استفتاء لمجموعات تقويه فى الكليه ادخل وشارك برايك

[د\بوسى ربيع]

السلام عليكم ورحمه الله وبركاته

انهارده دكتور طارق قالنا فى المحاضره انه اقترح على دكتور محمود عميد الكليه ان باذن الله تكون فى مجموعات تقويه فى الكليه بدل ما بنلجا الى الدروس الخصوصيه واللى هيكون بيشرحلنا معيدين من الكليه وتحت اشراف استاذ القسم وقال ان تايدنا للفكره باذن الله هيساعد على تنفيذها فياريت الكل يشارك معان لان ده هيعود بنفع كبير علينا ا

[sa3dany20002002]

السلام عليكم
_______________
أولا
كل سنه وانتوا طيبيين
ويا شباب لازم نخلى بالنا ان
الفتره الى جايه حرجه
و الوقت بقى ضيق
وتالته زى ما انتوا عارفين تقيله
وعاوزين نعديها ان شاء الله على خير
__________________________
اما بالنسبه لفكره الدكتور طارق

_طبعا لازم نحترم وجهه نظر الاخرين _
فى رايي نبقى معماناش حاجه
بالعكس
احنا كده نبقى (قننا الخطا)
وبدل ما نلغى الدروس
نبقى دخلناها فى سياسه التعليم
طيب ازاى هنتعلم الاعتماد على نفسنا
وراح فين الكلام عنself education
؟؟؟!!!

لو الفكره دى اتنفذت فعلا
بكده نبقى عملنا زى الى قال ان
التدخين حرام...ولكن لا باس بسجارتين ...او تلاته
_____________________________________

شكرا يا بوسى على الموضوع

[آيه محمد]

يعني الفرق دلوقتي ان بدل ما نطلع فلوسنا بره الكليه
ندخلها جوه؟

[EverLasting]

مع احترامى طبعا لرأى الدكتور طارق بس انا شايف بالإضافة الى كلام دكتور sadany و الدكتورة اية ان اصلا المفروض المحاضرات تكون بمثابة مجموعات تقوية وعشان كده لازم المدرجات تبقى اصغر من كده وتبقى عدد اقل من الطلبةواللى المفروض يتقال فى الدروس الخصوصية يتقال فى المحاضرة ونحاول نخلى المحاضرة هيا الدرس الخصوصى بتاعنا وكمان هنجيب منين وقت عشان نحضر محاضرات وعشان نحضر مجموعات التقوية؟؟؟

[د\بوسى ربيع]

ا جماعه فى توضيح العمليه هتبقى بمثابه تطبيق او تدريب وهتكون للى محتاج يعنى المعيد هيساعدك تفهم اللى مش فاهمه يديلك اسئله وتدريبات وكده يساعدك تلم المنهج خلونا نتكلم بصراحه ان سبب رئيسى من اسباب الدروس هو اننا بنحتاج حد يلملنا المنهج ويخلينا نطبق عليه وبكده هنستريح من عدم كفاءه المصادر اللى بعتمد عليها فى الدروس

[د\بوسى ربيع]

انا سعيده جدا بالاراء والمشاركات

[sa3dany20002002]

سبب رئيسى من اسباب الدروس هو اننا بنحتاج حد يلملنا المنهج ويخلينا نطبق عليه وبكده هنستريح من عدم كفاءه المصادر اللى بعتمد عليها فى الدروس

انا مقدر موقفك يا دكتوره
بس لو تلاحظى ان
سبب رئيسى من اسباب الفشل والضياع العلمى والمهنى
هو اننا بنعتمد على حد يفكر لنا ..او يوجه تفكيرنا ..


FACE YOUR FEARS

[Anas]

سبب رئيسى من اسباب الدروس هو اننا بنحتاج حد يلملنا المنهج ويخلينا نطبق عليه

المفروض ده يحصل طبيعي من غير مجموعات ولا تقوية ولا فلوس

المجموعات دي لو اتطبقت فعلا

تبقى الكلية عاملة زي التليفيزيون المصري

يشتري ماتشات تعبانة و يذيعها ... و الماتشات الجامدة تفضل مشفرة

[Ramy Saad]

بغض النظر إن الفكرة هي الفكرة النموذجية ولا لأ في القضاء على الدروس
بس أنا شايفها الأقرب والأنسب والأكتر واقعية أنا مش بدافع بس هي أفضل الحلول المطروحة
الدكتور طارق عجبني في فكرته إنه تعامل مع الدروس على إنها واقع حاصل لا يمكن بشكل من الأشكال تجاهله والواقع ده احنا عايشينه

