الحلقه الرابعه Anas على كرسى الاعتراف

[pharmacistina]

ليه كده يا فارماستينا لسه يوم ونص بحالهم بس يارب د/ انس يلحق يخلص الاسئله اللي عنده بسرررررررررعه وماتكونش عنده ظروف تمنعه علشان نفسي اشوف اسئلتك قوي

مقدرش أزعلك يا دكتورة summer breeze
ما تزعلش يا د- أنس أسئلتي سهل خالص .. هتحل كويس ان شاء الله

[pharmacistina]

Mansoura University
Faculty of pharmacy
Health department

All the followig questions to be attempted

أولا : أسئلة متعلقة بالثقافة الدينية ..

أ-

بسم الله الرحمن الرحيم

( و من المؤمنين رجال صدقوا ما عاهدوا الله عليه فمنهم من قضى نحبه و منهم من ينتظر و ما بدلوا تبديلا )

اعط مثال لشخصية ترى الآية تنطبق عليها .. مثال من العصر الحديث مش من زمن الصحابة ..

5 marks

ب- من هو الكريم ابن الكريم ابن الكريم ابن الكريم ؟
سيدنا محمد ( ص) ــ سيدنا يوسف عليه السلام ــ سيدنا نوح عليه السلام

5 marks

..............................................

ثانيا: أسئلة متعلقة بالعلاقات الأسرية ..

بم تنصح كلا من الحالات الآتية :

أ- زوج يضرب زوجته عند حدوث خلاف بينهم , و العكس .

5 marks

ب- أخ يكتشف أن أخته على علاقة بشاب .

5 marks

.................................................. ..............................

ثالثا : أسئلة متعلقة بما يهم الشباب :

أ- بم تنصح شاب مختلف مع أهله على الارتباط بفتاة معلينة ..علما بأن اقناع الأهل بتقبل الفكرة مرفوض .. ولا عيب أخلاقي في الفتاة .

5 marks

ب- هل تقبل الارتباط ( زواج يعني مش كلام فارغ ) بها كل المواصفات التي ترغب بها و تعلقت بها .. لكن عيبها الوحيد انها مش محجبة و لبسها غير شرعي اطلاقا و ماعندهاش استعداد تغيره أبداا ..

5 marks

.................................................. .

رابعا : أسئلة متعلقة بالثقافة التليفزيونية

أ- ( بتقولي أقف .. بعد 14 سنة خدمة في ثانوي بتقولي أقف .. المدارس باظت يا جدعان )
من قائل هذه العبارة و هل تحب أعماله ؟؟ و في أي عمل تليفزيوني سمعتها ؟؟

5 marks

ب- من هما الفنانان اللذان قاما بدور القائدين للعملية في فيلم الطريق الى ايلات ؟

5 marks

على فكرة أنا جايبة أسئلة من أسهل ما يمكن ..

.................................................. ..............

خامسا : أسئلة عامة
ا- ما هي حدود الزمالة بين الولد و البنت في نظرك ؟؟ هل الزمالة تكفل الكلام ع الماسنجر و ع التيليفون ؟ هل تكفل الوقوف في الكلية ؟

5 marks

ب- هل عيب في رأيك ان الرجل يساعد زوجته في شغل الطبخ و التنظيف في البيت ؟؟ و ازاي تقدر تضبط كمية الماية اللي تتحط ع الرز عشان يطلع مزبوط ؟

5 marks

[Anas]

أنا غلطتي اني قلتلكم اسألو

بس ولا يهم حضرتك يا دكتورة

الاجابات قريبا جدا ان شاء الله

ده احنا جدعان قوي

[pharmacistina]

ماشي في انتظار .. الردود يا دكتور

[lost*soul]

وحضر معاها اجابه ع السؤال ده

ليه كل عضو بيظهرله اسمه ف سؤال مين اكتر الاعضاء بتحب تقراه مووضوعه؟؟؟؟؟؟؟؟

استخفاف بالاعضاء؟

ضحك علهم؟

كسب ود زائف؟

بحسك شيخ ع المنتدى ياترى شايف ان دى من باب الدين صح؟؟؟؟؟

انا حاسه ان ده عيب وغلط ايه رايك فكلامى ده ؟؟

[pharmacistina]

عضو تحرص على قراءة مواضيعه

pharmacistina

مش عارفة أقول ايه .. هو عادي و الله مش هتفرق بالنسبة ليا أبداا ..

