ربـاعيّـات جـاهيـن

[Sincerity]

مختارات لرباعيات صلاح جاهين
حبيت ان تكون اول مشاركه ليا فى منتدى كليتى اللى بحبها مهما عملت فيا هو ان اقدم بعض المختارات لرباعيات صلاح جاهين التى اعشق قراءتها وياريت تكونوا بتحبوها زيى

ياعندليب متخافش من غنوتك
قول شكوتك واحكى عن بلوتك
الغنوه مش هتموتك انما
كتم الغنا هو اللى هيموتك
وعجبى!

غمض عينيك وامشى بخفه ودلع
الدنيا هى الشابه وانت الجدع
تشوف رشاقه خطوتك تعبدك
لكن انت لو بصيت لرجليك.. تقع
وعجبى!

انا قلبى كان شخشيخه أصبح جرس
جلجلت بيه صحيوا الخدم والحرس
انا المهرج قمتوا ليه خفتوا ليه
لا فى ايدى سيف ولا تحت منى فرس
وعجبى!

ياللى انت بيتك قش مفروش بريش
تقوى عليه الريح يصبح مفيش
عجبى عليك حواليك مخالب كبار
ومالكش غير منقار وقادر تعيش
وعجبى!

انا شاب لكن عمرى ألف عام
وحيد لكن بين ضلوعى زحام
خايف ولكن خوفى منى انا
اخرس ولكن قلبى مليان كلام
وعجبى!

ياباب يامقفول امتى الدخول
صبرت ياما واللى يصبر ينول
دقيت سنين..والرد يرجع لى: مين؟
لو كنت عارف مين انا كنت أقول
وعجبى!

عجبتنى كلمه من كلام الورق
النور شرق من بين حروفها وبرف
حبيت اشيلها فى قلبى قالت حرام
ده انا كل قلب دخلت فيه اتحرق
وعجبى!

يارب تعجبكوا

[mr_toxic]

شكرا يا د/ فلة

واختيار مميز لاول مشاركة

[skelsemo]

tb3n m7dsh y2dr ytklm we y2ol 7aga 3la elsha3r elkber sala7 gahen we aked kolna bn7bo
merci 3la msharktk m3ana
we fe entzar elmazed

[dr.noody]

والله يادكتور نبيل انت ذوقك حلو أوى فى اختيار كلام جاهين لان انا من أشد المعجبين بالرباعيات ونفسى من زمان أوى اشتريها و أقرأها......

[mr_toxic]

والله يادكتور نبيل انت ذوقك حلو أوى فى اختيار كلام جاهين لان انا من أشد المعجبين بالرباعيات ونفسى من زمان أوى اشتريها و أقرأها......

شكرا يا د/
noody

والشكر ممتد ل د/ فلة

على المشاركة

وعلى فكرة فية ملف صوتى للرباعيات موجود فى الموضوع

بصوت سيد مكاوى وصلاح جاهين

[ahmed kewan]

الشاعر صلاح جاهين هو مجموعة مواهب كانت تتحرك فوق الارض..وتسير حيث كان يمشي..
ويكفي ما قاله الموسيقار الكبير محمد عبد الوهاب حين علم برحيل جاهين.حيث قال
"لم نفقد جاهين ,بل فقدنا بموته 20 فنانا,منهم الرسام والشاعر والساخر والزجال والقصص
والممثل والسيناريست

ولد جاهين في 25 ديسمبر من عام 1930 في محافظة سوهاج,وتلقى علوم الابتدائيه
في مدرسة اسيوط ثم درس في قنا,قبل ان يتوجه بشكل نهائي الى الرسم والشعر
وصلاح جاهين اسمه محمد صلاح الدين حلمي الشهير بصلاح جاهين
وقد اختار اسم جاهين لانه اسم جد من اجداده,وهوحفيد الصحفي الثائر احمد حلمي

