الحلقة الخامسة Dr.Baher على كرسى الاعتراف

[summer breeze]

السلام عليكم ورحمه الله وبركاته

كل سنه وحضرتك طيب يا د/ باهر ورمضان كريم عليك وعلى الامه الاسلاميه كلها ويارب اجعله شهر عزه ونصره للاسلام والمسلمين

طبعا ياد/ حضرتك نورت الكرسي وبادره جميله جدا من حضرتك انك قبلت تكون معانا وتسمع اسئلتنا اللي ممكن تكون بتتناول جوانب من حياه حضرتك الشخصيه وحضرتك بتقولهالنا ببساطه وبروح حلوه وكلنا حسينا من اجاباتك انك اخ اكبر لينا فبجد بشكر حضرتك على الروح الحلوه دي وعلى البادره اللطيفه

ودلوقتي بقى جه دور الاسئله وزي مازوزو ونور قالوا ان فرصه وجود حضرتك على الكرسي فرصه لن تعوض فانا برضه هستغل الفرصه دي واسئل حضرتك شويه اسئله

من وجهه نظر د/ باهر ماهي الوصفه السحريه للوصول الى حب الطالب وثقته واحترامه؟
احنا كطلبه الكثير من الدكاتره بيعلقوا في اذهاننا ودائما نتخهم مثل اعلى وقدوه لينا ......لكن حضرتك كمعيد ومن استف هيئه التدريس مين الطالب او الطالبه اللي مازال عالق بذهن الدكتور باهر ؟ ومالسبب؟؟؟؟؟
د/باهر لاسمح الله في مشكله .....اول باب يطرقه ؟؟؟؟؟؟؟

ميزانيه البحث العلمي من اكبر المشكلات التي تواجه الباحث في مصر وفي اغلب دول العالم الثالث
د/ باهر حس بالمشكله دي خلال مسيرته العلميه ؟وهل ضعف ميزانيه البحث العلمي عائق في وجه العلماء والباحثين الكبار فقط ولا عائق امام طلبه الكليات العلميه ايضا؟؟؟؟
..........واستكمالا للنقطه دي يادوكتور احنا بنسمع ان ميزانيات الجامعات كبيره جدا بتصل للملايين هل دي حقيقه ولا اشاعات واذاكانت حقيقه ليه مبنحسش بده في امكانيات الكليه مع العلم اننا بندفع مصاريف كبيره وكمان اسعار
الكتب مرتفعه !!!!!!!!!!!!

د/ باهر مدرس مساعد بقسم العقاقير يجد متعه اكبر في الشق النظري ام العملي من العقاقير؟؟؟؟
ظاهره ملاحظه للجميع هي ارتفاع اعداد طلبه الكليات العلميه بشكل كبير...من وجهه نظر حضرتك هل كثره العدد تدل على ارتفاع المستوى العلمي للطلاب ؟؟ وهل الاعداد الكبيره من الخريجين تخدم المهنه وتعمل على الرقي بها ام العكس ؟؟؟
لو كان د/ باهر عضو لجنه تحكيم وطلب منه ان يعطي وسام الاخلاق وسام الوفاء وسام الشرف وسام الامانه وسام الابداع ووسام الاجتهاد فمن هم الاشخاص الذين يمنحهم د/ باهر هذه الاوسمه ؟

المظاهرات في الحرم الجامعي حاجه كلنا شفناها والاراء منقسمه حولها بعض الاراء ترى ان الحرم الجامعي محراب للعلم ولا يصح ان يكون مسرحا للتعبير عن الاحداث السياسيه والبعض الاخر يرى ان الشباب هم نبض الامه وان الجامعات هي المكان الامثل لقيام التظاهرات بحكم انها تحوي اكبر تجمع للشباب في المجتمع
الى اي الاراء يميل د/ باهر ؟واذا افترضنا ان حضرتك من المؤيدين ففي اي المظاهرات يمكن ان نرى د/ باهر ؟؟؟

عاوزه اعرف من حضرتك ايه قرانيه تؤثر في د/ باهر ,وحديث نبوي تحبه ,وحكمه يتبعها د/ باهر في حياته ؟
هل الصيدلي خريج جامعه المنصوره مميز عن الصيدلي المتخرج من كليه الصيدله التابعه لاي جامعه اخرى؟؟

د/ باهر لمسنا من كلام حضرتك حبك الشديد لوالدتك ...لو طلبت من حضرتك تهدي ماما كلمه تحب تقولها ايه ؟