[lost*soul]

عضو تحرص على قراءة مواضيعه



lost*soul

حرام ده ولا حلال

[lost*soul]

اخر سؤال

تفتكر انت اهل ثقه؟؟؟؟؟


ياريت جوهرى الحلقه ماتتقفل لما يجاوب ع اسئلتى

[Anas]

كنت ناوي أنزل إجابات الأسئلة بالترتيب
لكن بعد اذنكم هخل بالترتيب بسبب السؤال ده لانه عجبني ... اعذروني
لانه بينم عن شخصية لماحة شوية و قوية الملاحظة‎ ‎شويتين و متربصة تلات شويات

مطولش عليكم

وحضر معاها اجابه ع السؤال ده

ليه كل عضو بيظهرله اسمه ف سؤال مين اكتر الاعضاء بتحب تقرأ موضوعه؟؟؟

استخفاف بالاعضاء؟
ضحك عليهم؟
كسب ود زائف؟

الاختيارات غلط ...... !!!!!!!
الاجابة يا حضرة الدكتورة هي اني بقرأ معظم ان لم يكن جميع المواضيع من أي عضو
و مستحيل اني أكتب أسماء أعضاء المنتدى كلهم في اجابة السؤال ده
فعملتها بطريقتي
و كنت قايل للجوهري اني عامل حركة في الرد و هبقى أقول عليها في الآخر

بس التفكير بتاع حضرتك ده هو اللي اضطرني اني أجاوب عليه بدري شوية
لاني خفت ان حد تاني يفكر بالطريقة بتاعت حضرتك دي
بس مظنش ان في كده ..... أصلها مسألة نوايا مش أكتر


‏*‏ اجابات باقي الأسئلة حسب ترتيبها

و شكرا

[Anas]

15/متى بدأت ف استخدام الانترنت؟

بعد تالتة اعدادي

16/ ماهى خططك المستقبليه ؟

أسافر بره و اشتغل في مكان محترم ... بس مش يكون في صيدلية

17/ دخلت صيدله ليه ؟

بمزاجي

هل بسبب التنسيق

الحمد لله ... لأ

رغبتك

طبعا

رغبة الاهل

كانو سايبني بمزاجي ... مضغطوش عليا ولا حاجة

18/ماهى حكمتك ف الحياه او فلسفتك فيها ؟

عش في الدنيا كأنك غريب أو عابر سبيل

19/ متى تشعر بدمعه القلب ؟

عند خيانة صديق

20/ لو اجبرت على قرار لا يوافق رغباتك ولا احلامك من شخص له سلطه عليك زى ولى الامر مثلا ولدك
ماذا تفعل ؟ تستسلم للقرار ولا تقاوم ؟ مع العلم ولدك مصر على موقفه بشده

حصلت مرتين بس ... و أنا اضطريت أعدي الموقف منعا للمشاكل

21/ موقف مازلت تحتفظ بيه ف زاكرتك منذ الصغر ما هو ؟

مش موقف معين
هو أول حاجة افتكرها من و أنا صغير
كنت في المستشفى و أنا عندي 3 سنين بعمل عملية في القلب
و كان معايا جدي رحمة الله عليه و عمي
و كان في حوالي أسبوعين قبل العملية كتجهيز يعني
و يوم العملية كانو هيودوني أوضة العمليات ... و كانو بيزقو السرير على عجل
و انا عمال اتنطط على السرير و مش عارفين يسكتوني

