أيهما اجمل قلب يحبك أم عين تحترمك

[shaimaa]

أيهما أجمل قلب يحبك أم عين تحترمك ؟!

جميلٌ أن يوجد في الدنيا قلب ٌ يحبك

وأجمل منه أن يكون ذاك القلب طيب ٌ وصادق

ونقي !
جميلة هي نظرة الإحترام ...

والنظرة قد تكون نظرة بالعين أو نظرة بالكلمة

كأن تنطق العين نيابة عن اللسان أو ينطق اللسان بنفسه

أو تنطق اليد بكلمات تكتبها

جميلة تلك النظرة إن كانت من أي شخص ...

الأجمل أن تراها في عين شخص تحترمه وتقدرّه....

ذاك يعني لي الكثير ............

ربما أهتم بالحب كثيراً ............

ولا أدري إن كان الاحترام لابد أن يكون مقروناً بالحب أم لا؟؟؟

أقصد الحب الطاهر ..الحب الإنساني ..بالطبع

لكني لاأنكر أن نظرات الاحترام تصنع مني انساناً آخر ...

كبارٌ أولئك الذين يحترموك بتواضعهم ...

شخصيات أحترمها ولازلتُ ... ولها مني كل تقدير

لها مواقع اجتماعية راقية ....

حين تقدم لي كلمة احترام ...فماذا عسايّ أفعل ؟!

لا أدري ...هل يفهم أحدكم معنى ما اكتبه ....

أو جرّب هذا الشعور ...

دمتم بحب وإحترام ....

الحب جميل إن كان صادقاً ....

الاحترام جميل إن كنا نستحقه !

الحب بسمة صادقة ..والإحترام وردة تُغرس في أرض قلبك فتنعشه !



شاركوني فرأيكم حتماً يهمني،،

[قناع الذهب]

جميل قوى يا شوشو موضوعك وانا لو هختار مش هقدر اختار بس انا نفسى فى الاتنين مع بعض

[د\بوسى ربيع]

موضوع رائع يا شوشو بس انا كمان اتمنى الاتنين بس الاحترام مش شرط يكون مقرون بالحب لانك ممكن تحترمى انسان جدا ومش بتحبيه بس تصرفاته تخليكى تحترميه وومكن تحبى انسان وتصرفاته تخليكى تكرهييه يعنى لو هنقدم حاجه على حاجه يبقى الاحترام عن الحب

[Mohamed Al Gohary]

قلب يحبنى فيعطى لى كل شىء .. وعين تحترمنى فترفعنى فى عين نفسى وعين الناس ..

[sa3dany20002002]

ممكن لشخص ان يفرض عليك احترامه
لكن مستحيل ان يفرض عليك حبه

انا من رايي ان الاحترام اقوى من الحب
لانى ممكن احترم شخص وانا مش بحبه
بالعكس دا ممكن يكون عدو او خصم
ولكنه يجبرنى على احترامه


بس صعب انى احب شخص لا احترمه
ده مش هيبقى حب ..فيه مصطلحات تانيه
ممكن تعبر عن الشعور ده..بس مش الحب

[lost*soul]

انا اختار الحب

مش مهم عندى يحترمنى اكتر ماكهم يحبنى

لان بالحب هيحترم مشاعرى وحافظ عليها من قلبك ومن برة كمان

لكن الاحترام ممكن يكون شئ للظاهر وبس وده ماي كفى

[summer breeze]

ممكن لشخص ان يفرض عليك احترامه
لكن مستحيل ان يفرض عليك حبه

انا من رايي ان الاحترام اقوى من الحب
لانى ممكن احترم شخص وانا مش بحبه
بالعكس دا ممكن يكون عدو او خصم
ولكنه يجبرنى على احترامه


بس صعب انى احب شخص لا احترمه
ده مش هيبقى حب ..فيه مصطلحات تانيه
ممكن تعبر عن الشعور ده..بس مش الحب

الموضوع فكرته جميله قوي يا شيماء وبصراحه راي د/ساندي هو رايي بالظبط مش هقدر ازيد عليه حاجه لانه عبر عن كل اللي انا كنت عاوزه اقوله

[dr.nonna]

انا مع lost soulاللى بيحب حد لازم يحترمة اساسا الاتنين مرتبطين ببعض

لو واحد حبنى هيعرف ازاى يحترم مشاعرى

[Dr/HULK]

اجابة لسؤال حضرتك المهم عندى هو







جيب يأكلنى وياريت يكون اكل كويس










طبعا انا بهزر .اكيد لو قلب بيحبنى يبقى اكيد انه هيحترمنى ولو غير كده يبقى مفهوش اى حاجة من الاتنين

[sa3dany20002002]

الموضوع فكرته جميله قوي يا شيماء وبصراحه راي د/ساندي هو رايي بالظبط مش هقدر ازيد عليه حاجه لانه عبر عن كل اللي انا كنت عاوزه اقوله

ساندى دى بقى تبقى مين ان شاء الله
sadany= السعدنى
_____________________
واتمنى فعلا ان رايى يكون قريب منكم
_________________________________
محمد السعدنى