وعندما انتهى جاهين من دراسته الثانويه الحقه والده بكليه الحقوق لكي يتخرج
ويعمل في سلك القضاءمثل والده المستشار بمحكمه الاستئناف
الا ان جاهين لم يطق دراسه القانون
فالتحق بالقسم الحر بكليه الفنون الجميله
ومع ضغط الاسره عاد صلاح من جديد الى كليه الحقوق ليرضي رغبه والده
وفيها وصل الى السنه الثالثه,ومع ذلك تركهاليعود من جديد الى كليه الفنون الجميله
واشتغل بالرسم في الصحف والمجلات ,ثم سافر الى السعوديه وعمل هناك في
جريده الرياض ثم عاد الى القاهره ليعمل رساما للكاريكاتيرفي مجله القاهره
وكانت هذه الخطوه هي بداية تعامله مع الصحافه سواء على مستوى
فن الكاريكاتير او فن الشعر او الزجل.

بدا مشوار جاهين مع الشعر في عام 1955 بقصيده نشرها بعنوان"الشاي واللبن"
ثم واصل رحلته الشعريه التي اثمرت عن ستة دواوين,كان اخرها الرباعيات
وشارك جاهين الى جانب ذلك في كتابة عشرات الاغنيات خاصة الوطنيه لكبار
المطربين وخاصة ام كلثوم
كما ساهم في كتابه سيناريوهات والتمثيل في اربهة افلام سينمائيه
وكذلك عده مسرحيات واوبريتات غنائيه ....كان من اشهرها
اوبريت" الليله الكبيره"

جاهين اول رسام يحصل على وسام العلوم والفنون من الطبقه الاولى عام1965
كما ارتبط جاهين سواء في الرسوم او الاشعار باحداث ثوره يوليو عام1952
وظل مرتبط بها وبزعيمها حتى قامت النكسه عام 1967!
هذه النكسه التي اثرت على حيته واصابته بنوع من الاكتئاب الذي جر عليه
هموم الامراض,والتي كان اخرها مرض انسداد في شرايين القلب
والذي مات بسببه في عام 1986..عن عمر يناهز السادسه والخمسين.

هذا هو جاهين لمن لا يعرف جاهين

[mr_toxic]

شكرا يا د/ كيوان

[ahmed kewan]

اعتقد كده عرفتو صلاح جاهين اللي بنتكلم عليه
وارجو ان يبقى كل اللي في المنتدى الادبي
يبقو قريين لاي حد
جاهين ,فؤاد حداد,عمنا بيرم,نروح بعيد ليه
مين مبيحبش الخال عبد الرحمن الابنودي
المهم المعرفه
اللي قبلنا قالوا"فاقد الشئ لا يعطيه"

[mr_toxic]

اعتقد كده عرفتو صلاح جاهين اللي بنتكلم عليه
وارجو ان يبقى كل اللي في المنتدى الادبي
يبقو قريين لاي حد
جاهين ,فؤاد حداد,عمنا بيرم,نروح بعيد ليه
مين مبيحبش الخال عبد الرحمن الابنودي
المهم المعرفه
اللي قبلنا قالوا"فاقد الشئ لا يعطيه"

شكرا ياكيوان وجهة نظرك وصلت

اللي قبلنا قالوا"فاقد الشئ لا يعطيه

والجملة دى ملهاش لازمة

[summer breeze]

تسلم ايدك يا دكتور نبيل على الفكره الجميله وبجد ده شيء متوقع من فنان زي حضرتك لان اللي بيحب حاجه بجد بيسعى انه ينشرها ويحبب كل الناس فيها وانا ان شاء الله ناويه احفظ من الرباعيات دي على قد ما اقدر وزي ما التوبيك ده عرفني اكتر على صلاح جاهين وحببني قوي فيه انا ان شاء الله هحاول ابقى اشارك معاكم واجيبلكم انا كمان شويه كده على قدي .
فائق الشكر والاحترام لشخصك ولموهبتك والى ان نلتقي اترككم في رعايه الله وحفظه