هل الصيدليه دكان لبيع الادويه

[pooooh]

بجد موضوع ممتاز جدا .....زشكرا يا دوك علي الموضوع الجميل ده
و احسن حاجة من وجهة نظري اننا نتجاهل الشخص الي بيقول كده ... لو هو بيهزر هيعرف انه بيلخبط ...ولو هو متغاظ منك علشان انت احسن منه هيطق فيموت ...

مرسى على المرور يا دوك بس احنا عايزين نتناقش فى الموضوع من ناحيه علميه يعنى نشوف المشكله واسبابها ونحلها بدل ما ندفن راسنا فى الرمله لازم نواجه الواقع الحالى ونواكب متغيرات السوق من غير ما نضحى بمبادئنا ولا ايه؟
مرسى على تعليقك

[dr mima]

مرسى ع الموضوع
بس أنا رايى اننا نبطل نتكلم ف المواضيع دى لان احنا عارفين بالظبط احنا ايه
و الى بيقول الكلام ده اصلا يا اما جاهل و مش فاهم حاجة يا اما مش قادر يبقى زينا فمفروس
بس كدة يقولوا اللى يقولوه مدام الواحد مقتنع بنفسه يبقى خلاص
فاحنا ممكن نرد عليهم اه بس ف الآخر برضه براحتهم عايزين يقتنعوا ماشى مش عايزين براحتهم
و يبقوا يشوفوا هيعملوا ايه من غيرنا

[fathybehery]

بس انتم يا جماعة لية متضايقين من كلمة دكان
هى مش الصيدلية دى تعتبر drug store

اذا ردنا على الناس دى لازم يكون بان احنا نقوى نفسنا علميا بحيث لما تقف فى الدكان تثبت لهم ان دة دكان و فية دكتور ...مش دكان و فية بقال

[semosoro]

يا جدعان طيب مانخلى البقالين اللى احنا هما نقفل ونشوف ساعتها هيحصل ايه
ساعتها بقا مش هيقولك يا دكتور
دا هيعظمك ويقولك يا بشمهندس
هههههههههههههههههههههههههههههههههههههههههه

[Dr / MESHMESH]

موضوع حيوي جدا يادكتور انا برده بزعل جدا من كلمة بقال وفي بعد الا هل بيقول كده

والفكره دي عامه في المجتمع وانا اعتقد ان السبب ان احنا تنا زلنا عن دورنا في الصيدليه

واصبح القائم بدور الصيدلي اي شخص معه اي مؤهل او مش لازم مؤهل

ودور الصيدلي مش بس في الصيدليه في الشركات والبحث العلمي لو لسه موجود في مصر للاسف

اصبح الصيدلي بيفضل الشغل في الخارج

اسفه للاطاله

[Mohamed Al Gohary]

موضوع جميل وانا اتفق مع دكتور فتحى فى رايه .. احنا اللى لازم نغير المفهوم ده ..

[alaa basiony]

i got question to reflect my point of view ..... does new pharmacy graduate deserve being apart of mediacal team and act as community pahramcist ?????

[The Princess]

اولا الموضوع جميل و سعيدة انه اطرح للنقاش .....
و هو انا برضه من قبل ما ادخل الكلية و الناس بتقولى انتى بقاله و بياع برخصة و كلام تانى كتير و شايفه ان المسئول عن كده فى الاول هو الصيدلى المفروض كل واحد فينا يحاول يطور نفسه و يقدم الخدمات للمرضى بشكل افضل يعنى مش يبقى مجرد واحد بيصرف دوا للمرضى و خلاص لا لازم يكون له دور ايجابي اكتر من كده ...
للاسف فيه كتير من الصيادله بقى همهم الربح المادى فقط و تحول الدوا لمجرد تجارة زيها زى اى تجارة تانيه مش بيحكمها عنصر انسانى او بشرى و ده اللى شوه صورة الصيدلى لانه بكده بقى زيه زى غيره او زى اى بقال فعلا ...
غير كده برضه الصيدلى اللى معندوش خبرة العلمية اللى يقدمها للمرضى برضه بكده بقى زيه زى اى واحد واقف بيصرف الدوا ....
لازم الصيدلى يكون عنده الجانب الانسانى و اهم حاجه عنده راحة المرضى و لا زم يكون عنده المادة العلمية الكافيه و الخبرة و الدراية اللى تخليه يقدم خدماته للمرضي بشكل افضل و بكده يبقى مش بقال ...
تحياتى للجميع

[Mohamed Al Gohary]

هقول كلمه واحده .. اكيد فى صيدليات كتير فيها ناس مش خريجين صيدله ..


كل ما زاد الفرق بينا وبينهم .. كل ما هتختفى الكلمه دى .. بس الاهم ان الصيدلى يسعى انه يزود الفرق بينه وبين اللى مش خريج صيدله وشكرا ..

[pooooh]

مشكوريييييييييييييييين كل اللى انضموا للنقاش الجاد ده وعلى رأسهم أكيد دكتور فتحى
والأهم اننا كلنا اتفقنا ان احنا مش بياعين بنصرف الدوا وبس
احنا بنراجع ع الدوا المصروف صح يمشى مع بعضه ولا فيه حاجه غلط ووظيفتك تراجع الدكتور بذوق وتعرفه غلطه ويمكن هو اللى يقنعك ويديك خبرة
وظيفتك تعامل المرضى برحمه وبإبتسامه عريضه مهما كان بيك هموم
وظيفتك تسمعله وتتطمن على صحته لـأن ارواح الناس مش لعبه دى أمانه بين ايدينا
المهم انك تطور نفسك ومتسيبش مكانك لحد مش شغله الاسيستانت انه يوصف ويعالج زيه زيك
اتمنى تختفى ظاهرة الاسيستانت من صيدليات مصر كلها
ليعود المكان لأصحابه عندما (يستحقوه)
المهم ننمى معرفتنا واخبره بتيجى مع الأيام المهم العلم الصح