"كرسى إعتراف لنور المنتدى "د/هبة مرسى "

[Amira]

امممممم ممكن مش أجاوب على السؤال ده

منـور يا أخ

محدش يرحمها هبه دى مبهدلانا اسئله طول الخمس سنين بتوع الكليه

انا مش هسأل بقى عشان مش فاضيه وكماااان عارفه اجاباتك كلها حتى اللى مجاوبتيش عليه هههههه

ربنا يكرمك وييسرلك أمورك يارب

[امانى*]

انتى فين يابيبوووووووووووووووووووووووووووووووووو؟؟

[DR.BIBO]

انتى فين يابيبوووووووووووووووووووووووووووووووووو؟؟

معلش يامووووووووووون انا أسفه أوى انا عارفة انى متأخرة عليكو فى الاجابات والله بس أصلكو بتسألو أسئلة مهمه جدا عن المستقبل وناويه أكمل فيه ازاى وانا دلوقتى ماشيه فى كذا اتجاه عشان أوصل للمستقبل ده وبعد ماكنت ظبطت كل حاجة رجعت وعدت أولوياتى من أول وجديد دعواتكو بقى ربنا ييسر كده والدنيا تمشى صح وأرجع أحكيلكو كل حاجة وأنا عملت ايه فى مشوار البحث عن المستقبل ده

[rose smile]

بيبو غطسانه يامانى
تسالها على الماشى كده
احكيلى مواصفات شريك حياتك
كلمينى عن احلام المستقبل
واختارى 5اشخاص معينه فى حياتك ووجهى ليهم كل واحد كلمه

[DR.BIBO]

أولا بعتذر جدا عن التأخير فى الرد بس بجد كنت محتاجة أرتب أولوياتى من أول وجديد قبل ما أجى وأجاوب عليكو

أهلا وسهلا أخيرا دكتوره بيبو هتدوق السم

قصدى هتقعد على الكرسى

يلا بقى مش هينفع الواحد يمر كده وخلاص على العموم نسأل سؤالين كده وخلاص

• حضرتك أهلاوية ولا من الاوفياء
• من الأوفياء
  
• أهم حاجة حضرتك نفسك تحققيها فى خلال شهر ؟
• امممم..... نفسى أنجح فى شغلى وفى الدبلومة وأرجع أقرأ وأكتب زى زمان من الأخر نفسى أبقى مفيده فى حياتى وحياة غيرى
  
• بعد التخرج أقرب هدف حضرتك ناويه تحققيه؟
• انى ابقى دكتورة صيدلانيه شاطرة
  
• ايه أهم هدف لحضرتك على المدى البعيد ؟؟؟
• يعنى على حسب حاجات كتير الله أعلم بكرة عامل إزاى بس بجد نفسى أبقى دكتورة شاطرة افيد الناس واتعلم منهم ،نفسى اتعلم فى التنمية البشريه وابقى مدربة فيها،وانزل مقالات فى المجلات والجرائد ،نفسى يبقى عندى أسرة صغيرة وجميله وأربى ولادى صح على حب ربنا ويفيدو المجتمع ويكونو مؤثرين ومختلفين بجد
  
• يعنى مثلا نقول دكتورة هبه حلمها ايه بعد 5 سنين و بعد 20 سنة ؟؟؟
• نفس الاجابه بتاعة السؤال اللى قبله
  
• كان واحدة من أصحابك رفع سماعة التليفون وبارك لحضرتك فى العيد ؟؟ والعكس حضرتك باركتى لكام واحدة من أصحابك فى العيد ؟ بنهدى النفوس بس
• ههههههه لأ احنا مقضينها مباركات على الفيس من غير تليفونات
  
• أهم هواية عند دكتورة هبه ؟
• القراءة والكتابة والاسئله اللى بزهق أصحابى منها
  
• أكتر حاجة حضرتك بتشاهديها فى التليفزيون؟
• المسلسلات والافلاموبرامج التوك الشو خصوصا يسرى فودة ومحمود سعد
  
• يوم حضرتك بعد التخرج بقى ماشى ازاى ؟
• بعد التخرج علطول كان الصبح تدريب فى مستشفى الجامعه وأخر النهار تدريب فى صيدليه ،دلوقتى بشتغل فى صيدليه وباخد دبلومة تصميم وتشيد دوائى
  
• أكتر حاجة حضرتك بتخافى منها....
• انى احس ان اللى قدامى فاهمنى غلط او انى أظلم حد
  
• أكتر حاجة حضرتك بتطمنى وهى موجودة
  
• فى ناس معينه وجودهم فى حياتى بيطمنى بس انا رأيى ان الإطمئنان الحقيقى بيجى من جوانا لو حسينا ان ربنا دايما معانا
  
