هل نحن جيل فاشل؟؟

[WhiteBird]

بسم الله الرحمن الرحيـم

السلام عليـكم ..



كثيرا مانسمع هذه الايام الناس يقولون ان:


الزمان اتغير و معتش زى الأول .....يا ريت أيام زمان ترجع ...


كانوا الناس اخوان ... وكل شي كان له طعم ...


الكلام هذا كثيرا نسمعه في مجالس الكبار ويشوفون أن هذا الجيل ما يصلح
لتحمل المسؤولية


وأن زماننا في كل أطرافه زمان لا يصلح للمعيشة وانه زمن الاتكال على
الغير ..

نسمعهم يتحسرون على أيامهم الماضية


ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟؟

وهل يخلو عصرنا من كل شيء جميل لهذه الدرجة التي يرونها ؟؟

اريد ان اسمع ارائكم بعقلانيه دون تعصب لزماننا

فهل فعلا نحن جيل فاشــــــل ؟!!

ولواحنا مش كده ممكن نعمل ايه عشان نصحح الفكره دى؟ ولو احنا فعلا كده نعمل ايه عشان نبقى احسن؟

اتمنى تفاعلكم ومنتظره ارائكم ..

[lamiaa]

والله يا حنان موضوعك بجد جميل جدا وجديد وبيناقش حاجة مهمة اوى
انا عن نفسى متفقة مع الراى ده بنسبة معينة وبرده فى نفس الوقت معترضة عليه بنسبة معينة برده
يعنى مثلا ايام زمان كانت فعلا احسن كتير من الوقت من حيث الاخوة والقيم والمبادىء
واحنا فعلا ممكن نكون فينا الصفة دى اننا جيل تفكيره سطحى شوية بس مش فاشل اوى يعنى
اكيد فى ناس كتير وشباب ناجحين فى حياتهم مش كل الجيل وحش يعنى
واكيد احنا لو الصفة دى موجودة فينا فعلا اكيد احنا الى نقدر نصلحها ونغيرها تماما
واكيد احنا اتقال علينا كده علشان البعد عن طريق الله والبعد عن طريق الصح
واكيد لو رجعنا لطريق الله هنصلح انفسنا وحالنا وبكده هنغير الصورة دى.. ان شاء الله يعنى
جزاكى الله خيرا على مناقشة موضوع زى ده

[Aésmaïl]

موضوع فى غايه الروعه يا دوك
جزاكم الله خيرا
.
من وجهه نظرى المتواضعه بقى
اقدر اقول ان همه معاهم فعلا حق فى ان الزمن اتغير
وده نظرا لإختلاف طرق التفكير بين الأجيال
وبرضو ده بسبب التقدم فى كل شيىء سواء كان العلمى او غيره
ابسط مثال النت ...
.
وكل جيل وفيه الحلو والوحش
ومش شرط جيلنا كله يبقى مش كويس فيه ناس كتير متفوقين فى مجالاتهم
.
بس اهم من ده كله علاقتنا بربنا تفضل ثابته مهما
اختلفت الأزمان ومهما توالت العصور
.
.

[summer breeze]

موضوع جميل جدا يادكتوره حنان بس انا رايي ان تعميم الكلام مرفوض من اي اتجاه يعني مفيش حاجه اسمها جيل فاشل وحاجه اسمها جيل ناجح لكن في حاجه اسمها انسان ناجح وانسان فاشل لكن انا شخصيا بميل للزمن القديم لان زمان الناس كان فيها خير لبعضها وماكانتش الحياه ماديه بحته زي دلوقتي وبتهيالي ان احنا نقدر نبقى افراد ناجحين جدا ونكون مجتمع راقي ومتحضر لو جمعنا بين اخلاق الاسلام وبين ثوره المعلومات اللي احنا عايشينها دلوقتي وساعتها بس نقدر نقول اننا جيل ناجح بكل المقاييس واجمل حاجه ان نجاحنا مش هيبقى في الدنيا وبس لا ان شاء الله يمتد للاخره وربنا يدخلنا الجنه لان احنا منسيناش دينا علشان الماده ويارب كلنا نحقق المعادله دي ونلتقي في الجنه ان شاء الله مره تانيه مشكوره يادكتوره حنان واترككم في رعايه الله وحفظه

[WhiteBird]

