تحت شعار:"خذ من أموالهم صدقة تطهرهم وتزكيهم بيها"

[MAI HABIB]

السلام عليكم

انا جاتلي فكرة ...هقولهالكو وياريت نسمع الاراء وفرصة ان القسم مفتوح لجميع الاعضاء
ف ياريت كل واحد يقولنا رأيو في الكلام

تحت شعار الاية القرانية :"خذ من اموالهم صدقة تطهرهم وتزكيهم بها"

احنا ممكن نعمل زي حملة تجميع صدقات على مستوي الكلية وهتكون حملة شهرية منتظمة
فكرة الحملة دي هيكون مطلوب منك انك تدفع اول كل شهر 5 جنيه ومع حجم المبلغ اللي هيتجمع شهريا هنقدر نحدد هنعمل بيه ايه

ال خمسة جنيه دول ممكن ميفرأوش معاك حاجة اوي ....بس هيفرقو عند غيرك كتييييير
ال خمسة جنيه ممكن يكون تمن علبتين كنز هتجبهم ..تمن سنتدوتش من السنتر....تمن كرت شحن هتجيبو وتقعد تنم في التلفون

ممكن نفس ال خمس جنيه دول يكونو ميزانية بيت ليوم كامل ....يكونو تمن حقنة او شريط حبوب لانسان مريض.....ممكن يكون تمن ازايز مية تروي بيها ناس عطشانة "ولكم في كل كبد رطبة صدقة"

اكيد سمعت عن الناس اللي بتموت من العطش او بتموت لانها مش لاقية تمن الدوا
والله دا بيحصل ....ياجماعة احنا في نعمة في غيرنا مش لاقيها

ومتقلش ال 5 جنيه هيعملو ايه يعني
لو جينا حسبناها بسرعة كدا احنا 5 دفعات في الكلية متوسط الدفعة 900 يعني تقريبا عددنا في الكلية 4500
لو قلنا نسبة نجاح المشروع 10% يعني هيشترك معانا 450 طالب من الكلية
يعني 90 طالب من كل دفعة ....90 من الالف (مش قليلين شويا ؟؟؟) ماعلينا بس احنا هنحسب بشكل مبدأي

و 5 جنيه في 450 طالب = 2250 جنيه شهريا

بيتهيالي دلوقتي بقا مبلغ معقول شويا .....ممكن اول شهر نجيب كوردير مية ونحطه في الكلية وهتبقى صدقة جارية عن كل الطلبة ولمدة طويلة
ممكن نقسم المبلغ دا جزء يدخل كفالة يتيم بالتعاون مع جمعية رسالة
ممكن جزء نجيب بيه ادوية ونلف احنا نوزعها للناس .....جزء يروح لناس محتاجة واحنا مش حاسيين بيهم

ودا لو 90 طالب من الدفعة اشتركو .....ياجماعة الفكرة بسيطة والله بس عايزة نية صادقة اننا هدفنا الخير ........وفرصة اننا في شهر الخير

وصدقوني بجد هوا دا الي باقي لينا .....ولا الكنز اللي بنشربها ولا السجاير اللي بنحرقها ولا تزاكر السينما ولا ولا ولا ولا ولا

ولو الفكرة كان عليها اقبال ان شاء الله وقدرنا نحقق مبلغ كويس هنبدأ نقسم نفسنا مجموعات
كل مجموعة مسؤول عنها شخص يجمع منهم الفلوس اول كل شهر ويتفق معاهم هما حابين يحطو الفلوس دي في اي فكرة خيريية للشهر دا


ياريت لو الفكرة عجبتكو تقولو عشان نقدر نكمل فيها ....وننظم نفسنا على اول شهر 10

وتقبل الله منا ومنكم صالح الاعمال ان شاء الله......

[Mohamed Al Gohary]

والله هو موضوع كويس ... ومش جديد .. احنا مثلا عندنا فى الاسره " في الكلية " وبنعمله والحمد لله شغال كويس جدا .. وفيه مبالغ كتير كانت موجوده وكلها اتوجهت توجيه كويس جدا ..

ويوتوبيا برضه قبل كده كانت بتعملها ..

عموما فكره كويسه ..

[* Esraa_resala *]

جزاكى الله كل خير يادكتوره بجد فكره اكتر من رائعه وده المفروض ان احنا نجمع بين العباده والعمل الخيري

خاصه فى الايام الى احنا فيها ده فعلا فى ناس فى امس الاحتياج لاي مورد ليهم ومش بعيد الفكره بعد كده

تتنشر على كل الكليات ومشاء الله الثواب هيكبر اكتر وانا يادوك اول واحده معاكى بس انا ليا فكره لو تنفع

انكو تختارو من كل فرقه شخص معين او شخصين هما الى مسؤلين عن تجميع الفلوس وفى الاخر الفلوس

تتجمع فى جهه واحده زى ماقلتى مثلا جمعيه رساله او ان كل فرقه تشوف هى ممكن تعمل ايه بكده برده

ممكن نزود ونوع الاعمال الخيريه ونعمل رحلات لدور الايتام والمسنين وهكذا ده هيشجع الناس اكتر

ويارب ان شاء الله يجعلو فى ميزان حسناتك ويتقبل منك

[MAI HABIB]

والله هو موضوع كويس ... ومش جديد .. احنا مثلا عندنا فى الاسره " في الكلية " وبنعمله والحمد لله شغال كويس جدا .. وفيه مبالغ كتير كانت موجوده وكلها اتوجهت توجيه كويس جدا ..

