بالرغم من ان المجتمع اتغير عن الاول والناس بقت فاهمه بس مازال كتير من الناس بيشوفوا ان الكبيره لو مش اتخطبت الاول ده بينقص من قدرها دى فعلا مشكله عند ناس كتير ومش ممكن نتجاهلها
وهى مش ممكن تكون بينها وبين اختها حساسيه ومش يأثر فيها الموضوع بس اما بتشوف نظره الناس
بتحس ان يوجد مشكله بالرغم من تقبلها الموضوع
ازيك يا بنت مصر وايه المواضيع الجامده جدا دي بجد موضوعك تحفه ويارب كده على طول اما عن رايي فانا اصلا بنت واحده يعني مش عندي اخت اكبر ولا اصغر بس انا شفت الحكايه دي في واحده جارتنا هي واختها والصغيره اتجوزت قبل الكبيره انا عن نفسي اتالمت للكبيره بصراحه وانا شايفه ان العيله ممكن تقرا فاتحه الصغيره او حتى يعملوا خطوبه على الضيق بس ميتمموش الجوازه قبل ما الكبيره على الاقل تتخطب لاني بتهيالي في ظل نظره المجتمع والناس دي هتبقى حاجه قاسيه جدا على الاخت الكبيره وبتهيالي الموقف ده المفروض ييجي من الصغيره حتى لو العيله وافقت على ارتباطها مراعاه منها لمشاعر اختها انا عارفه ان دي حاجه مش سهله بس يمكن بموقفها دا وبنيتها ربنا يكرم اختها ويعجلها بالخير وترتبط بسرعه
تقبلي مروري ورايي وسلامي ليكي يا قمر ولجميع الاعضاء
انا رايى برضو ان المساله دى مسالة نصيب
هو انا الكبيره بس معنديش اى مشكله اذا اختى الصغيره ارتبطت قبلى
اصله برضو من الظلم اننا نحكم على الصغيره انها تستنى خصوصا اذا كان فى قبول بينها وبين الشخص اللى متقدملها
وزى ما قولت فى الاول والاخر المساله مسالة قسمه ونصيب
شكرا على التوبيك الجميل ده
تقبلى مرورى
شكرا يا حبيبتى على الموضوع الجميل ده, أنا رأى فعلا إن الموضوع قسمة ونصيب بس أكيد الموضوع هيأثر على نفسية البنت الكبرى حتى لو لم تظهر هذا.
فعلا الموضوع هياثر نفسيا علي البنت الكبيرة
ونظرة معظم الناس برده بتبقي مش كويسة اوي خصوصا الارياف
بالنسبالي انا الصغيرة والكبيرة مخطوبة فالحكاية محلولة
شكرا ياجماعه على ردودكم ومناقشتكم الموضوع لانه بجد موضوع حيوى فى المجتمع
وشكرا ياسموره على مرورك
انا شايفة ان الاب لازم يوافق لان كل واحد بياخد نصيبو
وممكن كمان الكبيرة تتبسط ان البيت هينقص واحدة
المشكلة دي أنا ماعشتهاش عن نفسي زمان .. رغم اني أصغر البنات لأن والدي ووالدتي كانوا رافضين تماما موضوع ارتباط الصغيرة قبل الكبيرة و أنا مكنتش أقدر أفتح بقي في كلام زي دة لو الوالد و الوالدة رفضوا .. بس الحمد لله واحدة اتجوزت وواحدة مخطوبة دلوقت فمافيش مشكلة ..
يمكن عندهم حق .. لكن دينيا حرام ..
بس في أهالي أذكياء لما بيلاقوا كدة الشخص كويس و متدين .. و في بينه و بين البنت الصغيرى تعلق , بيقولوله ع الظروف و بيخلوه يستنى شوية بعد ما يوعدوه وعد راجل - أبو البنت - .. في الوقت دة بيشتغل و يحسن دخله و بكدة البنت الصغرى مخطوبة بكلمة راجل .. لكن بدون ما حد من الناس يزعل الكبيرة ا بكلمة جارحة ..
أعرف واحدة - و الله فضلت تعتبر مخطوبة لمدة أكتر من سنة لزميل لها بدون دبلة و بدون ما تكلمه عشان خاطر اخواتها الكبار ...
و في حل تاني لو العريس مستعجل يشوف واحد صاحبه يتقدم للكبيرة عشان يخلصوا الاتنين و يبقى المشكلة اتحلت .. ههههههههه
التعديل الأخير تم بواسطة pharmacistina ; 08-09-2008 الساعة 10:47 AM
لا طبعا لازم يكون في احترام لمشاعر الكبيرة لازم والحل فعلا زي مالدكتوووورة قالت كلام رجاله لحد اما الكبيرة تتخطب
مينفعش الصغيرة تتخطب ابل الكبيرة ابد
ممكن اعرف من البنات حاجة
لو واحد متقدملك وااقل منك في الدرجة العلمية توافقي ولا لا
مثلا بكالوريوس تجاره او ليسانس اداب بس مقتدر ماديا
ضوابط المشاركة
رد مع اقتباس