قمت واقع على الارض و دماغي اتفتحت و اتاجلت العملية ...
بس الحمد لله ... جت سليمة

22/سؤال قلقان ان حد يساله ليك ومرعوب منه ؟؟

مظنش

23/ ايه اول انطباع الناس بتخده عنك ؟

اللي بيوصلني ... اتنين
في ناس بيوصلهم اني مغرور جدا و متكبر " مش عارف ليه " ... و ناس تانية اني طيب و مليش في حاجة

بس الحمد لله ... الناس الاولانيين معظمهم بيغيرو فكرتهم دي ... الا من رحم ربي

24/لو حد قالك انت مغرور ايه ردك عليه ؟؟

اسأله انت قلت كده لييييييييه ؟

25/احيانا بيكون ردك ع المواضيع مختلف بس بيبقى عنيف شويه وفيه شئ من الغلظه

ايه رأيك ف الكلام ده ؟[/QUOTE]

ممكن لو في مناقشة ببقى متمسك برأيي حبتين

26/قالو انك مثير للجدل والفضول ........ياترى انت فعلا كده ؟؟ ولو كنت مثير للجدل فعلا هل انت كنت قاصد كده ؟؟

اسألي اللي قالو

27/ ياترى بتحب الشهره والجوده ؟؟ وايه السبب؟؟

الشهرة ... لأ و الحمد لله
ثم شهرة على ايه

28/ هتعمل ايه لو بقيت رئيس للجمهوريه لمده اسبوع ؟ ايه هتغيره ؟ وياريت توزع الاعضاء الكرام بتوعنا ع الوزرات ؟

ده مستحيل ... لو سمحتم يا جماعة حد يبلغ عن الناس دي

29/ هتعمل ايه لو بقيت عميد للكليه لمده اسبوع ؟

أفصل البنات عن الشباب ... و اخلي الامتحانات كلها اختياري و اكمل و صح و غلط ... و تبقى كلها عالكمبيوتر

و أزود الدعم المادي للشغل العملي بالكيماويات

و أعمل مقابلاش شخصية مع الطلبة اللي مقدمين في التنسيق

30/ايه رأيك ف صداقه البنت والولد ؟

مظنش ان ليها نتيجة كويسة

31/ هتعمل ايه لو خطيبتك بعد كده قالت ليك انس العصمه تبقى ف ايدى انا مش انت ؟

آخد منها الدبلة !!!!!!

32/ ليه غيرت اليوزر بتاعك من دوك انس ل انس ؟ هل تحب الناس عالمنتدى ينادوك من غير دوك ؟ ولا ايه الهدف ؟

غيرته بعد الامتحانات على طول ...و كان نفسي أغيره من زمان
لاني بتخنق من كلمة دكتور دي ... و خصوصا لما تتقال من حد في الكلية

33/ ايه الفرق بين انس قبل الاشراف وبعد الاشراف ؟ وياترى انت اخدته تكليف ولا تشريف ؟

اسمي بقى باللون الاخضر ... صندوق الرسايل بقى خمسين ... هعرف أظبط المحاضرات و الشغل اللي فيها

و الاشراف تكليف مش تشريف ...
هيبقى تشريف على ايه يعني

34/ ياترى انت استفدت اكتر من التدريب الصيفى ف صيدليه ولا ف مستشفى ؟
وهل تحب تكرر تجربه المستشفى تانى ؟ ولو حبيت تكررها هل هتروح مستشفى الصدر برضه ؟

استفدت من المستشفى بجد كتير جدا جدا ... في التعامل مع نوعيات مختلفة من الناس ... مختلفة في طريقة التفكير
مختلفة في مستوى الفهم ... و مفيش يوم زي التاني أبدا

طبعا اكرر تجربة المستشفى تاني و تالت كمان
هاخد 100 جنيه " و يمكن يزيدو السنة الجاية " و هاخد الشهادة المضروبة ... و اكيد هستفيد يعني

لو عرفت اروح مكان ما في دماغي ... مش هتردد ابدا ... لو محصلش نصيب ... يبقى الصدر ان شاء الله

وليه عوده ان شاء الله بدفعه اسئله سهله خفيفه خالص من المنهج المقرر وف وقت تانى

انسي

سلام

و عليكم