هل قلمك جرئ........لتجاوب على أسئلتى

[treka 22]

[QUOTE=Dr nour;62307]
السلام عليكم ورحمة الله وبركاته

حبيت اطرح عليكم بعض الاسئله وان شاء الله تتجاوبو معها


(1) ماهو هدفك بالحياة؟
ارضاء الله اولا وابى وامى ثم تحقيق اهدافى
(2) ضمن من تصنف نفسك سلبي ام ايجابي؟
بحاول اكون ايجابية
(3) رتب هذه الكلمات حسب الافضليه لديك
الصحه-المال-الاولاد-الزوجه او الزوج-الحصول على اعلى المناصب - راحة البال راحة البال-الصحة-الحصول على اعلى المناصب-المال-الزوج-الاولاد


(4) عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟

الاهتمام الاكبر هيكون بالقريب
(5) عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟
انهى النقاش
(6) عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

اعتذر منه واشكره انه عرفنى الصح
(7) لو تفاجئت بخيانه شخص عزيز ايا كان كيف تتصرف معه؟
اتركه ف الحال
(8) لو طلب منك تولي منصب الوزير من تختار من الوزارات وماهي قراراتك؟
التربيه والتعليم.لان الاجيال هى بدايه كل شئ سواء حلو او وحش احاول اغير المناهج من الاول
(9) اذكر خمسه اعضاء تعجبك كتابتهم وقل رأيك بشخصياتهم سوا ء ايجابيه ام سلبيه؟
swtrig-lost*soul-جوهرى-hanoda بتعجبنى مواضيعم وارائهم مؤثرين ف المنتدى
...
..
.[SIZE=4][COLOR=darkred]

[نون نون]

(1) ماهو هدفك بالحياة؟
ان اكون ذا علم
(2) ضمن من تصنف نفسك سلبي ام ايجابي؟
سلبيه
(3) رتب هذه الكلمات حسب الافضليه لديك
الصحه-المال-الاولاد-الزوجه او الزوج-الحصول على اعلى المناصب - راحة البال
هتبقى (الحصول على اعلى المناصب -راحه البال-الصحه-المال-الزوج-الاولاد(
(4) عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟
والله على حسب امكانياتى بس طبعا لو هختار بين الاتنين هيبقى قريبى بس ده لو يستحق

(5) عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟

هسكت وامشى .....او اقوم اضرب اللى بناقشه
(6) عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
هقول اه اه اه انا بحسب......................................الخ وححاول ابرر والف
وادور
(7) لو تفاجئت بخيانه شخص عزيز ايا كان كيف تتصرف معه؟
هنتقم يعنى هردله القلم قلمين.
(8) لو طلب منك تولي منصب الوزير من تختار من الوزارات وماهي قراراتك؟

وزارات البلد كلها مش بحب اعتمد على حد عشان يبقى كلو تحت تصرفى .
قراراتى كلها بعدين.

[Dr nour]

أولا أحب أشكر الأعضاء الجدد اللى شرفوا موضوعى وهم:
نون نون-treka 22

أما الآن فقد حان دورى للاجابه على الأسئله:

(1) ماهو هدفك بالحياة؟

لدى أهداف كثيره أهمها:
*طاعه الله وارضاءه.........وفعل كل شئ يقربنى الى الجنه
* أن أكون مصدر فخر والدى ووالدتى ...وأن أحافظ دائما على ثقتهم بى
*أن أكون انسانه مميزه ذو شخصيه مميزه ومحبوبه
*أن أكون انسانه مثقفه ..........وخصوصا دينيا

(2) ضمن من تصنف نفسك سلبي ام ايجابي؟

لحد تالته ثانوى كنت ايجابيه جدا لدرجه تعرضى للنقد
أما الآن فأنا سلبيه جدا
حوالى 60% من حياتى سلبيه

(3) رتب هذه الكلمات حسب الافضليه لديك
الصحه-المال-الاولاد-الزوجه او الزوج-الحصول على اعلى المناصب - راحة البال