ويوتوبيا برضه قبل كده كانت بتعملها ..

عموما فكره كويسه ..

اولا شكرا لحضرتك يادكتر الجوهري على الرد
ثانيا: انا بقالي سنتين في الكلية ومسمعتش ان المشروع دا اتطبق في اي اسرة او ان اسرة بتعلن عنو
او حتى ناس بينهم وبين بعض ....
وبيتهيالي لو كان المشروع حقق النجاح المنشود قبل كدا...كانت الناس اتكلمت مفيش حاجة بتستخبي في كليتنا دي
ممكن تكونو انتو ك اسرة "في الكلية" بتعملوه بينكو وبين بعض كافراد اسرة....بس انا بتكلم على مشروع على مستوي الكلية كلها ويبقى الناس في الكلية كلها مشاركة فيه ...او على الاقل عندها فكرة عنه

وسواء الموضوع جديد او قديم...مش هيهم اد ماالمهم تحقيق النجاح والاستمرارية

[Mohamed Al Gohary]

انا مش معترض .. بس فعلا احنا بنعمل الموضوع ده .. وحطين اعلان بكده فى منتدى الخاص بالاسرة .. والموضوع ناجح جدا .. والحمد لله عملنا حاجات كتير ووفرنا حاجات لناس كتير وماشيين لسه والموضوع مستمر ومش هينتهى ابدا ان شاء الله ..

وربنا يوفقكوا واكيد انا معاكم وكلنا معاكم ..

[MAI HABIB]

جزاكى الله كل خير يادكتوره بجد فكره اكتر من رائعه وده المفروض ان احنا نجمع بين العباده والعمل الخيري

خاصه فى الايام الى احنا فيها ده فعلا فى ناس فى امس الاحتياج لاي مورد ليهم ومش بعيد الفكره بعد كده

تتنشر على كل الكليات ومشاء الله الثواب هيكبر اكتر وانا يادوك اول واحده معاكى بس انا ليا فكره لو تنفع

انكو تختارو من كل فرقه شخص معين او شخصين هما الى مسؤلين عن تجميع الفلوس وفى الاخر الفلوس

تتجمع فى جهه واحده زى ماقلتى مثلا جمعيه رساله او ان كل فرقه تشوف هى ممكن تعمل ايه بكده برده

ممكن نزود ونوع الاعمال الخيريه ونعمل رحلات لدور الايتام والمسنين وهكذا ده هيشجع الناس اكتر

ويارب ان شاء الله يجعلو فى ميزان حسناتك ويتقبل منك

شكرا ليكي على المرور ....وفكرتك ان من كل فرقة شخص دي ممكن متكنش عملية اوي لان مش كل الدفعة تعرف بعضها او على الاقل مش كل الدفعة ليها احتكاك وكلام مع بعض

ف قلنا لو ان شاء الله الفكرة اتطبقت يبقى نعمل اجتماع والناس تختار بعضها ويتقسمو على شكل مجموعات ويعينو على كل مجموعة واحد او اتنين مسؤولين
هما اللي هيتولو مسؤولية تجميع الفلوس ...وتقرير هتتصرف ازاي الشهر دا
يعني مثلا مجموعة أ تقول احنا الشهر دا هنجيب هدايا ل مستشفى الاوارام ونطلع كلنا زيارة ليهم
مجموعة ب تقول احنا هنودي الفلوس الشهر دا كفالة اليتيم
مجموعة ج تقول هنطلعهم صدقة لناس معينة

دي هتكون الفكرة ان شاء الله ...زي ماحضرتك قلتلي بس مش هتتطبق ك فرق هتتطبق ك مجموعات

لان فيه ناس علاقتها واصحابها في فرق تانية مش فرقهم هما ....

وتنوري المشروع يارب...وربنا يتقبل منا ومنك ان شاء الله

[أمــ هـنـد ــة الله]

فكرة رائعه يا مى بجد وخمسة جنية مش هتأثر الحمد لله معانا
وان شاء الله تابعو تنفيذ المشروع ده وتعرفونا مين هيجمع وان شاء الله هتلاقو اقبال كبييييييييير
لانه خيييير عظيم والحمد لله

[قناع الذهب]

فكرة جميلة قوى ياريت تتنفذ على بدايه الدراسة

[MAI HABIB]

شكرا ياهنودة وياسمسة على التشجيع....همتكو معانا
وان شاء الله هنبدأ في اقرب وقت

[dr,mona]

واضح انك ناويها بجد يا مى

اية الافكار العالية دى

ربنا يخليكى للغلابة اللى زينا

الفكرة دى حلوة

جدا جدا جدا

وياريت تعجب الكل

انتى عارفة الفكرة دى لو تمت ان شاء الله

هتبقى الاسرة دى جامدة (( فاعل خير))

وفعلا صدقة جارية

ربنا معاكى يا مى

وان شاء الله تلاقى اعجاب من الكل

حتى لو كانت الفكرة دى اتعملت قبل كدا

نو بروبلم

زيادة الخير

المهم انك بتعملى حاجة كويسة

جديدة بقا قديمة مش مهم

مع انى عمرى ما سمعت فى الكلية عن حاجة زى دى قبل كدا

بس احنا مش نكره ان كليتنا تعمل حاجات حلوة زى دى

ومرة تانية ربنا معاكى يا قمراية