أرجو الدخول وخاصة تالتة ورابعة

[queen]

مش عارفة اعمل ايه فى العقاقير
مش فاهمة اى حاجة فيها
ومش عاره اذاكر منين
ومش بلحق اكتب حاجة ورا الدكتور
ارجوكم ســـــــــــاعــــــــــــدوووووووووووووونــــــــ ــــــــــــــــــى

[..::ciZar_Resala::..]

مين اللى بيدى عندكوا عقاقير ؟؟؟؟

[قناع الذهب]

بصى يا كوين انا مش عايزاكى تستعجلى فى العقاقير دى بالذات يعنى انا بيتهيالى انتوا لسة ما دخلتوش قوى فى المنهج
استنى شوية لانها بتتذاكر بطريقة التجميع يعنى ما ينفعش تاخدى كل نبات لوحدة بال origin , a.c , uses
لازم يتذاكروا متجمعين مع بعض ودة هيبقى كمان شوية يا اما انتى تجمعيهم لنفسك يا اما تستنى فية ورق تجميعات بتنزل
هيا فعلا اجزاء كتير الترم الاول دة بس والله لما تجمعيها هتلاقيها جميلة جدا وهتجمعى فيها درجات كتير وقسم العقاقير كمان حلو اوى ومحدش بيتظلم ف درجات ولا حاجة بس ماتقلقيش وماتستعجليش فى مذاكرتها وبالنسبة للرسم فية تجميعات برضة هتقدرى تحفظى منها الرسم وحاولى تجمعية لنفسك باى حاجة ممكن تثبت فى دماغك
وعايزة اقوللك معلومة مهمة العقاقير دى هيا المادة الوحيدة اللى انا كنت فالحة فيها ههههه

[dr/noony]

شوفى يا دكتورة الورق لسة قدامه كمان اسبوع ولا حاجة على ماينزل
حاولى تشوفى ورق قديم بتاع السنة اللى فاتت ممكن من المكتبة طبعا عارفها ولو أول 3 أجزاء بس لحد ماينزل الجديد
او تطلبى من دكتور المادة انه يعطيكو البوربوينت لحد ماينزل الكتاب أظن ده ابسط حقوقكم

[summer breeze]

بصي ياجميل متقلقيش خالص كلنا كده والله زيك العقاقير من المواد اللي يستحيل اصلا تلحقي تكتبي ورا الدكتور فيها
لازم يكون معاكي كتاب وتحددي ورا الدكتور في الكتاب وحتى دي والله ماكنا بنلحق نعملها وعلشان متتعبيش نفسك ومتتضيقيش اعرفي ع الاقل اسم النبته هو اهم حاجه وبعدها بقى حاولي تنزلي المحاضرات من على النت او استني الكلمه السحريه اولها واء واخرقاء وعلى العموم لو احتجتي اي حاجه ابعتيلي وانا تحت امرك

[queen]

شكرا دكتور ياسر&دكتورة سمسمة &دكتورة نونى على الرد وسرعة الاستجابة
انا مش مستعجلة بس علشان العقاقير تقيلة عاوزة اذاكرها اول بأول مش ساعة الامتحانات
وبالنسبة للباور بوينت يا دكتورة مش هقدر اشوفه لانى فى المدينة
جزاكم الله خير يا دكاترة على الرد
وربنا يوفقكم جميعا يا رب

[dr/noony]

هو فعلا العقاقير تجميعات بس فى الاخر قبل الامتحان بس صدقينى بتوهى لو مكنتيش مذاكرة
أو على الاقل عندك فكرة عن ايه اللى فى المنهج يعنى باختصار متستنيش التجميعات
او توفرى على نفسك وتشترى تجميعات السنة اللى فات مؤقتا وتابعى منها اول باول لحد ما الجديد ينزل
ومتخفيش ابدا من العقاقير هى من اجمل المواد فى شغلها وكل ما تحبيها تحبك وتديكى اكتر
على رأى دكتور عطا الله تغزلى فيهااااااااااااااااااااااااااا

[محمد السيد]

العقاقير بصراحه هي ماده حفظ يعني لكل نبات origin active costitutes uses والرسومات له الي غير ذلك ......من الافضل مذاكرتها أول بأول ومحاوله فهمها بالاضافه للتدريب علي الامتحانات السابقه . بعذ ذلك ان شاء الله سوف تصبح سهله

[queen]

شكرا دكتورة نونى على النصيحة
وبالنسبة للورق القديم هيكون فى المكتبة
ومتأسفة دكتورة سمر مش شفت الرد بتاعك غير دلوقتى وبالنسبة للكتاب لسة مش نزل
عموما جزاكم الله خير على النصايح دى وربنا يطمنكو يا رب وويفقكو

[..::ciZar_Resala::..]

المادة دى أسهل مادة عندكوا يا جماعة .. و معاها الصيدلانيات .. أهم حاجة خدوا بالكوا من العملى لأنه كله متكرر تانى فى النظرى

يعنى اللى يذاكر عملى ترم أول كأنه ذاكر نص المنهج