ما هى صفات فتى أو فتاة أحلامك !!!!

[AhmadRaed]

أنا شايف إنها لازم تكون متدينة , محترمة , بنت ناس طيبين و محترمين , ذكية - في الحياة بصفة عامة مش قصدي دراسيا يعني - و تكون مقتنعة بيا و مستعدة تساندني في أي وقت
ساعتها هـحطها في عينيا
آه و تكون مشروع أم كويسة
بـــــــــــــس

[showman]

اولا : أنا مش شايف ان للموضوع ده أهمية كبيره هنا علي المنتدي

ثانيا : ومادام قد اتيت لهنا

فأكيد هطبق كلام حبيبي المصطفي (أفضل الصلوات والسلام عليه)

( فاظفر بذات الدين )

وحاجة تانية : من ترك شيئا لله , عوضه الله خيرا منه

, وان شاء الله ربنا هيكرم بالزوجه الصالحة

[pharmacistina]

الدنيا صغيرة أوى و اللى بيدور على حاجة بإذن الله بيلاقيها ... و اللى ربنا بيحبه يرزقه بواحدة بنت حلال يعنى و على خلق و أهم حاجة مامتها ........ أااااااااااااخ دى حماااااااااااااتك يا حبيب قلبى لازم تاخد بالك ... ممكن تكون البنت كويسة جدا و عايزة تعيش و بتحبك .. لكن أمها عقربة و العياذ بالله .. أه بقى لو أمها كويسة و بقيت إنت عندها زى ابنها ...... يبقى ابسط يا سيدى دا مش حماتك بتحبك بس .. لأ دى والدتك كمان داعيالك و ربنا راضى عنك ... آخر الكلام " فاظفر بذات الدين ..." أهم حاجة دينها مش جمالها و لا مالها و لا حتى عيلتها .................. و لازم تكون والدتك راضية عنها .. و كمان اخواتك البنات و إلا هيطلعوا عنيك .......... معلشى بعقد الدنيا .. بس لازم تفهمها صح عشان تعرف تعيشها !!!

كلام حضرتك مضحك لكن واقعي .. و كذلك بالنسبة للبنت
الحمى ساعات بتكون ولية ( أستغفر الله العظيم ) و أنا شفت بعيني حماية كدة وحشة أوي ربنا ما يوري حد رغم ان البنت - و الله العظيم - من أطيب و أرق و أكثر البنات اللي شفتهم احتراما ,, لكن هي ماكانتش عايزاها و عايزة تخلي ابنها يتجوز بنت خالته اللي هو مش عايزها .. المهم الحماية فضلت تدي للبنت كل كلمة و التانية كلام يخلي القلب يعيط ( و طبعا من تحت لتحت ) و احنا نقولها معلش هو كويس و مش مهم ( كل دة في فترة الخطوبة ) و في الآخر الحماية كشرت عن أنيابها في صالة الفرح و بهدلت الدنيا و أهانت البنت و عيلتها و كل واحد راح لحاله بعد ما انكتب الكتاب و لا حول و لا قوة الا بالله ..
أنا بقول للبنات .. اياكي توافقي تدخلي في عيلة مش حابة وجودك .. اوعي تدخلي في عيلة فيها أم مش متقبلة وجودك و الله ما هتسيبك تفرحي و لا تعيشي سعيدة .. انتي مرأة و عارفة ( كيد النساء ) .. عارفة لما الست بتحط في بالها انها تفركش حاجة بتعرف ..
ربنا يفرحكم جميعا و يوفقكم ..

[wh_kaboo]

ههههههههههه
والله انا خايف من المقولة اللى بتقول ( ما يقع الا الشاطر ) مش انا يعنى ؟؟؟
بس الحاجة دى قسمة ونصيب بس برده لازم شويه مواصفات يعنى متدينة وشيك واستايل وجميلة شكلا وداخليا طيبا

[Dr / MESHMESH]

الموضوع جميل وشكرا علي اسمالموضوع

اماانافتياحلامي اولا واخرا التد ين لان بدين كل مشكله ممكن تتحل ويكون محبوب من كل الناس

ويكون في نفس درجتي العلميه او اكبر وشجعني في عملي

ويا رررررررب يكون عون ليه في طاعه ربنا وندخل الجنه مع بعض

[dr.noody]

بعد الدين والاخلاق والاصل الكويس
اتمنى انه يكون طيب وكريم ومستوى ذكائه معقول وشكله مقبول وهادى شوية وطويل
وفى الآخر كل شئ قسمة ونصيب

[Sincerity]

اهم حاجه بصراحه انه يكون متدين وعارف ربنا ويحسن معاملتى ويعاملنى بالمعروف ومش مهم يكون غنى بس على الاقل مستواه الاجتماعى ميكونش اقل منى ومش لازم يكون دكتور بس يكون مؤهل عالى وطموح وذكى وكريم ويقدر يفهمنى وعنده الجديه فى الاستقرار وتكوين اسره.

[Ammar]

أول حاجة لازم تبقي متدينة وعندها اخلاق ومتفاهمة معايا وذكية وطبعا لازم تكون جميلة

[mansourapharmastar]

انا عاجبني جدا فكره الموضوع بس انا شايف ان الاراء مش منطقيه شويه لان كله في الاخر بيقع في نصيبه اللي هو مكتوبله وبيكون الاختيار صعب شويه لان حتي الولد او البنت اللي مفيش فيه او فيها الصفات المطلوبه بيحاول يتجمل قدام الشخص التاني علشان يحسسه انه متكامل لحد اول اختبار وينكشف المستور وبالنسبه لوجود البنات في الكليه صيدله فالكليه بجد متنفعشي من غيرهم هم مزعجين شويه بس هما اللي بيخلوا للحياه معني ....... انا دا رايي مع احترامي لبقيه الاراء

[salwa raafat]

والله أنا أهم حاجه عندى انه يكون(متدين)وحامل كتاب الله
لان بعد كده كل حاجه هتبقى جميله ان شاء الله
وطبعا يكون أخلاق وذكى ودمه خفيف ويكون بيحب الجو الأسرى وبيحب الخروج و الرحلات والسفر
وطبعا يكون من أسره طيبه
ويكون متفاهم مش عصبى ويحتوينى
كفايه كده بقى لأحسن أنا طولت عليكم