يا ليله العيد انستينا

[drsherbiny]

كل سنه وانتم كلكم بخير وطيبين يا رب وناجحين باذن الله والسنه اللي جايه تكونوا عديتوا للفرقه اللي بعديها

ومتنسووووش صلاه العيد

[بنت مصر]

السلام عليكم
حبيت اقول لكل الناس اول يوم العيد كل سنه وانتم طيبين
ويارب يبقى عيد سعيد لينا كلنا

[pharmacistina]

فكل واحد يقول هيعمل ايه في العيد ؟؟؟

تقريبا فات أول يوم .. لسة مخرجتش برا بيتنا .. كمان شوية لما نصلي العصر هنبدأ نخرح تقريبا هيكون عند أهل ماما .. كلهم بيوتهم جمب بعضها ..
العيد بالنسبالي أول يوم بس .. بحس كدة

العيد بيمثله ايه يعني بيعنيله ايه ؟؟؟؟

العيد فرحة .. و أجمل فرحة .. تجمع شمل قريب و بعيد ..

هل العيد الوقتي ليه نفس الطعم بتاع زمان ولا اتغير ؟؟؟

أكيد لأ .. مختلف كتيــــــــــــر .. زمان و أنا طفلة كنت بنيم الألعاب الجديدة جمبي ليلة العيد .. و كنت ببقى مبسوطة أوي بشكل كبير بالعيد و أتمنى ان الليلة تفوت و معرفش أنام م كتر ما أنا مبسوطة ..
لكن دلوقت محدش جابلي لعبة جديدة .. تقريبا كدة بيقولوا اننا كبرنا خلاص ع الألعاب .. بناخد حقنا ناشف كاش يعني
.. و أنا العيدية الفلوس عندي من زمان مالهاش أهمية أوي ..


هل حصل تغيير في حياتك من العيد اللي فات ؟؟؟
أيوة .. دة أول عيد ليا و أنا خالة .. دة أحلى تغير و أهم تغير
في نونو صغير .. اسمه زياد ..
جه لأسرتنا خلى بابا جد و ماما جدة و أنا خالة
يا رب يخليك يا زودة يا عمري و عقبال العيد الــ 100 و انتي طيبة يا روح قلبي ..

و الله لو هنا كنت اديتله كل الفلوس اللي معايا عيدية .. و لو انها هتكون من نصيب مامته لأنه لسة طفل رضيع ..

هوا العيد ده بالنسبالك حاجة روتينيه ولا فعلا انته بتعمله حساب ؟؟؟
بصراحة حاجة روتينية زي العيد اللي فات و اللي قبله و اللي قبل قبله و اللي .. ههههه.. كان ممكن يبقى مش روتيني لو أختي الكبيرة هنا معانا .. لكن هي مسافرة خارج مصر ..

دلوقت كمان شوية هنخرج و ان شاء الله هتبسط هناك ..

[Mohamed Al Gohary]

انا صليت العيد فى مسجد الصديق وكانت الصلاه حلوه اوى وكلها تجلى ما شاء الله ..

[drsherbiny]

تقبل الله منا ومنكم صلاه العيد يا جوهري

انا في نظري هوا ده العيد شعووور جميل لما تلاقي الناس كلها كده بتصلي وفرحانه

تحس ان في لسه خير