همووووت من التعب(برجاء مشاركة من يستطيع من الطلبه وأعضاء هيئة التدريس

[Yearning]

شكرا على الاستفتاء

[..::ciZar_Resala::..]

لو عايزة نصيحة : الكلية مش هتعملك حاجة ولما تتعبي شوفي اى كرسي ولو ملقتيش اقعدي على الارض ولو محبتيش قوللى للمعيد اللى عليكي هنزل اصلى او هجيب فلسك عشان اتكسر منى وانزل اقعدى وروحي السنتر كمان ولما يجيلك مزاج تطلعي السكشن اطلعي وخدي الغياب

دا على أساس إن الكذب هينفعنا فى يوم من الأيام ؟؟ .. و الله واحدة زميلتنا السنة اللى فاتت عملتها فى سكشن العضوية .. قالت للدكتور محمد عبد الوهاب إنها نازلة تصلى .. و شوية و أنا ببص من الشباك بالصدفة .. و لقيتها واقفة تضحك و تهزر مع الشلة بتاعتها ... بذمتكوا دا اسمه أدب ؟؟؟ ده اسمه احترام ؟؟ و الله العظيم إنى لحد الآن ما بحترم البنت دى .. و لا بطيق أشوفها .. و كل اللى هيحصل قدامه الموقف ده أكيد رأيه كده !!

ياسلااااااااااااااااااااااام هوا دا الكلام والله برافو عليكى

أها .. فعلا .. صقفيلها يا سمسمة .. و الله السكاشن دى و شغل العملى هى الكلية بجد .. و سيبكوا من شغل المحاضرات و الكلام الفاضى .. أنا عندى أفضل واقف فى السكشن 10 ساعات و لا أحضر محاضرة ساعتين لدكتور .. و الآخر .. يا مولاى كما خلقتنى !!!!

[Yearning]

شكرا سيزار على المشاركه وعشان محدش يتصرف تصرف زي ده انا عرضت فكره الكراسي لان في زمايلي في السكشن اولاد قالوا هينزلوا يصلوا وشويه وشوفتهم رايحين السنتر كانوا بيجيبوا ميه
بصراحه هما من حقهم يعطشوا بس كان ممكن يقولوا انهم عايزين يجيبوا ميه بدل الكدب

[khokha]

انا طبعا معاكى بس الفكرة انه الجلوس على الارض ممنوع علشان فيه chemicals بتكون وقعت من الطلبة على الارض يبقى الحل الوحيد انهم لازم يوفروا لنا كراسى

[Yearning]

والله لغاية دلوقتي محدش سامع لنا لكن خلوا عندنا أمل في بكره

[Mohamed Al Gohary]

والله لغاية دلوقتي محدش سامع لنا لكن خلوا عندنا أمل في بكره

ومين قالك كده .. كل المواضيع دى بتتابع من إدارة الكلية ..

[Yearning]

والله فرحتني يا دكتور ان شاء الله في حل

[Mohamed Al Gohary]

ان شاء الله .. ولو فيه شكوه معينه ممكن تكتبيها فى ورقه وتسلميها للاستاذ ياسر بالمبنى الادارى بالدور الرابع مركز التطوير بجوار مكتب الاستاذ الدكتور عطالله فؤاد ..

الشكاوى دى بتتسلم يدا بيد للعميد ..

[Dr nour]

موضوع السكاشن والوقفه لمده طويله عانينا منه كلنا وده شئ لازم ولابد ازاى هيوفروا لينا كراسى أمال يتعبونا ازاى والله على أما نتخرج هنكون عاوزين نروح نقعد فى مستشفى نشوف حالنا وصل لأيه
ويارب نكون لسه عندنا شويه صحه
القعده على الأرض فعلا قاعده مظهرها وحش قوى بس احنا لاقينا كراسى ومقعدناش ومش عارفه ايه لازمه سكشن خمس ساعات ببنخلص فيها الsampleوبنقعد جنبها ننام لحد لما اللى بعده تنزل طب ليه ميخلوش الوقت مناسب للشغل لا أزيد ولا أقل لازم نخلى فى اعتبارنا أن فى ناس عندهم ظروف صحيه ممنوعين من الوقفه لفتره طويله آه لما بيقولوا للمعيد بيخليهم يقعدوا بس يجى معيد تانى ويزعق وهكذا
بس فعلا المفروض منتجهش للكذب علشان نحل مشكله لأننا هنقع فى مشكله أكبر
هو فعلا أحسن حل انهم يوفروا كراسى لما نخلص شغل نقعد نرتاح من البهدله اللى بنتبهدلها دى