مشكووورين لميا ,د.احمد ,summer breeze على مشاركتكم..
يمكن السبب الرئيسى للى احنا فيه هو سوء استغلالنا للتطور يعنى مثلا الكمبيوتر والانترنت معظمنا استغله الاستغلال السلبى ترفه تسيله تشاتينج والبعض القليل استفاد بمميزاته..وكذلك التليفزيون والقنوات الفضائيه بتفرج على فيلم على اغنيه ولو فى برنامج مفيد اوحوارات اوعرض معلومات بنقلب القناه.. دى كلها امثله على سوء الاستخدام اللى بدوره ادى الى الاستهتار والسلبيه فبقت النظره الغالبه للجيل الجديد انه فاشل..بس ياترى لو الحاجات دى كانت موجوده زمان كانوا هيستغلوها ازاى؟ده مش بيشيل المسؤليه عننا لكن بيوضح اشمعنا الجيل ده اللى اتقال عليه كده..
مشكوورين تانى مره ومنتظره المزيد من الاراء..

[:|©؛°¨¨°؛©الصيدلى الذهبى©]

انا مش هكتر فى الكلام ..خير الكلام ماقل ودل
كل واحد بينظر للاشياء من خلال افكاره اللى اتربا عليها
اعتقد ان عصرنا دلوقتى احسن من زمان فى حاجات كتير ولكن فى الزمن الماضى كانت هناك اشياء افتقدناها الآن

[pooooh]

فى الحقيقه الموضوع حلو جدا
الغريب اننا نسمع الكلام ده من كل جيل على الجيل اللى بعده
بس فى الحقيقه انا شايفه كتييييييييييييييييييييييير من الجيل ده قدروا يثبتوا معدنهم الأصلى فى أول فرصه
والدليل على كده أسر الكليه النشطه
ما شاء الله عليها
رساله
صناع الحياة
صيدلى المستقبل
فى الكليه
ده غير الجمعيات اللى قايمه بمجهود الشباب اللى بيقولوا عليه الكلام ده
لكنهم اثبتوا انهم رجال صدقوا ما عاهدوا الله عليه
يعنى لو بصينا كويس هنلاقى ان الخير فى الجيل اللى طالع ده
ربنا معاهم ومعانا

[Anas]

أكيد الناس الأكبر مننا مقالوش علينا كده من فراغ " بغض النظر عن اذا كان رأيهم صح أو خطأ "

لو جينا و بحثنا عن أسباب الكلمة دي هنلاقي أسباب لا حصر لها دفعتهم انهم يقولو حاجة زي دي

‏*‏ مثلا ... اللبس المنتشر بين الغالبية من الشباب و البنات
و الذي يفتقد للحشمة من البنات و للاحترام من كليهما

‏*‏ مثال آخر ... قلة الهمة و العزيمة عند كتير من أبناء الجيل الحالي
و ده سبب رئيسي في الكلمة اللي بنتناقش عليها

‏*‏ قلة أو انعدام القيم و المثل الدينية و الأخلاقية عند كتير من الشباب " أقصد الجنسين مش الأولاد بس "

‏* عدم تحمل المسئولية من قبل كثير من أبناء الجيل ده

‏*‏ ان الناس الكبيرة اللي بيقولو كده عاوزين أولادهم و الجيل الصغير يتربو و يتعلمو
و يتعاملو زيهم لما كانو في نفس المرحلة السنية ... و ده غلط جدا !!!
غلط لان كل عصر و كل مرحلة ليها ظروفها و معطياتها و بالتالي متطلبات مختلفة

و دي كانت بعض الأسباب اللي دفعت الكبار لانهم يقولو كلمة زي دي
و اللي أحيانا بتتعداها الى كلمة شهيرة ... "جتكم القرف ... مليتو البلد "

دي كانت وجهة نظري .... و شكرا على طرح الموضوع

[Mohamed Al Gohary]

الفكر التافه موجود فى اى جيل .. زيه زي الفكر القيم .. بالظبط

[dr_shimaa]

كل جيل فيه الحلو والوحش بس يمكن زمان كان فيه تمسك بالأخلاق والقيم أكتر

وفيه مظاهر جميله افتقدناها الأيام دى بس برضه ماينفعش التعميم

لأن دلوقتى فيه ناس برضه كتير متمسكه بالدين والأخلاق وناجحه جدا رغم الظروف الصعبه اللى بتمر بها

المجتمعات دلوقتى