لا شك إن طلاب الدفعة الأغلبية منهم بياخدوا دروس والباقيين أغلبهم بيذاكروا من ورق الدروس وتبقى البقية القليلة اللي مش بتعتمد على الدروس ولا على ورق الدروس وانا ممكن أقدر نسبتها في رأيي الشخصي أنها لا تتجاوز 5 أو 6 %
فالموضوع ده أصبح بمثابة حقيقة مرة بالنسبة لمشروع الاعتماد والقائمين عليه
فماينفعش أبدا أجي في يوم وليلة أقول نلغي موضوع الدروس ونشن حرب على الطلاب اللي بياخدوا دروس
فحبيت فكرة الدكتور طارق وقد لا تكون هي الفكرة النموذجية في رأي بعضكم زي ما قريت تعليقاتكم بس الفكرة عجبتني لأنها خدت موضوع الدروس على إنه واقع يجب التعامل معاه ولا يمكن تجاهله

وزي ما الدكتور قال في المحاضرة إنه حتى المعيد بيستفاد جدا من الموضوع ده في تنمية قدرات الشرح عنده لأن الدكتور وضح إن المعيد بيتفاجئ مرة واحدة إن القسم بيقول له خش اشرح في المحاضرة
فبالتالي هتظهر عيوب الشرح وعدم الاتقان فنرجع نجيب الدايرة من أولها تاني والناس تسيب المحاضرة وتروح للدروس وهكذا

أرجو إني أكون نجحت في توصيل فكرتي بنجاح
ده رأيي الشخصي
تقبلوا مروري

[w_eldali]

السلام عليكم و رحمة الله و بركاته
موضوع مهمممممممممم جدا
و اسمحوا لي اشارككم رأي ..
بس الاول ؟!!
ازيكم جميعا ؟ و يا رب تكونوا بخير
طبعا الموضوع ده هيكون بمقابل مادي و طبعا كدا و لا كاننا عملنا اي حاجه ...انما لو كان الموضوع بمثابة محاضرات زيادة باعداد طلبة اقل عشان نفهم المنهج اكتر هيختلف الامر ....
بس يا جماعه واضح ان المشكلة مش مشكلة عدد !!!! و فعلا ده حقيقي
الفكر في الاسلوب نفسه
اولا قبل ما اقو اي حاجه
تقدير و احترامي و اجلالي لجميييييييييييع استاذتنا الافاضل كلهم
لانهم في المكانة الي هما فيها دي الان من العلم ماشاء الله بعلمهم اكيد الي هو اكبر مننا واكتسبوه في سنين دراسة و خبرة و كل ده
بس دلوقت في حاجه مهمة
الفكرة في الاسلوب وطريقة توصل المعلومة و التأكد من انها وصلت و التأكيد على وصولها
صحيح قلت في الاول المشكلة مش مشكلة عدد بس اقصد بالتحديد يعني مش في العدد بس
لان حتى ممكن يكون العدد صغير و محدش فاهم حاجه !!!!!!!!!
يبقى رقم واحد: ياريت لو الاعداد تصغر يعني المحاضرة بدل ما هي بتتعمل مرتين في ااسبوع لمجموعتين مثلا لأ تبقى تتقسم اكتر من كدا و بكدا نحل مشكلة العدد بس لازم يكون متحدد الي هيحضروا يعني مش تبقى سلطة و كله بيحضر مع كله و براحته فلازم يكون في حضور و غياب مع تقليل الاعداد .
رقم اتنين : المصدر الي بنزاكر منه .. يعني في حاجات كتير جدا ملهاش لازمة وفي الاخر الامتحان بيركز على حاجات معينة و ده الي بيعمل الدكتور بره في الدرس انه بيركز على اسئلة الامتحان و بس
او ما يقال انه بيلم المنهج
طيب ليه من الاول مش يكون المنهج كله مهم !!!!!
ده غير ان في كتب بتتجاب و ممكن مش نستخدمها!!!!
بكدا موضوع مجموعات التقوية دي مش عارفه ؟!!! بس بيتهيأ لي انها زي الدرس الخصوصي
يا اما بقى نعمل زي نظام المدرسة مجموعة متفوقين و مجموعه ضعفاء و كدا ....
احترامي و تقديري لجميع الاراء
بس المشكلة في الاخر يارب تكون الاراء كلها بتاعتنا في الحسبان و مش اساتذتنا ياخدوها بحساسية لان في الاول و الاخر احنا ولادكم و بنكلمكم بالي جوانا ...
مع احترامي و تقديري