• أكلة لو اتطبخت فى البيت يبقى النهاردة صيام بالنسبة لحضرتك
• القرنبيط
  
• بس صيام ليه اى اكله عارفين انى مش هاكلها بيسلقولى بطاطس لانى بحبها اوى
  
• أكتر أكلة حضرتك بتحبيها
• محشى ورق العنب (حضرتك جوعتنى علفكره )
  
• enumeerate 20 حاجة بتضايق حضرتك فى البلد دى اشمعنى 20 مش عارف وليه كتبت enumerate برده عشان مش عارف أجيب معناها بالعربى

عشرين حاجة
كفايا اوى اللى حاصل فى البلد دلوقتى نخبه مش عارفه تتفق ولما تتفق متديش حلول
وسلطة عايزة تاخد كل حاجة من غير ماتقدم اى تنازلات عشان تقدر توصل لحل وسط
وشعب تايه فى النص مش عارف يوصل للصح فين وكله بيرمى على كله ومحدش بيستحمل كلمة للتانى وأطفال بتموت من غير تمن
لو على اللى مش عاجبنى فكتير اوى يادكتور
بس الأكيد إن بكرة جاى أحلى إن شاء الله مع انى بجد مش عارفه الطريق لبكرة

معلش بقى مش عارف أصيغ الاسئلة ولا حتى أجيب أسئلة ليها مغزى ربنا مايكتب عليكم اللى الواحد بيشوفه واضمحلال المخ اللى الواحد بيتصاب بيه من الشخصيات اللى عايش معاها
هو انا قلبت بدور متسولين كده ليه كفاية كده أصل لو طولت مش بعيد الكلام يطير منى

بجد يادكتور محمد أسئلة حضرتك حلوة اوى ومختلفه ومميزة كالعاده ومبسوطة بجد ان حضرتك حبيت تدوقنى السم

[eeeman]

اهلا يا بييييبو المنتدى نور .... فرحت لما لقيتك رجعتى وبداتى تكملى اجابة يلا شدى حيلك وكملى باقى الاسئلة

[امانى*]

قوليلى بقا يابيبو : مين سماكى :هبه :وليه ؟
ايه الحاجه الى اتمنيتى تحقيقيها :واتحققت فعلا ؟
اكتر ظلم وقع عليكى كان ايه ؟

[DR.BIBO]

بيبو منورة الكرسى يا جميل ومستمتعة باجاباتك ......ممكن بقى كام سؤال صغيرين كدة .....

ربنا يخليكى ياايمى ..... انتى اللى منورة بأسئلتك الجميلة والمختلفه

وانتى صغيرة لما حد كان يسالك نفسك تطلعى ايه كنتى بنقولى دكتورة كعادة البنات ولا مقولتيهاش ...وصيدلة كانت رغبتك ولا دخلتيها تنسيق ؟؟؟؟ وفى اى مرحلة من مراحل الدراسة قررتى انك عايزة تبقى كذا ..؟

لا عمرى ماقلت عايزة اطلع دكتورة كنت عايزة اطلع مرشدة سياحية ،مذيعه ، ولما كبرت شويه وبقيت فى ثانوى كان نفسى اوى اطلع دكتورة نفسية تحديدا عشان أساعد الناس وأعالجهم وأعرف الناس اللى قدامى بتفكر إزاى ،دخلت صيدله تنسيق بس من ساعة ماعرفت انى دخلتها وانا بحبها اوى مش عارفه ليه

ايه أكتر لعبة كنتى بتحبيها وانتى صغيرة ؟؟ واكتر فيلم كرتون حبتيه ؟؟ وايه الافكار اللى كانت بتشغل دماغك وانتى فى فترة ابتدائى يعنى مش شرط من اول اولى لا يعنى نقول رابعة خامسة كدة لو تفتكرى ؟؟
اكتر لعبه ممكن استغمايه والكراسى الموسيقيه وكيمو كونو كنت بمسك العرايس بتاعتى واقعد اتكلم معاهم شويه مدرسه شويه ماما والحاجات ديه بقى ، كارتونات ممكن ،سندريلا،اليس فى بلاد العجائب ، فى كرتون كده مش فاكرة اسمه كان عربيات بتتكلم كده بس ده شوفته وانا كبيرة ، صدقينى مش فاكرة ياايمى كنت بفكر فى ايه ساعتها
اكتر مرحلة او مدرسة حبتيها ابتدائى ..اعدادى ..ثانوى ؟؟

ابتدائى كانت جميلة اوى بس مفتكرش منها كتير
وثانوى اتعلمت حاجات كتير غيرت فى شخصيتى فعشان كده بحبها اوى

