تخيل انك غبت عن المنتدي لمده كبيره بالسنين

[Dr nour]

شكرا ليكى انتى يا نور يا حبيبتى على ردك الجميل دة وانتى على فكرة من اكتر الاعضاء اللى بحبهم فى المنتدى وبعتز بيهم وهزعل جدا بعد عشر سنين لما معدتش اكلم اصحابى اللى بحبهم زيك كدة بس ان شاء الله نبقى كلنا على تواصل

ربنا يخليكى سمسمه على شعورك الجميل ده وان شاء الله نكون فى تواصل مستمر

دا كفاية تغيبى سنتين .. محدش عاد بيفتكر أصحابه اليومين دول

مين قال ان مفيش حد بيفتكر أصحابه..............لسه الصداقه الحقيقيه موجوده ولسه فى أصدقاء بيكون أعز عليك من نفسك يمكن قليلين بس موجودين
وزى ماسمسمه بتقول فى ناس بتسيب بصمه عمر الزمن ميمحيها وفى ناس عمرك فى حياتك متقدر تنساهم لأن لو نستهم يبقى نسيت نفسك وكانك انسان آخر غريب

[dr-aya]

شكرا ًعلى الموضوع بس على فكرة أنا زعلت جداً لما قرأته
أنا أصلا مش ليا صحاب على المنتدى ولا أعرف حد ولا حد يعرفنى ولا حتى ليا مواضيع على المنتدى مع إنى بكتب شعر و خواطر وبحب الكتابة عامة وعندى حاجات كتير بس مش بنزل حاجة شكلك بتعيطى عليا دلوقتى ملخص الكلام إنى حتى بعد 20 سنة مش بس 10 محدش هيبقى عارفنى ولا فاكرلى حاجة أنا دلوقتى أصلا حاسة إنى غريبة على المنتدى
طولت عليكم أنا آسفة بس دى مأساتى فعلا ومنجيلكوش فى حاجة وحشة سلام بس أنا لسه زعلانة

[قناع الذهب]

لا حول ولا قوة الا بالله زعلتينى يا اية ان شاء الله يكون ليكى اصحاب كتييييييييييييييير
ولو بتعرفى تكتبى اى حاجة اكتبيها واحنا نقرا ونستفيد منك ومن ارائك
ولية مش بتنزلى حاجة اكتبى كل اللى بتعرفى تكتبية

[Dr nour]

شكرا ًعلى الموضوع بس على فكرة أنا زعلت جداً لما قرأته
أنا أصلا مش ليا صحاب على المنتدى ولا أعرف حد ولا حد يعرفنى ولا حتى ليا مواضيع على المنتدى مع إنى بكتب شعر و خواطر وبحب الكتابة عامة وعندى حاجات كتير بس مش بنزل حاجة شكلك بتعيطى عليا دلوقتى ملخص الكلام إنى حتى بعد 20 سنة مش بس 10 محدش هيبقى عارفنى ولا فاكرلى حاجة أنا دلوقتى أصلا حاسة إنى غريبة على المنتدى
طولت عليكم أنا آسفة بس دى مأساتى فعلا ومنجيلكوش فى حاجة وحشة سلام بس أنا لسه زعلانة

يادكتوره ياريت تسمحيلى اقول حاجه بسيطه
مسأله انك تتعرفى على الأعضاء وتعرفيهم وتتكون بينك وبينهم صداقه شئ سهل جدا
لو عندك شئ تحبى تكتبيه ولو عرضتى خواطرك وشعرك هتتعرفى فى المنتدى
ردودك ومواضيعك هى اللى بتفرض وجودك
أنا سجلت نفسى على المنتدى فى بداياته وقعدت أكتر من سنتين ونص بتفرج عليه من بعيد مش بشارك برد ولا بموضوع ومكنتش متخيله ان ممكن حد يعرفنى أو اكون صداقات مع أعضاء فيه بس لما بدات أكتب موضوعات واشارك برأى وردود اتعرفت على ناس كتير فيه
يارب مكنش اتدخلت فى حاجه مش مسموحلى التكلم فيها وياريت تتقبلى ردى يادكتوره ويارب مكنش طولت عليكى
ومتزعليش واهلا بيكى معانا وأكيد هنسعد جدا بوجودك بس ياريت نشوف ليكى شعر وخواطر ومتبخليش علينا بموهبتك................سلامى ليكى

[dr-aya]

والله أنا أخدت القرار فعلاً فإنتظروا قريباً على المنتدى الأدبى إن شاء الله حاجة exclusive بس يا رب تعجبكم وشكراً ليكى يا سمسمة وإنتى يا نور إنكوا حسيتوا بيا و أنا خلاص دلوقتى مش زعلانة

[summer breeze]

لا حول ولا قوه الا بالله ايه الموضوع السعيد دا ياسمسم دا انتي حسستيني انا هودع بعد ساعتين ودي بقى الوصيه بتاعتي وبعدين انا ايه اللي هيجيبني هنا بعد عشر سنين احنا هناخد زمانا وزمن غيرنا هههههههه مااحنا بعد عشر سنين هيبقى عندنا خمسين سنه يلا حسن الختام بقى
اما ايه مش تزعلي خالص ع المنتدى هنا كلنا اصحابك واخواتك ومستنيين موضوعك باذن الله

[dr/dina]

شكرا سمسه ع الموضوع ... جميييييييييل جدا
انا حسيت بحزن اوى...لاننا بعد المده دى كلها مش هنسيب المنتدى و بس
هنسيب كمان اعز اصحابنا او ع الاقل هتكون العلاقه ضعيفه جدا
و هنسيب الكليه مع انها فيها حاجات متعبه بس فيها ايام جميييييله جدا كفايه انك بتبقى مع اصحابك اللى بتحبيهم....
و ان كان ع المنتدى بعد المده دى هحس انه غريب عنى اوى لانى مش هلاقى الناس اللى عارفاهم حتى لو مش عارفاهم معرفه شخصيه
بس اكيد هفتكرهم بالخيرو هتمنى ان ميكونش حد زعلان منى فى يوم من الايام

[Ramy Saad]

ساعتها بقة ان شاء الله
اروح متصل باصحابي اللي لسة معايا أرقامهم وأللاقيهم بقة جدو فلان وعمو فلان وباقي الأعضاء كلهم بقة أبهات وأجداد
أما البنات بقة أدعو ربي أن يكن سعداء راضين بحياتهن

وهي ديه الدنيا ماهما صاحبت واحد لازم يجي اليوم اللي تسيبه ولو ماسيبتوش هو هيسبك
ندعي ربنا بقة نتقابل كلنا على حوض النبي وبعدين في الجنة إنشاء الله مع النبي والصحابة أهلنا وأحبابنا وأصحابنا

[قناع الذهب]

بشكر سمورة على ردك وبعدين بعد 10 سنين هيكون عندنا 70 سنة مش خمسين بس هههههههههههه
ودينا عندك حق فى كل اللى قلتية
وفى النهاية بشكرد\رامى ويارب نتقابل جميعا على خير فى الجنة ان شاء الله

[wh_kaboo]

موضوع رائع يا سمسمة
بس ليه نفتكر الحزن
ولكن الاصدقاء اللى يعز علينا فراقهم لازم نتواصل معهم بشتى الطرق ولا ايه ؟؟؟؟