تحذير تحذير لاتشرب الدواء الدواء فيه سم قاتل !!!
السلام عليكم ورحمه الله وبركاته
طبعا اغلب الناس اللي هتقرا اسم الموضوع بتاع النهارده هيتصوروا ان الموضوع له علاقه بمهنتنا مهنه الصيدله وبالادويه الفاسده وانحدار مستوى الصيدلي والحاجات دي كلها .............لكن بصراحه الموضوع لايمت للمهنه بتاعتنا بصله
في الحقيقه انا اخترت العنوان ده لاني لقيته مناسب جدا لوصف فئه معينه من الناس احب اسميها فئه ::::::::::
(بخاخي السموم )
مين هما الناس دول ؟؟؟؟؟؟؟؟؟؟ دول الناس اللي بيدخلوا حياتك علشان يدمروا او يخربوا قيمه حلوه فيها وطبعا هو او هي يستحيل انه هيدخل بوجه مكشوف ويخرب عليك حياتك لا هو في الاول لازم يتوددلك ويعمل نفسه من اصحابك المقربين ويهمه جدا امرك ومصلحتك لحدمافعلا ياخد الامان وانت تعتبره واحد من اصحابك ساعتها بس لما يتمكن يبتدي يبخ سمومه وللاسف مبيبخهاش غير على اقرب الناس ليك يعني ييجي مثلا يفرق بينك وبين واحد صاحبك
ده قال عليك كذا وكذا ده بيتكلم عليك من ورا ضهرك ده بيعمل وبيسوي او يستغل مثلا وجود خلاف بسيط بينك وبين صديقك ده وبدل ما يهدي الامور يشعلل الدنيا ويشحن الجو وللاسف الشديد هو بيقدملك السموم دي في صوره دوا هو اللي هيخففك ويخليك تتعافى من اثر الصدمه والخيانه اللي صاحبك الحقيقي عملها فيك لكن في حقيقه الامر هو بيسممك وعاوز يموت كل حاجه حلوه جمعتك بالشخص ده في يوم من الايام وفي الاخر هيسيبك ويمشي بس بعد مايتاكد من نجاح خطته ..........
والسؤال اللي حابه اني اطرحه عليكم دلوقتي ونتناقش فيه سوا هو ايه السبب اللي يخلي حد يتصرف بالشكل ده؟؟؟وهل حد منا اتعرض لموقف مشابه ؟؟لو في ياريت يقولنا هو شرب الدوا المسموم ولا لا ؟وكان ايه موقفه من بخاخ السموم ومن صديقه اللي اتظلم ؟
بستنى اراؤكم في الموضوع ويارب يكون عجبكم
==============================
Gohary
رد مع اقتباس
المشاركة الأصلية كتبت بواسطة Gohary
