سلسلة طب الأسنان .... متجدد إن شاء الله

[lost*soul]

هااااااااايل

اتمنى منك المزيد من المواضيع النافعه لينا الكل

ف انتظار جديدك

[..::ciZar_Resala::..]

بسم الله الرحمن الرحيم

موضوعى معاكو النهاردة بإذن الله هيكون عن أفضل طريقة تقدر تستخدم بيها فرشة أسنانك ... لو كانت جديدة طبعا فى غسيل أسنانك و هنوضح إزاى و الموضوع مدعوم بالصور إن شاء الله .. أما لو كانت قديمة و جبت واحدة جديدة فاستغلالها أظن بيبقى أفضل عند البنات ... بسم الله .. نبدأ الموضوع

أول حاجة تدور عليها فى فرشة أسنانك أو فرشة أسنان أطفالك ... إنها تناسب السن .. عشان حجم الفم .. و سهولة الحمل .. و حجم الأسنان .. و كذلك سهولة التنظيف

تانى حاجة هندور عليها و هى الفرشة اللى تناسب اللثة عندك .. يعنى متكونش اللثة عندك حساحة و تجيب فرشة خشنة أو نوعها ردىء

أنا فى رأيى الشخصى إن فرش أسنان ال Oral-B هى أفضل الأنواع .. و فى منها أحجام و أشكال مناسبة لجميع الأعمار .. ده غير الأسعار اللى فى متناول الجميع و متدرجة فى السعر

إتأكد إن فرشتك عليها العلامة دى لما تيجى تشترى



و الصور الجاية دى لأ شكال فرشة الأسنان اللى ممكن تستخدمها





نيجى بقى للمهم و هو إزاى تستخدم فرشة الأسنان دى .. و دى طبعا الجديدة

هنبدأ الأول بتثبيت الفرشاة على خط اللثة بزاوية مقدارها 45 درجة ، و اتأكد من ملامسة الفرشاة لسطح الأسنان واللثة .و بعد كده حرك الفرشاة بلطف إلى أعلى وأسفل مع تدويرها على سطح الأسنان الداخلي والخارجي



الخطوة التانية نكرر نفس الخطوة اللى فاتت على مجموعة تانية من الأسنان بحيث يتم تنظيف من 2-3 أسنان كل مرة



بعد كده هنضع الفرشاة خلف الأسنان الأمامية عموديا .و نحركها إلى أعلى وأسفل باستخدام نصفها الأمامي



و أخيرا ثبت الفراشة على السطح الطاحن من الأسنان وحركها إلى الأمام والخلف بلطف . نظف اللسان بتحريك الفرشاة من الخلف إلى الأمام لإزالة الرائحة التي تنتجها اللويحات الجرثومية



يوصى الأطباء عند تنظيف الأسنان باستخدام الفرشة لمدة دقيقتين .. أو دقيقة واحدة على الأقل

نيجى لفرشة أسنانك القديمة

بأخذ عملية ال recycling فى الاعتبار .. ممكن تستفيدى (و الكلام للبنات) من فرشة أسنانك القديمة بأنك تلمعى بيها الدهب بتاعك .. إنقعيه فى مسحوق الغسيل شوية .. و بعد كده استخدمى الفرشاة فى تنظيفه و جعله براق

أما الولاد .. فممكن يستفيدوا بيها بأنهم يدوها لأختهم تنظف بيها الدهب .. أو لو عندك عجلة ممكن تنضف بيها التروس

[lost*soul]

ماشاء الله سلسلتك للاسنان رائعه ومفيده وحلو اوى موضوع ازاى نغسل اسنانا عشان نتعلم الطريقه الصح

لان ف ناس بتقول انا بغسل اسنانى وبلاقى فيها لسه اكل

بس اسمحلى اضيف حاجه

كمان الفرشه وحدها لا تكفى لازم بين الاسنان يتنضف بخله او بخيط مع مراعاه ان اصحاب المينا الضغيفه

الكلام ده مش مناسب ليهم

كمان حاجه لاحتها وسمعتها كانت موجهه بسؤال ليا

واحده بتقلى بغسل اسنانى ديما ومع ذلك اسنانى بتسوس؟؟؟؟؟

الاجابه الى قدرت اقولها بناء ع معلوماتى ومش عارفه هيا كامله ولا لاء

ان مش بس غسل الاسنان كفيل بالحمايه بس مهم للتاخير والحفاظ اما التسوس فسببه مش بس الاكل كمان طبيعت الاكل ده والمشروبات والوراثه والبيئه المحيطه وبعض الامراض الداخليه

د_ياسر انت مهتم اوى بالاسنان

انت د_اسنان ولا صيدلى

وياريت تجاوبنا ع اسباب تسوس الاسنان

سعيده بيك وبسلستك الرائعه

ف انتظار جديده

[A H M E D]

ماشاء الله

تخصصك أسنان ولا إيه يا ياسر

[sosoo]

موضوع جميل جدااااااا
جزاك الله خيرا

[pinky]

جزاك الله كل خير على الموضوع الرائع دا
وانا بجد باستخدم فرشتى القديمة فعلا فى غسل الدهب
مشكوووووووووووووووووووووووووووووووووووووور

[..::ciZar_Resala::..]

مشكورين كلكوا يا جماعة

و الحقيقة إن تخصصى هندسة مش أسنان .. بس مفيش هنا منتدى للهندسة

و بالنسبة للدكتورة زوزو أنا هعملك المواضيع اللى عايزاها

و بالننسبة لأن فرشة الأسنان بس لا تكفى .. الموضوع ده كان عرض لطريقة الاستخدام و مش عرض لطرق تنظيف الأسنان

و إن شاء الله أفيدكوا بالجديد

[M.3esawy]

كلامك جميل دكتور ياسر ..
بس انا ليا استخدام للفرشه القديمه .. بنضف بيها اللوح الالكترونيه زي المزر بورد بتاعت الكومبيوتر كده وكروت الشاشه والصوت

شكرا ليك يا دكتور على التوضيح ..
عايزين كمان ..

تحياتي ,,,

[salwa raafat]

gamil awy mawdoo3ak ya yaser w kaman tare2et 3ardak leh
rabbena yekremak
mastanneyyeen almazid

[mr_toxic]

سبحان الله
دكتور الاسنان
لسة قايلى على الطريقة دى من بتاع اسبوع وقايلى نفس الكلام دة

بس قاللى لما تغسل الصف الفوقاتى والتحتانى لبرة

حط النعجون وسيبة بتاع 5 دقايق واعسل سنانك وكرر اللى عملتة فى الاول تانى