ولان حضرتك اخونا الكبير مش هنسيب حضرتك بس تهديها كلمه احنا كمان هنهديها القلب والورود دي منننا كلنا من اخواتك واولادها اعضاء منتدى كليه الصيدله



وفي الختام كل سنه وحضرتك طيب وياريت متكنشي اسئلتي طويله عليك وتقبل امنياتي انا وجميع الاعضاء لحضرتك بمستقبل مشرق وحياه سعيده

[Dr nour]

بأشكر سمر وبحييها على اسئلتها لأنها بجد مفيده جدا يمكن تكون من أفيد الاسئله اللى اتسألت لدكتور باهر
واحنا فى انتظار رد الدكتور باهر عليها

[Mohamed Al Gohary]

ان شاء الله دكتور باهر مش هيتأخر أبدا ..

[summer breeze]

بأشكر سمر وبحييها على اسئلتها لأنها بجد مفيده جدا يمكن تكون من أفيد الاسئله اللى اتسألت لدكتور باهر

ربنا يخليكي يانور ده بس من ذوقك واكيد الاسئله هتحلى وهتجيب فايده اكتر لما د/باهر يزينها باجاباته بس يارب ماتكونش طويله على الدكتور

[wh_kaboo]

اهلا بيك يا دكتور باهر ازى الصحة والاحوال
فيه سوال صغير كده
ياريت تقولنا على طريقة لمذاكرة الفيتو علشان احنا حاسين انه صعب قوى ؟؟؟
وجزاك الله خيرا ومسينين باقى الاجابات

[dr_chamommile]

منتظرين اجابات حضرتك يا دكتر باهر وماشاء الله ردودك كلها مميزة

[boymooot]

المصريين كلهم مستنين رد الدكتور باهر
واحنا معاهم

[dr queen]

ظاهره لا تعجب حضرتك بين طلبه الكليه..............وتتمنى زوالها

انتو عارفين ان ايام ما كنا طلبة كنا حاسين بقيمة نفسنا قوي و عارفين ان احنا اكتر ناس فاهمين في الدواء و لينا قدر عظيم قوي

الحكاية دي بدات تقل في قلبكم و تنعكس علي تصرفاتكم يعني الواحد سعات ما يحسش ان اللي واقف قدامه دكتور صيدلي طبعا دول قلة ، الاقي مثلا ناس قاعدة علي السلم و مفترشين الارض و اقول في نفسي ليه التقليد الاعمي دة لطلبة تانيين من كليات تانية .........فين القيمة

و الله يا جماعة الواحد كان بينكسف يقعد علي الرصيف مش علي السلم او الارض لاننا كنا بنقول احنا دكاترة ازاي نعمل كدة
و دة مش غرور و اللي انتو بتعملوه مش تواضع

ما تزعلوش مني لان دي حكاية انتو شيفنها بعنيكم و انا فعلا بزعل منها

السلام عليكم ..

أنا كنت بس حابه اعلق على رد حضرتك ده يا د/ باهر ..

الموقف اللى حضرتك قلته ده اكيد بيضايقنا كلنا زى ما بيضايق حضرتك ويمكن اكتر لان مافيش حد يرضى لنفسه بكده ،
واكيد اللى بيعمل كده بيبقى غصب عنه وبيبقى مضطر ،

يعنى احنا لقينا حاجة تانيه نقعد عليها وقلنا لآ !!!!!!!

واكيد اللى بيعملوا كده بيكونوا معظمهم منتظرين سكشن او محاضرة وبيكونوا متعبين فبيضطروا
انهم يقعدوا على السلم او ما شابه يعنى ..

انا مش بدافع عن الكل .. انا بتكلم على اساس حسن النية وان الناس بتعمل كده فعلا لانهم مضطرين ..

ومن ناحية احساسنا بقدرنا أوبأننا دكاترة يمكن يكون أقل من احساس حضرتك ( زى ما حضرتك قلت )
يمكن يكون ده لعدة اسباب ومنها اننا ما وجدناش الاهتمام بينا والعمل لراحتنا ولو فى ابسط الاشياء زى اماكن الانتظار دى ..

يارب تكون وجهة النظر واضحه ،
ولو عند حضرتك اى حل ياريت تقولنا عليه واحنا اكيد ان شاء الله هنعمل بيه ..

وجزاكم الله كل خير ..

[Dr. Baher]

انا اسف اني غبت عنكم بس الموقع عندي كان فيه مشاكل و اوعدكم بمواصلة حديثي

خصوصا ان اسئلة د سمر الاخيرة عجبتني شخصيا زي ما حلوة ديما اسئلتكم اللي ديما عجباني

[lost*soul]

ننتظرك د_ باهر بكل خير