الصحه - راحه البال- الزوج -الأولاد-الحصول على أعلى المناصب-المال

(4) عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟

على حسب المشكله.........بغض النظر عن القرابه

5) عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟

أنهى النقاش .........بس لازم أقول رأيى قبل ماأنهيه

(6) عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

أكيد هعتزر وأعترف بغلطى.........وهشعر بالاحراج بس فى الآخر هكون مبسوطه من تصحيح فكره كنت فهماها غلط

(7) لو تفاجئت بخيانه شخص عزيز ايا كان كيف تتصرف معه؟

هتألم جدا ...أما المواجهه فهى على حسب قرب الشخص ده منى وكمان على حسب الموضوع
بس فى الآخر لازم أقطع صلتى بهذا الشخص

(8) لو طلب منك تولي منصب الوزير من تختار من الوزارات وماهي قراراتك؟

وزاره التعليم العالى
وأول قراراتى هى الغاء نظام التعليم القديم وخلق نظام جديد يعمل على الترابط بين الحياه النظريه والعمليه

9) اذكر خمسه اعضاء تعجبك كتابتهم وقل رأيك بشخصياتهم سوا ء ايجابيه ام سلبيه؟

أولهم حبيبه قلبى بموت فيها هى Summr breeze
بحب أفكارها ردودها بحسها شخصيه متفهمه ناضجه بيعجبنى أسلوبها وطريقه تفكيرها
وطبعا زوزو(روحى)
شخصيه جذابه، اجتماعيه
المتفائله
بحسها مختلفه .........بتشدنى
الصيدلى الذهبى
بحس أن مواضيعه مرتبه الأفكار
ياسر
أسلوبه جذاب وأفكاره رائعه .........وخصوصا اعلاناته بتشد
بس بحس أنه متسرع شويه

[AhmadRaed]

شكرا يا دكتورة علي الموضوع الجميل

1 - طبعا زي كل المسلمين هدفي رضا ربنا و إني أفرح أهلي و طبعا أكون ناجح في حياتي.

2- علي قد مل أقدر بكون إيجابي

3- راحة البال - الصحة - الزوجة - الأولاد - المال - المنصب

4- لو هحاول أتعامل مع الإثنين بنفس الشكل و إن كنت أعتقد إن الواحد بطبعه بيعطي أهله الأولوية لو كان ده لا يتعدي علي حق الغير

5 - أبطل كلام

6- أعتذر للي قدامي و حصل ده قبل كده - عادي يعني - الإعتراف بالحق فضيلة

7- حسب الخيانة و إن كنت أكيد هزعل بس و طبعا هسامح بس بشرط عدم تعدي حدود معينة

8- وزير التربية و التعليم
أعمل تربية و تعليم و نشوف الناس في الدول المحترمة ماشية إزي و نأخذ منهم و نطور علشان يصح التنفيذ عندنا

9 - للأسف أنا كنت مشغول الفترة الماضية و متابعتي ضعيفة شوية فأخاف مديش حد حقه بس الحق إن فيه ناس كتير مواضعها مميزة.

و شكرا علي الموضوع المميز

[د\بوسى ربيع]

السلام عليكم ورحمة الله وبركاته

حبيت اطرح عليكم بعض الاسئله وان شاء الله تتجاوبو معها


(1) ماهو هدفك بالحياة؟
هدفى انى اقدر افيد الاسلام والمسلمين فى يوم من الايام
(2) ضمن من تصنف نفسك سلبي ام ايجابي؟
ايجابى
(3) رتب هذه الكلمات حسب الافضليه لديك
الصحه-المال-الاولاد-الزوجه او الزوج-الحصول على اعلى المناصب - راحة البالراحه البال الصحه الزوج الاولاد المال


(4) عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟لا واحد اى حد يستنجد بيا لازم طبعا اساعده بدال ده فى استطاعتى ومش هازى بيه حد


(5) عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟
اقفل فى الكلام الصراحه يعنى
(6) عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟اعترز وخلاص


