بنات الناس لعبه بين ايديك واختك مكتوب عليها ممنوع اللمس

[lost*soul]

لما قلت كلام فارغ كنت اقصد انه يعمل علاقات مع بنات كتيييير

مش موضوع النقاش وانا قلت كده لنور وهيا فهمتنى

[Mohamed Al Gohary]

الموضوع الحوار فيه كويس .. وماشى بطريق جميل ومحترم ..

والاداره مش بتحذف ردود حد ولا حاجه .. كل واحد حر فى رايه حتى لو غلط .. طالما ماتجاوزش حدوده ..

[M.elsa3ed]

على فكره ي جماعه انا مش قولت lost soul يتحذف ردها او كده اانا بس طلبت منها لو كلامها كان عام لكل الشباب انها تسحبه بس الحمد لله دلوقتى انا فهمت قصدها وحصل خير هو بس كان كلام الدكتوره مش واضح وهى وضحته بس مفيش حاجه وكل سنه وانتوا طيبين ويا ريت تكون الدكتوره مش زعلانه منى

[Mohamed Al Gohary]

مفيش زعل ولا حاجه .. احنا بنتناقش ونختلف وبنفيد بعض فى الاخر ..

[lost*soul]

لا سكونونو انا مش زعلانه منك ابدا

[Ramy Saad]

شكرا د . lost soul
بس أنا أصلا بتسائل من الأول يعني بتكلم في أول الموضوع ليه أصلا البنت تسمح لنفسها إنها تكلم واحد ماتعرفوش أو غريب عنها وتسمح لنفسها إنها تبدأ تحبه أصلا
أنا متفق إن هو فعلا الشباب بيكون بيتسلى بالبنات وواخدها لعبة بالذات كل ما الموضوع بيتطور وبيطول الخسارة بتبقة أكبر للبنت لأنها سمحت لنفسها إنها تحلم كتير

يا جمااااعة بقولها في الآخر الولد اللي ماشي مع بنت بيوهمها إنه هيتجوزها والكلام ده هو في نيته إنه واخدها بس كدة لحد ما يتجوز ولما يفكر في الجواز عمره ما هيفكر فيها لأنها زي ما مشت معاه هتمشي ما غيره ( ده تفكيره )
وتبقة خسارة البنت أكبر وأكبر

فبس أحب أنصح البنات إنهم ما يبدأوش قصة هم هيخسروها في الآخر
وأعرف نماذج قريبة مني ومش هقول بقة سنة ولا سنتين أبدا لكن قصة طالت حوالي 9 سنين وفعلا حصل خطوبة بس بعدها كل واحد راح لحاله أكيد البنت هي الخااااااسر الوحيد

كمان ملحوظة أصلا يا جماعة بفرض إنه قصة حقيقية وفعلا بيحبوا بعض وناويين على جواز الكلام ده ماينفعش أصلا من ناحية الدين ،
شرع مين قال البنت والولد يمشوا مع بعض ويعيشوا قصة مع بعض بغض النظر عن النهاية حتى لو انتهت فعلا بجواز
يا جماعة ربنا أمرنا بغض البصر للاتنين للولاد والبنات وأمرنا باجتناب الخلوة وأمر البنات من خلال أمر أمهات المؤمنين ( فلا تخضعن بالقول ) وأدلة تانية كتير

معنى كدة إن لو شخص فعلا بيحب واحدة ومش بهزر ولا بيلعب بعواطفها وناوي فعلا يتجوزها إنه بكدة يسمح لأخته بقة إنها تعيش نفس القصة بس مع واحد برضه مش بيهزر
أنا فهمت إنكم بتهاجموا الشاب وتقولوا له يتذكر أخته عشان مايلعبش بمشاعر البنات طيب لو هو مش بيلعب هيبقة بقة عادي يسيب أخته لواحد زيه برضه مش بيلعب بوطف أخته ( طبعا برضه مش هيرضى ) وده دليل على إن الي بيعمله غلط

يا جماعة أنا بعترض أصلا على بداية القصة من أولها مش بعترض على القصة إن كانت تضيييع وقت ولعب بمشاعر البنات


ده درس جميل جدا للدكتور حازم شومان اسمعوه بعد إذنكم
بعنوان

مجرد علاقة بريئة

تقبلوا رأيي ومشاركتي

[lost*soul]

يا جمااااعة بقولها في الآخر الولد اللي ماشي مع بنت بيوهمها إنه هيتجوزها والكلام ده هو في نيته إنه واخدها بس كدة لحد ما يتجوز ولما يفكر في الجواز عمره ما هيفكر فيها لأنها زي ما مشت معاه هتمشي ما غيره ( ده تفكيره )
وتبقة خسارة البنت أكبر وأكبر

عجبتنى اوى الحته دى

تسلم رامى ع ردك

فعلا لازم كل لبنات تعرف حاجه واحده بتحبنى ف اختراع اسمه تشربالشاى مع بابا

غير كده هيا الخسرانه

ربنا يحمى كل البنات خاصه المراهقات والاباء يخلو بالهم من بناتهم ويديهم كل الحنان حتى ما يورو عليه برة ويكون اصحاب م شاهالى

[Ramy Saad]

فعلا لازم كل لبنات تعرف حاجه واحده بتحبنى ف اختراع اسمه تشربالشاى مع بابا

بس ديه خلاصة الموضوع كله
أنا والله حريص على البنات هي في الأول والآخر أختي وبزعل لما ألاقيها واقفة مع واحد بتدعي قصة حب بينهم
فعلا بتصعب عليا البنت ( رغم إني شايف إنها ممكن أخطأت من الأول إنها تسمح لنفسها بكدة ) بس هي الخاسر الوحيد في النهاية

أدعو الجميع إنهم يسمعوا الدرس اللي نزلته
كلام مهم جدا للاتنين للشباب والبنات

[lost*soul]

شاطر رامى انك عرفت تقرا الكلام ده

لما اخدته اقتباس انا قعدت اقرا فيه ساعه واقول ايه الكلام ده باى لهجه

حاضر هنزل الشريط واسمعه

الله يكون ف عونكو

[Ramy Saad]

ربنا يرزقنا و شباب المسلمين الهدى والتقى والعفاف والغنى