محاكمة منهج العقاقير
السلام عليكم ورحمة الله وبركاته
في قضية هي الاولي من نوعها تم رفع دعوي قضائية ضد منهج العقاقير وفي اولي جلسات المحاكمة اكتظت قاعة المحكمة بالحضور
القاضي هو : تحقيق المصلحة العامة لطلاب كلية الصيدلة
الادعاء هو: طلبة كلية الصيدلة بداية من الفرقة الاعدادية وانتهاءا بالفرقة الرابعة.
الدفاع هو: اساتذة ومعيدي قسم العقاقير.
عريضة الاتهام:
(1)منهج العقاقير طويل جدا جدا.
(2)لا نعرف ما الهدف الحقيقي لدراستنا له حتي نقيم مدي تحقيق هذا الهدف.
(3)في كل سنة نقوم بدراسة كل انواع النباتات اللي ممكن تخطر علي البال (مع ان ممكن نكتفي بدراسة
النباتات اللي موجودة في بلدنا واللي بتدخل في مستحضرات صيدلية) وبمجرد ما بيخلص الامتحان بننساها كلها.
(4)لا نعرف مجالات العمل بالنسبة للصيادلة والتي لها علاقة بالاعشاب(غير الquality control).
(5)كل ليلة امتحان عقاقير لا تتصوروا مدي معاناتنا (منهج طويل جدا- الorigins بتدخل في بعضها_توتر فظيع.....)
(6)هناك فروع مهمة مثل ال (herbal medicine) لا تاخذ حقهافي الشرح(اذ تم الاكتفاء فيها بمحاضرة واحدة) وفي المقابل تمت الاستفاضة في تدريس اشياء اقل اهمية.
لكن الحق يقتضي ان اذكر بعض محاسنه:
(1)منهج المخدرات للدكتور حسن الراضي بصراحة مفيد جدا وعارفين احنا ليه بندرسه.
(2)اساتذة القسم بصراحة متعاونين معانا وبعضهم بدا يدخل اشياء جديدة نافعة للمنهج مثل دكتور اسامة بشير ودكتورة سحر وغيرهم. كمان دكتورة مديحة نزلت لنا المنهج السنة دي (power point) من غير كلمة سر ._ودكتورة مني زغلول كانت بتحاول تربط الجزء اللي بتدرسة بالواقع وبتقول علي اشياء ممكن نستفيد منها.
(3)المعيدين مثل (د/باهر-د/محمد رضا)متفانيين في شغلهم معانا بصراحة.
لكن تبقي الحاجة لتعديل مناهج العقاقير لتصبح اكثر نفعا وياريت يتم ازالة الحشو اللي مش مفيد علي الاطلاق
واللي بجد اكتر من قدرتنا كبشر علي الحفظ _ ويتم تدريس فروع اخري اكثر افادة لنا كصيادلة في مادة العقاقير.
خصوصا ان التداوي بالاعشاب مهم وفيه دول كتير زي اليابان متقدمة فيه. طيب ليه مايتدرسش بطريقة صح تخلينا
نستفيد منه.؟!!!!!!!!
ياريت اي حد عاوز يضيف حاجة لعريضة الاتهام يبعت رد علي الموضوع واحنا عي انتظار رد هيئة الدفاع(اساتذة قسم العقاقير)بهدف الوصول لحل (حكم)في هذا المشكلة.(القضية).
شكرا
رد مع اقتباس
المشاركة الأصلية كتبت بواسطة dr/noony
.gif "Fop (29)")
