لازم وقفه بجد

**عايشه لسه** · 26-09-2008, 09:17 PM

بسم الله الرحمن الرحيم
زملائي وزميلاتي من ابناء الكليه الموقره
اول مادخلت الكليه كنت محبطه وحاسه ان احلامي اتحطمت على صخرة صيدله وده بسبب الايحاء اللي ايداهولي كل اللي حواليا سواء اهلي او اصحابي اوحتى الناس اللي في صيدله وهوه ان اقصى نجاح ليا كصيدليه هو اني امتلك صيدليه خاصه بيا اقعد فيها مستنيه العدل قصدي الزباين .
وبالطبع ده احبطني لحد امبارح بس ماقبلت زميله لينا في الكليه جامعة طنطا اول حد احس انه ايجابي بيبص للصيدله انها مهنه بجد محتاجه اجتهاد الانسانه دي بتقضي شهرين في الصيف تاخد قرص اكلينيكال في الجامعه الامريكيه وسعره كويسا نسبيا ده غير كورسات الكمبيوتر والانجليزي والاسعافات والتنميه البشريه اللي بتخدهم على مدار السنه وبتحاول تحرص عالتدريبات الصيفيه في الشركات ووجهة نظرها ان احنا لازم نخرج من الكليه بc.vمشرف عشان نقدر نشتغل في مكانه كويسه ولما نوصل للمكانه دي نبقى نفكر نقتح صيدليات
انا انبهرت بيها ونويت اني احاول باذن الله اخرج من الكليه انسانه محترفه في مجالي وملمه بلغات العصر ومكسلش لحد مخلص الكليه وبعدين افكر في المهارات دي
انا محتاجه مساعدتكم لو اي حد يعرف اي اخبار عن قرصات من اللي قلتهم في الجامعه يقولي وبقترح اننا نكون عالمنتدى مكان نسميه طور نفسك تنزل فيه اخبار الكورسات دي اول باول ونشجع فيه بعض اننا نكون نافعين لمجتمعنا ونغير الفكره اللي متخده عن النهايه المتوقعه للصيدلي في الصيدليه ياااريت رايكم واقتراحاتكم

**d\omnya** · 26-09-2008, 10:10 PM

ياريت واللة بجد لانى بحس ساعات ان احنا معندناش اهداف وطموحات غير ان احنا نخلص الكلية وشكرا ع الموضوع الحلو دة وياريت فكرتك تتنفذ.

**lolla** · 26-09-2008, 10:20 PM

اوك انا معاكى ان احنا محتاجين كورسات ومحتاجين نطور نفسنا ومش نكون مجرد بياعين فى صيدليةوفعلا الكورسات دى هاتفرق كتير جدا......وحتى لو احنا كبنات كده كده اخرنا وقوف فى صيدلية اكيد فيه فرق بين واحد واقف متعلم كويس وخبرته كبيرة ويعرف يتعامل مع الناس وبين حد كل البيعمله انه بيبيع وبس

**dr_chamommile** · 26-09-2008, 10:31 PM

فكرة جميلة فعلا ويريت بجد اي حد يعرف اي كورسات تفيدنا

وناخدها امتي

يعني مثلا فيه كورسات مينفعش ناخدها غير بعد دراسة الفارما وهكذا

يبقي زمايلنا الكبار يعرفونا

وشكرا علي الفكرة الجميلة ويريت الكل يشارك

**عبدالله عبدالرحمن** · 26-09-2008, 10:46 PM

كلام مظبوط جدا ومهم
ولكن بالنسبة للكورسات
هبقى اسأل وارد تانى
شكرا

**عايشه لسه** · 26-09-2008, 11:40 PM

شكرا على الردود واتمنى الكل يشارك يدينا معلومه او يشجعنا والناس اللي جربت تاخذ قرصات ياريت ينصحونا ويكلمونا عن تجاربهم

**Anas** · 27-09-2008, 12:06 AM

كلام جميل جدا يا دكتورة
و شيء كويس ان يبقى عند حضرتك الطموح و الغيرة المحمودة دي

و بالنسبة للكورسات

الجمعية العلمية لطلاب الصيدلة بالمنصورة
Scientific Assosciation for Mansoura Pharmacy Students " SAMPS "

بتقدم كورسات زي اللي حضرتك ذكرتيها و أكتر

كان عندنا في الصيف اللي لسه خلصان ده
كورس هايل فيه كلينيكال و تنمية بشرية
و أكتر من كده بكتير

حضرتك تفضلي بزيارة قسم الجمعية العلمية هنا بالمنتدى

أو حضرتك تشرفينا قريبا في المقر الجديد للجمعية العلمية بالكلية

و ان شاء الله حضرتك تلاقي اللي بتضوري عليه و أكتر من كده بكتير

و أي استفسارات بالنسبة للكورسات دي ... حضرتك ممكن تسألي عنها في الجمعية العلمية

و شكرا ;

**عايشه لسه** · 27-09-2008, 02:35 PM

شكرا دكتور انس على الافاده وهحاول اشترك في الجمعيه انا زرتهم عالمنتدى وبجد حاسه اني هستفيد انشاء الله
شكرااااا تاني

**Anas** · 27-09-2008, 08:00 PM

المشاركة الأصلية كتبت بواسطة عايشه لسه

شكرا دكتور انس على الافاده وهحاول اشترك في الجمعيه انا زرتهم عالمنتدى وبجد حاسه اني هستفيد انشاء الله
شكرااااا تاني

العفو يا دكتورة

و أهلا بحضرتك في الجمعية العلمية

و ان شاء الله تستفيدي منها زي ما كلنا استفدنا

**trialless** · 27-09-2008, 08:18 PM

اممممممممممممم

لسه شايف اعلان تنميه بشريه 18 اكتوبر

لدوكتور ابراهيم الفقى

" يحصل المتدرب على شهاده معتمدمه من المركز الكندى للتنميه البشريه "

قيمه الحجز 107.4 جنيها

ده محتوى الاعلان

بس بالنسبه للحجز فانا مش عارف للاسف

الموضوع: لازم وقفه بجد

أدوات الموضوع

عرض

لازم وقفه بجد

المواضيع المتشابهه

وقفه مع الشعر الحلمنتيشي (يام الملايه اللف)

وقفه •. لفته •. موعظه •. تذكره •. وخاتمهـ •.!

لازم يعنى كل مرة كدا ؟!!

وقفه مع النفس

لازم تنجحى

ضوابط المشاركة