بداتى تكونى اصحاب من امتى ؟؟ ومين من صاحباتك كان معاكى فى المدرسة ولسة صاحبتك حتى الان ؟؟
كان عندى اصحاب من ابتدائى وفى منهم ناس لسه بشوفها لحد الوقتى بس مش كتير ، فى إعدادى كنت منقوله مدرسه جديده كونت أصحاب برده وكان فى ناس اصحابى اوى بس مشوفتهمش من زمان من ثانوى بقى طلعت ببنتوتات زى العسل ماكانوش طايقنى فى الأول بس دلوقتى أغلى أصحاب عندى دول اللى طلعو معايا من ثانوى وخمس سنين صيدله (الاختين الحلوين أمنيه وأميرة )
احساسك كان عامل ازاى لما عرفتى انك هتدخلى صيدلة وراى مامتك وباباكى ؟؟ واوصفيلى اول يوم ليكى فى الكلية كاان عامل ازاى؟؟ واحساسك فى اول سكشن عملى تدخليه لما لبستى البالطو ؟؟ وكان سكشن ايه ؟؟؟

معرفش ليه اول ماعرفت انى دخلت صيدله فرحت اوى خصوصا لما شفت فرحة ماما وبابا واخواتى وحسيت انها مكتوبالى ، اول يوم فى الكليه كنت مع واحده صاحبتى كانت معايا فى دروس ثانوى وكنا تايهين ومش فاهمين حاجة والمدرج مليان على أخرة والناس واقفه عالباب من كترتهم ،كانت اول محاضرة لدكتور محمد النجار كانت محاضرة حلوة اوى وخصوصا انه كان متفهم اننا لسه تايهين ، بعدها بقى محاضرة كيمياء فيزيائيه صدمتنا فى الكليه (بقى إنجليزى ده يامرسى ) وبس ، مش فاكرة اول سكشن يا إيمى بس اكيد كنت فرحانه

اكتر مادة حبتيها واكتر مادة كرهتيها فى الكلية؟؟وايه اكتر سنة حبتيها وايه ارخم سنة فى الكلية ؟؟

اكتر مادة حبيتها كنت بستمتع بمذاكرة الفارما والمديسنال
اكتر مادة كرهتها مش لدرجة كرهتها بس البابليك والميكروكانت رخمة فى مذاكرتها
اكتر سنه حبيتها اولى ورابعه
ارخم سنه سنه تانيه

اكيد اتدربتى فى صيدليات فى الصيف ...يا ترى حابة شغل الصيدلية و ناوية تشتغلى فى صيدلية ولا لا؟؟
اتدربت فى صيدليات كتير وفى مستشفيات كمان

بصى يا ايمى شغل الصيدليات لابد منه عشان تعرفى ايه الادويه اللى فى السوق وتعرفى تتعاملى مع الناس أكتر وعشان يعنى متبقيش دكتورة صيدلانيه وحد من العيله يجى يسألك على حاجة متعرفيش تجاوبى لكن شغل الصيدليا فى حد ذاته مش حاسه انى ممكن اعيش حياتى كلها اشتغل فى صيدليات حاسه انى اقدر اعمل وادى حاجات اكتر من كده

هواية بتحبيها بس مش موهوبة فيها وكان نفسك يكون عندك الموهبة دى ..ماهى ؟؟

الرسم كانت جاتلى فترة اتعلمت مبادىء الرسم وكنت برسم حلو وبعد كده بقى نسيت المبادىء بتاعة الرسم فبطلت ارسم

شفنا ليكى مقالات جميلة فى المنتدى الادبى ...ياترى بتعرضى المقالات دى على حد من أفراد اسرتك وتشوفى رايهم ..مين وايه رايهم ..ولا ميعرفوش انك بتكتبى ؟؟ ومين اول حد بتوريه حاجة انتى كاتباها ؟؟

اولا شكرا على رأيك الجميل ده ، ساعات يعنى لو مزاجهم حلو بيقرأو اللى انا كاتباه لكن فى العادى اللى بكتبه أصحابى هما اللى بيشوفوه واهلى واخواتى هنا فى المنتدى

بجد يا إيمى أسألتك تحفه وفكرتنى بذكريات نسيتها من زمان

---------- Post added at 01:48 PM ---------- Previous post was at 01:39 PM ----------

اجابتك جميييييييييييييله اوى اوى يابيبو ..
ربنا يخليكى يامون ده بس من ذوقك
بس ممكن اعرف بقا مش جاوبتى ع السؤال ليه
مش عارفه بس محسيتش انى عايزة اجاوب عليه
قوليلى يابيبو :خطتك الايام الجايه ايه بما انك اتخرجتى :القريبه والبعيده :بالتفصيل

متهيألى انا جاوبت على سؤال بعد التخرج ده مع دكتور محمد لو فى حاجة عايزة تعرفيها بالتفصيل عرفينى وانا اقولك