(7) لو تفاجئت بخيانه شخص عزيز ايا كان كيف تتصرف معه؟
ممكن اقطع علاقتى بيه
(8) لو طلب منك تولي منصب الوزير من تختار من الوزارات وماهي قراراتك؟وزاره الماليه اول حاجه اخلى قناه السويس بالجنيه امصرى علشان ارفع قيمته افتح الاسواق فى مصر بس التعامل يكون بالجنيه المصرى زى الصيم كده التعامل بعمله البلد اشجع الاطفال على الانتاج يعنى اخليهم يعملوا منتجات صغيره كده ممكن كمان الغى القيود اللى بتواجه انشاء المصانع هنا فى مصر كمان اعمل مصنع عربياتككبير كده تتصنع فيه كل حاجه زى مرسيدس واعمل مصانع ادويه كتير علشان نشتغل بقى

(9) اذكر خمسه اعضاء تعجبك كتابتهم وقل رأيك بشخصياتهم سوا ء ايجابيه ام سلبيه؟

...لا طبعا اكتر من خمسه بكتير انا هنا بحب كل الاعضاء وبتعجبنى كتباتهم
..
.أتمنى الرد والمشاركة من الجميع ..

وفى النهايه ميرسى جدا على الموضوع الجميل ده

[د\بوسى ربيع]

طبعا انا مش مطلوب ارد
جاوبت ع كله ف الكرسى
بس لخاطر عيونك نور هرد



السلام عليكم ورحمة الله وبركاته
سلام الله
حبيت اطرح عليكم بعض الاسئله وان شاء الله تتجاوبو معها


(1) ماهو هدفك بالحياة؟
بعد ارضاء ربى واهلى اتمنى اكون دكتورة ناجحه

(2) ضمن من تصنف نفسك سلبي ام ايجابي؟
مش عارفه بس اتمنى اكون ايجابيه قولى انتى

(3) رتب هذه الكلمات حسب الافضليه لديك
الصحه-المال-الاولاد-الزوجه او الزوج-الحصول على اعلى المناصب - راحة البال

الصحه _ راحه البال_ اعلى المناصب _ الزوج والاولاد _ المال

(4) عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟

الاتنين سواء بس لو فى وضع اختيار بينهم هختار الاكتر احتياج ليا

(5) عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟
بنسحب بهدووء

(6) عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

بقتنع براى التانى وبتفهم الموقف واعترف

(7) لو تفاجئت بخيانه شخص عزيز ايا كان كيف تتصرف معه؟
هقعد واتكلم معاه ممكن مظلوم او عمل كده غصب عنه

اما لو هو خاين اصلا ومعفن يبقى هندم انى عرفته ومش هكلمه تانى
(8) لو طلب منك تولي منصب الوزير من تختار من الوزارات وماهي قراراتك؟
الصحه
قرارتى كلها بدافع يكون الطب والصيدله كما يجب ان يكونو

(9) اذكر خمسه اعضاء تعجبك كتابتهم وقل رأيك بشخصياتهم سوا ء ايجابيه ام سلبيه؟
انا هقول سلبيات

انتى نور
بس هاديه اوىىىىىىىىىىى
ياسر
اوقات بيكسل
بريتى
مجنونه
علاء
افكاره فووووووووووق اوى وعايزة كل الناس علماء
قناع الهب
الشقاوة كلها عشان كده بحبها
...
..
.أتمنى الرد والمشاركة من الجميع ..

