكر واحد بيكلم رئيسه احد الجمعيات بيقولها زوجته خرجت وقفلت البيت على اطفال صغيرين سايباهم كدا لوحدهم ورايحه الكوافير باين ولا النادي ؟؟؟بدل ما السيده المحترمه تعتب على الزوجه وعلى اهمالها الشنيع دا تقوله حقها خليها تتنفس هيا مش قاعده طول اليوم تطبخ وتربي الاولاد مستخسر فيها يعني ساعتين تقضيهم لنفسها انا ذهلت بصراحه من الرد يعني دا كان مثال مش اكتر للمهازل اللي بتتعمل باسم الدفاع عن حقوق المراه وفي النهايه يادانو هنقول ان الحل ان الناس ترجع لدينها لانه ومن يتق الله يجعل له مخرجا
تحياتي وفي امان الله

[dr pharma]

موضوع هادف جدا
اللهم اهدنا وثبتنا واختم لنا بحسن الخاتمة
اللهم ردنا الى الحق
ربنا يستر علينا من فتن الدنيا
والله لو ابو جهل شاف مراته وهى بلبس اليومين دول لكان قتلها على الحيا
دا تبرج الجاهلية الاولى اللى ربنا نهانا عنه كان كشف المراة رقبتها مش .......... حاجة تانية
اللهم اهد بنات المسلمين واهد شباب المسلمين واكفينا شر فتن الدنيا

[Rooose]

موضوع هادف يا دكتورة جزاكي الله خيرا...
بالنسبة لموضوع حرية المرأة ، في مقولة معروفة أوي بتقول _ الشيء اللي يزيد عن حده يتقلب لضده _ ودا اللي حاصل دلوقتي ، وأي واحدة مش ملتزمة في لبسها ومزوده أوي يعني فدا بيقلل من كرامتها قبل أي حاجة لانها بتخلي نفسها وبارادتها تحت قناع الموضة حاجة الكل بيتفرج عليها ، ومش بس اللبس والله داحنا عدنا بنشوف عجب في الحجاب دي كل شعراية بتبان بتتعلق منها المرأة في النار يوم القايمة ربنا يعافينا ان شاء الله...
وفي حاجة بستغرب عليها جدا جدا والله ازاي الأب والأم بيسيبوا بنتهم تخرج كدا من باب بيتها ولا الزوج ازاي بيسمح لزوجته تخرج كده من بيته مفيش غيرة ؟؟!!!!!!!!!!!!
والنقاش مستمر في الموضوع ولا حاجة بتتغير!!!!!!!!!! ربنا يستر...