لا يا زوزو مش كسل بس انتى عارفهالظروف

[Dr nour]

شكرا دكتوره بوسى _dr.a_raed على مشاركتكم معايا
بجد نورتى موضوعى د بوسى

[د\بوسى ربيع]

يسلام ده نورك انتى يانور بجد موضوعاتك الجميله مكسره الدنيا

[Dr nour]

يسلام ده نورك انتى يانور بجد موضوعاتك الجميله مكسره الدنيا

ربنا يخليكى ياجميل
ده بس من ذوقك بوسى

[summer breeze]

السلام عليكم ورحمة الله وبركاته

حبيت اطرح عليكم بعض الاسئله وان شاء الله تتجاوبو معها


(1) ماهو هدفك بالحياة؟
مش عارفه بالظبط بس في حاجات كتيره قوي نفسي اعملها في حياتي بس بوجه عام نفسي ابقى انسانه ناجحه في حياتي
(2) ضمن من تصنف نفسك سلبي ام ايجابي؟
ايجابي والحمد لله
(3) رتب هذه الكلمات حسب الافضليه لديك
الصحه-المال-الاولاد-الزوجه او الزوج-الحصول على اعلى المناصب - راحة البال
الصحه- راحه البال -الزوج -الاولاد-المال -اعلى المناصب


(4) عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟
مش فاهمه بالظبط يعني هما الاتنين عندهم نفس المشكله ولا كل واحد عنده مشكله لوحده لو هما الاتنين نفس الاشكال انا هساعد الاتنين بس جانب العاطفه هيميل اكتر طبعا للشخص القريب مني اما لو كل واحد عنده مشكله شكل فاكيد برضه على حسب المشكله بس في الحالتين هحاول اساعد على قد مااقدر


(5) عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟
مش هعمل حاجه انا مبحبش الجدال العقيم انا بقول رايي اللي انا شايفاه وبحاول اقنع اللي قدامي بيه اذا اقتنع كان بها اذا مااقتنعش هو حر انا عملت اللي عليا ونصحت وفي الاخر رايي صواب يحتمل الخطا وراي غيري خطا يحتمل الصواب
(6) عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
عادي جدا هعتذر وهشرح الاسباب اللي خلتني اتمسك برايي الاولاني ممكن اكون سمعت غلط فهمت غلط عادي يعني مش نهايه العالم ان الواحد يغلط في حاجه بس المهم انه ميصرش على الغلط


(7) لو تفاجئت بخيانه شخص عزيز ايا كان كيف تتصرف معه؟
بصي الخيانه دي شيء مرير وملهوش مبرر من وجهه نظري لذلك اللي يخوني ملوش في قلبي مكان
(8) لو طلب منك تولي منصب الوزير من تختار من الوزارات وماهي قراراتك؟
وزاره التربيه والتعليم انزل قرارات بفصل ومعاقبه كل مدرس لايقوم بواجبه داخل المدرسه على اكمل وجه علشان الاولاد ياخدوا عنده درس وهرجع للمدرسه وللمدرس مكانتهم في المجتمع واعتمد مناهج جديده قائمه على تنميه المهارات الذهنيه والبدنيه علشان تطلع عندنا اجيال قادره على الانتاج والمنافسه في جميع المجالات مش خيبه زي اللي احنا شايفينها وعايشينها دلوقتي
(9) اذكر خمسه اعضاء تعجبك كتابتهم وقل رأيك بشخصياتهم سوا ء ايجابيه ام سلبيه؟
في اعضاء كتير جدا بحب كتاباتهم واراؤهم وبتهيالي مفيش حد على المنتدى الا وعجبني ليه على الاقل موضوع او اتنين بس انا هقول اللي حاضرين في دماغي دلوقتي وطبعا كل الاحترام لباقي الاعضاء
بحب جدا كتاباتك يانور وكتابات هنوده وبحب كتابه د/ جوهري ود/ احمد (allah is the great) وكمان كتاب مجله ريفيستا (د/ احمد رائد ود/امير ود/موتا ) وبتهيالي كلهم شخصياتهم حلوه وايجابيه وبتعجبني اراؤهم في المواضيع
...
..
.أتمنى الرد والمشاركة من الجميع ..
على فكره يانور انا تاني واحده دخلت على الموضوع وكتبت ردي بس شكلي نسيت اضيفه يلا مش مشكله بتحصل في اكبر العائلات

ميرسي يانور على التوبيك الجميل وربنا يوفقك كده على طول